Morgunblaðið - 29.06.2019, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 29. JÚNÍ 2019
laugavegi 47 www.kokka.is kokka@kokka.is
Pronto bolli og undirskál
Verð 1.690 kr. / 1.190 kr.
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Sigtryggur Sigtryggsson
sisi@mbl.is
Bæjarstjórn Seltjarnarnesbæjar
samþykkti 12. júní síðastliðinn að
auglýsa tillögu að breyttu deili-
skipulagi Bygggarðasvæðis. Í tillög-
unni, sem unnin er af ASK-
arkitektum, er gert ráð fyrir 173
nýjum íbúðum. Þetta er eina heild-
stæða byggingarsvæðið sem enn er
eftir á Seltjarnarnesi. Þegar hverfið
verður fullbyggt mun íbúum Sel-
tjarnarness fjölga umtalsvert, en
þeir voru 4.464 um síðustu áramót.
Skipulagssvæðið, sem er um 3,5
hektarar að stærð, er yst á Seltjarn-
arnesi og afmarkast af Sefgörðum
og Safnatröð til suðausturs, Norður-
strönd til norðausturs, opnu útivist-
arsvæði og Ráðagerði til norðvest-
urs og útivistarsvæði og athafna-
svæði Seltjarnarnesbæjar til
suðvesturs. Landið var allt byggt
iðnaðarhúsnæði en búið er að rífa
mörg af þessum húsum. Þeirra á
meðal var verksmiðjuhús Borgar-
plasts. Enn stendur húsaröð vestan
Bygggarða, en þar eru meðal ann-
ara fyrirtækja starfrækt bílaverk-
stæði í dag.
Ákveðið að minnka einingar
Deiliskipulag, sem hefur verið í
gildi til þessa, var samþykkt í
bæjarstjórn 13. febrúar 2013. Í hinni
nýju skipulagstillögu, sem sam-
þykkt var á dögunum, er gert ráð
fyrir þremur húsagerðum, einbýlis-,
rað- og fjölbýlishúsum.
Hæðir húsa og nýtingarhlutfall
verður í samræmi við deiliskipulagið
sem hefur gilt til þessa.
Heimilt verður að byggja tveggja
og þriggja hæða fjölbýlishús, eins
eða tveggja hæða raðhús og eins eða
tveggja hæða einbýlishús.
Framkvæmdir hafa ekki hafist
samkvæmt deiliskipulaginu frá
2013, utan að niðurrifi nokkurra
bygginga er lokið. Með hliðsjón af
breyttum áherslum í húsnæðis-
málum og breyttri eftirspurn var
ákveðið að ráðast í breytingu á gild-
andi deiliskipulagi með það að
markmiði að minnka einingar, bæði
hús og íbúðir. Breyting deiliskipu-
lagsins er unnin á grundvelli Að-
alskipulags Seltjarnarness 2015-
2033 og með hliðsjón af verkefn-
islýsingu Seltjarnarnesbæjar frá
2012. Á skipulagssvæðinu er heild-
arfjöldi bílastæða 306. Engar frið-
aðar byggingar né þekktar forn-
minjar eru á deiliskipulagssvæðinu.
Gert er ráð fyrir að svæðið byggist í
aðalatriðum upp í tveimur áföngum;
A og B í samræmi við gildandi deili-
skipulag. Fyrri áfangi er á austur-
hluta svæðisins og sá síðari á þeim
vestari.
Tvær heitavatnsborholur eru inn-
an deiliskipulagssvæðisins og eru
þær í fullri notkun. Þeim verður út-
hlutað tilteknu helgunarsvæði og
tryggt að unnt sé að athafna sig við
rekstur þeirra.
Tillagan liggur frammi til kynn-
ingar á skrifstofu Seltjarnarnes-
bæjar á Austurströnd frá 21. júní til
og með 7. ágúst 2019. Hana má líka
finna á vef bæjarins. Ábendingum
og athugasemdum við tillöguna skal
skila eigi síðar en 7. ágúst nk. Öllum
er heimilt að gera athugasemdir við
tillöguna.
Nýtt hverfi á Nesinu skipulagt
 Síðasta heildstæða byggingarsvæðið á Seltjarnarnesi  Iðnaðarhúsnæði yst á Nesinu mun víkja
fyrir íbúðabyggingum  Nýtt deiliskipulag gerir ráð fyrir 173 íbúðum í lágreistum byggingum
Tölvumynd/ASK-arkitektar
Eftir Lifandi íbúðahverfi með lágreistum húsum og gróskumiklum gróðri.
Morgunblaðið/Hari
Fyrir Atvinnustarfsemin, t.d. bílaverkstæði, þarf að víkja fyrir íbúðabyggð.
Tölvumynd/ASK arkitektar
Nýja hverfið Svona hugsa arkitektarnir sér að Bygggarðarnir muni líta út. Vegurinn út að Gróttu liggur meðfram
ströndinni. Neðst á myndinni er bærinn Ráðagerði og við Nesstofu stendur hið nýja hjúkrunarheimili, Seltjörn.
Guðrún Erlingsdóttir
ge@mbl.is
97% upplifa öryggi þegar þeir hjóla
í Fossvoginum en 54% telja sig
vera frekar örugg eða mjög örugg
þegar þau hjóla í Reykjavík og 12%
telja sig frekar eða mjög óörugg.
Þetta kom fram í viðhorfskönnun
sem Sigrún Birna Sigurðardóttir,
cand.psych. og Ph.D. í samgöngu-
og umhverfissálfræði kynnti á Velo-
city ráðstefnunni í Dublin í gær.
Í niðurstöðu könnunarinnar sem
unnin var fyrir Reykjavíkurborg og
hafði það markmið að varpa ljósi á
öryggisupplifun og viðhorf hjól-
reiðamanna í Reykjavík kom einnig
fram að karlar hjóla oftar en konur
og 15,7% þátttakenda í könnuninni
segja að veður hafi frekar eða mjög
lítil áhrif á ákvörðun um að hjóla.
Fram kom í könnuninni að tæp 70%
þátttakenda höfðu aðgang að hjóli.
48% þeirra sem hjóla vikulega
eða oftar eru með samgöngusamn-
ing. Hjólreiðar voru aðalferðamáti
rúmlega 8% þátttakenda í könn-
uninni.
76% hjólreiðamanna sögðust nota
hjálm fremur eða mjög oft og 70%
nota hjólaljós fremur eða mjög oft
auk þess sem 41% notar vetrar-
dekk.
Morgunblaðið/Eggert
Öryggi Þessi er einn þeirra 76% sem
tryggja öryggi sitt og nota hjálm.
Mesta öryggið að
hjóla í Fossvoginum
 Viðhorfskönnun kynnt í Dublin
Biskup Íslands hefur auglýst laust til umsóknar emb-
ætti sóknarprests í Breiðholtsprestakalli, Reykjavíkur-
prófastsdæmi eystra.
Núverandi sóknarprestur er sr. Gísli Jónasson pró-
fastur. Hann hefur gegnt embættinu um áratuga skeið.
Umsóknarfrestur er til 22. júlí nk.
Í Breiðholtsprestakalli er ein sókn, Breiðholtssókn,
með um 4.000 íbúa og eina kirkju, Breiðholtskirkju.
Breiðholtssókn er á samstarfssvæði með Fella- og Hóla-
og Seljasókn í Breiðholti.
Prestsembætti í Breiðholti auglýst
Gísli Jónasson