Morgunblaðið - 29.06.2019, Blaðsíða 49
MENNING 49
MORGUNBLAÐIÐ LAUGARDAGUR 29. JÚNÍ 2019
Ragnheiður Birgisdóttir
ragnheidurb@mbl.is
Þrátt fyrir að vera nýlent eftir
langt flug er Olivia Finnegan full af
orku og lýsir upp þungbúinn rign-
ingardaginn sem mætir henni í
Reykjavík með húmor og persónu-
töfrum. Finnegan er 24 ára banda-
rísk listakona, búsett í New York
og er, að eigin sögn, afar ævintýra-
gjörn. Sýning hennar American
Single: A Live Dating Show! vakti
mikla lukku á RVK Fringe Festival
í fyrra og hefur Finnegan nú snúið
aftur til Íslands til að endurtaka
leikinn.
„Ástarlíf mitt hefur verið nokkuð
róstusamt hingað til svo ekki sé
meira sagt,“ segir Finnegan og lýs-
ir því yfir að hún hafi kynnst ótal
mönnum í stefnumótamenningu
New York-borgar sem hafa verið
síður en svo heillandi. „Ég komst
að því að allir sem nota stefnumóta-
smáforrit hafa svipaða sögu að
segja og mér fannst þetta eiga skil-
ið samastað á leiksviðinu.“
Eru vandræðaleg og stressuð
Finnegan segir það vera algengt
að fólki takist að skapa mikla nánd
sín á milli þegar það er falið bak við
skjáinn en svo hverfur sú nánd
ósjaldan þegar það hittist augliti til
auglits. „Ég hafði upplifað það sjálf
ótal sinnum og mig langaði að
kanna hvað gerðist ef ég tæki út
þetta tímabil þar sem fólk skrifast
á í gegnum netið og gerir sér upp
hugmyndir um hvernig hinn aðilinn
sé.“
Sýningin American Single geng-
ur þannig fyrir sig að Finnegan
skráir sig á stefnumótasmáforrit
þar sem hún býður þeim sem hún
parast við á sýninguna. Þar velja
áhorfendur svo með hverjum hún
eigi að fara á stefnumót það kvöldið
og svo hefst stefnumótið, uppi á
sviði fyrir framan áhorfendurna.
„Mér finnst mikilvægt að áhorf-
endur verði vitni að því þegar við
hittumst í fyrsta sinn, vandræðaleg
og stressuð,“ segir hún.
„Það mikilvægasta sem ég vil
koma til skila til áhorfenda er að
þetta er raunverulegt stefnumót að
öllu leyti. Það er ekkert skipulagt
fyrir fram. Ég reyni að leiða áhorf-
endurna hjá mér og einbeita mér
gjörsamlega að því að kynnast
manninum sem situr fyrir framan
mig. Áhorfandanum á að líða eins
og hann sé fluga á vegg að hlera
samtalið.“
Áhorfendur taka þó vissan þátt í
sýningunni með því að láta í ljós
skoðanir sínar á meðan á sýningu
stendur í gegnum sérstakt forrit.
Íslenskir karlmenn frábærir
Spurð að því hvað muni gerast ef
hún byrjar í alvarlegu sambandi
segir Finnegan það fara eftir að-
stæðum. Hún hefur enn sem komið
er haldið sýningunni áfram þrátt
fyrir að vera í sambandi og þá sé
sambandið opið og sýningin fari
fram með fullu samþykki kærast-
ans. „Ég heillast hvort sem er bara
af mönnum sem eru víðsýnir og
umburðarlyndir svo þetta hefur
gengið ágætlega.“ Hún nefnir þó að
það breyti aðeins sýningunni ef hún
er í opnu sambandi samhliða.
Finnegan segir þá íslensku karl-
menn sem hún hafi kynnst á sýn-
ingunni á RVK Fringe Festival í
fyrra hafa verið frábæra. „Þeir eru
allt öðruvísi en karlmennirnir í
New York, mun betri. Þeir tala
meira að segja mun betri ensku en
ég,“ segir Finnegan og hlær. „Ég
hitti tvo þeirra meira að segja aftur
og við skildum svo sem vinir. Þeir
ætla að koma aftur á sýninguna í
ár. Það verður spennandi.“ Finne-
gan segist stundum fara á fleiri
stefnumót með þeim sem hún hittir
á sýningunni en það hafi þó aldrei
þróast í alvarlegt langtímasam-
band.
Listakonan hlær þegar hún er
spurð hvort hún sé orðinn sérfræð-
ingur í stefnumótum. „Með réttu
manneskjuna á móti sér eru allir
sérfræðingar í stefnumótum. Ef
manni líður vel og manneskjan
dregur fram manns bestu hliðar þá
verður maður sjálfkrafa góður í
stefnumótum í það skiptið.“
Hún viðurkennir þó vissulega að
hún sé reynslunni ríkari. „Ég hef
komist að því að ég höndla bókstaf-
lega allt þegar kemur að stefnu-
mótum. Ég er orðin betri í að halda
samræðunum gangandi og vera ein-
læg þrátt fyrir að vera fyrir framan
áhorfendur. Þetta er hæfileiki sem
gæti gagnast einn daginn, t.d. í við-
tölum,“ segir hún.
„Verkefnið snýst um að rannsaka
stefnumótamenningu og stofna til
mannlegra tengsla milli tveggja
einstaklinga og það geta því allir
fundið eitthvað í sýningunni sem
þeir tengja við.“ Finnegan hvetur
þess vegna alla til þess að koma á
sýninguna óháð aldri, kyni, kyn-
hneigð eða hjúskaparstöðu. Hún
minnir þó á að sýningin sé ekki við
hæfi barna. „Komið og njótið þess
að sjá mig þjást svo þið þurfið ekki
að gera það.“
„Gerir mig hamingjusama“
Finnegan starfar sem leikkona í
New York en segist vilja einbeita
sér að því að skapa verk sjálf frek-
ar en að leika í verkum eftir aðra.
Hátíðir á borð við RVK Fringe
Festival eiga hug hennar allan.
Næst er förinni heitið á Fringe-
hátíð í Adelaide í Ástralíu sem er
önnur stærsta hátíð af því tagi í
heiminum. Sú stærsta er haldin í
Edinborg og þangað vonast hún
einnig til að leggja leið sína á næsta
ári.
„Ég held að allt mitt líf hafi ég
stefnt að þessu marki, að sýna ein-
staklingsverk á Fringe-hátíðum, án
þess að gera mér grein fyrir því, og
ég stefni að því að setja þessar há-
tíðir í forgang frekar er vinnu við
hefðbundin leikhús. Þetta gerir mig
raunverulega hamingjusama.“
RVK Fringe Festival segir Finn-
egan vera frábæra hátíð og hún
trúir því að hún muni bara verða
betri með árunum. „Þess vegna
kom ég aftur í ár. Ísland hefur all-
an þann nærandi jarðveg sem þarf
til þess að halda ótal stórkostlegar
hátíðir á framtíðinni. Ég trúi því
heilshugar,“ segir hún og bætir við:
„Ísland hefur veitt mér svo mikinn
kraft til þess að halda áfram að
sýna American Single. Ég vann tit-
ilinn Artist Favourite í fyrra og það
gerir kraftaverk að geta sagst hafa
unnið til slíkra verðlauna.“
Morgunblaðið/Kristinn Magnússon
Róstusamt „Ástarlíf mitt hefur verið nokkuð róstusamt hingað til svo ekki sé meira sagt,“ segir Olivia Finnegan.
„Njótið þess að sjá mig þjást“
Bandaríska listakonan Olvia Finnegan snýr aftur á RVK Fringe með American Single Fer á
stefnumót fyrir framan fullan sal af fólki Áhorfendum á að líða eins og þeir séu flugur á vegg
Sigga Björg opnar kl. 14 í dag
myndlistarsýningu á veitingastaðn-
um Ottó - matur & drykkur, á Höfn
í Hornafirði. Á vef SÍM, Sambands
íslenskra myndlistarmanna, segir
um Siggu Björgu að hún hafi þróað
eigin myndheim sem í fyrstu virðist
einkennast af furðuverum, barns-
legum fantasíum og svörtum húm-
or en við nánari athugun sé hið
raunverulega viðfangsefni verk-
anna allur skali mannlegra tilfinn-
inga og hegðunar.
Sýning Siggu Bjargar er hluti af
röðinni Argintætur og er titillinn
sóttur í alþýðusögu sem segir af
kerlingu sem kölluð var Argintæta,
sem var orðhákur og sögusmetta
og kom sér út úr húsi með því að
bera út sögur, uppdiktaðar og
sannar.
Mannleg Eitt af verkum Siggu Bjargar.
Sigga Björg í röð-
inni Argintætur
»Það var glatt á hjalla
á rauða dreglinum
fyrir frumsýningu á
Spider-Man: Far From
Home í TCL Chinese
Theatre í Hollywood í
Kaliforníu í vikunni.
Myndin er sú nýjasta
um ofurhetjuna Kóngu-
lóarmanninn og verður
frumsýnd hér á landi
miðvikudaginn 3. júlí.
Nýjasta kvikmyndin um Kóngulóarmanninn var frumsýnd vestra í vikunni
AFP
Risastór Stærðarinnar uppblásinn Kóngulóarmaður var fyrir framan bíóið.
Kát Leikkonan Cobie Smulders. Skólasystir Leik- og söngkonan Zendaya leikur skólasystur Peter Parker.
Samstarfsmenn Leikararnir Jake Gyllenhaal og Tom Holland á rauða
dreglinum. Þeir leika Kóngulóarmanninn og Mysterio í kvikmyndinni.