Morgunblaðið - 29.06.2019, Blaðsíða 12

12 DAGLEGT LÍF
MORGUNBLAÐIÐ LAUGARDAGUR 29. JÚNÍ 2019
SKRIFSTOFUHÚSGÖGN
Síðumúli 35 | 108 Reykjavík | S. 568 2828 | www.holmris.is
Bjóðum uppá húsgögn
eftir marga fræga
húsgagnahönnuði.
Mörg vörumerki.
Lúsmý herjar nú á landannsem aldrei fyrr. Í þeim til-vikum eins og svo mörgum
öðrum er forvörn besta vörnin en ef
maður lendir í því að vera bitinn er
gott að kunna rétta meðhöndlun.
Hér koma því
ráðleggingar frá
heilsugæslunni.
Oftast eru bit-
in meinlaus en
þau geta valdið
óþægindum og
kláða þar sem
þau virkja of-
næmisviðbrögð
líkamans. Í lang-
flestum tilfellum
getur fólk sjálft
meðhöndlað einkennin og ekki þörf
á að leita frekari læknisaðstoðar.
Fyrirbyggjandi ráð
● Lúsmý bítur inni í húsum og á
nóttunni. Það þarf því að koma í
veg fyrir að það komist inn og verja
sig á nóttunni:
● Þéttriðið flugnanet í glugga get-
ur komið í veg fyrir að lúsmýið ber-
ist inn.
● Gott að vera í náttfötum og sokk-
um. Sokkarnir eru þá settir yfir
buxnaskálmarnar og skyrtan ofan í
buxnastrenginn. Best er ef erm-
arnar eru þröngar og liggja þétt að
húðinni.
● Lúsmý þolir ekki vind, því gætu
viftur í svefnherbergum hjálpað.
Skordýravörn sem sett er á húð og
föt getur hjálpað. Vörn sem inni-
heldur 50% DEET (diethyltolua-
mide) er áhrifaríkust. Fyrir börn
má skordýravörn ekki innihalda
meira en 10% af DEET.
Meðhöndlun á
bitum eftir lúsmý
Allskonar húsráð eru í gangi
varðandi meðhöndlun á bitum.
Hafa skal í huga að sum efni geta
valdið enn frekari ertingu í húðinni
og því ekki til bóta. Hér koma
nokkur ráð sem þykja á rökum
reist:
● Kældu bólgið svæði í um 10 mín-
útur.
● Verkjalyf t.d. parasetamól slær á
óþægindin og óhætt að nota skv.
ráðleggingum á pakka.
●Hafðu hærra undir höndum og
fótum ef bit eru þar, það getur
dregið úr bólgumyndun.
● Ekki klóra í húðina þar sem það
getur aukið líkur á sýkingum. Stutt
kæling dregur úr kláða.
● Ofnæmistöflur fást án lyfseðils í
apótekum. Þessi lyf hindra áhrif
histamíns í líkamanum og geta
minnkað kláða og útbrot.
● Sterakrem til dæmis Mildison
fæst án lyfseðils í apótekum. Krem-
ið minnkar bólgur og kláða. Stera-
krem ætti ávallt að bera á í þunnu
lagi og í stuttan tíma í einu. Forð-
ast ætti að bera sterakrem í andlit
eða á sár.
● Steratöflur, eingöngu ef um
svæsin útbrot er að ræða. Þá skal
leita á næstu heilsugæslustöð og fá
frekari ráðleggingar.
Hvenær skal
leita til heilsugæslu?
Ef útbrot eru svæsin og ná yfir
stór svæði á líkamanum er mælt
með því að leita til næstu heilsu-
gæslustöðvar. Einnig ef útbrotin og
bólgan vex í stað þess að dvína á
nokkrum dögum. Ef um alvarlegri
einkenni er að ræða svo sem önd-
unarfæraerfiðleika, bólgu í hálsi,
andliti eða munni, hraðan hjartslátt
og meðvitundarskerðingu, getur
það bent til bráðaofnæmis og þá
skal leita strax á bráðamóttöku eða
hringja í 112.
Á heilsuvera.is er að finna leið-
beiningar um skordýrabit. Einnig
er þar hægt að hafa samband við
hjúkrunarfræðing á netspjallinu og
við heilsugæslustöðina sína í gegn-
um Mínar síður eða símleiðis og fá
ráðgjöf.
Lúsmý herjar á landann
Lúsmý Þéttriðið flugnanet í glugga getur komið í veg fyrir að lúsmýið berist í hús.
Heilsuráð
Ragnheiður Ósk Erlends-
dóttir, framkvæmdastjóri
hjúkrunar á Heilsugæslu
höfðuborgarsvæðisins
Unnið í samstarfi við Heilsugæslu
höfuðborgarsvæðsins
Morgunblaðið/Eggert
Roði Sárt bítur soltin lús, segir máltækið. Verjast má óværu þessari með ýmsu móti.
Ragnheiður Ósk
Erlendsdóttir
Nú stendur yfir í Bolungarvík tónlist-
arhátíðin Miðnætursól sem er sam-
starfsverkefni Bolungarvíkurkaup-
staðar og tónlistarskólans þar í bæ.
Næstkomandi miðvikudagskvöld, 3.
júlí kl. 20, verða í félagsheimili bæj-
arins tónleikar með Kyiv Soloists,
sem er úkranísk kammersveit. Sveit-
in kemur fram ásamt einleikaranum
Selvadore Rähni og flytur klarínettu-
konsert í A-dúr eftir W.A. Mozart og
sinfóníu nr. 40 í G-moll eftir sama
tónskáld.
Kammersveitin Kyiv Soloists kem-
ur frá Kiev, höfuðborg Úkraníu, og
samanstendur af úkranísku tónlist-
arfólki sem hefur unnið úkraínskar
og alþjóðlegar tónlistarkeppnir.
Einleikarinn Selvadore Rähni hefur
búið á Íslandi frá 2005. Hann hefur
komið fram sem einleikari víða í Evr-
ópu og Japan og leikið einleik sem
gestaleikari með mörgum þekktum
evrópskum og japönskum hljóm-
sveitum.
Tónlistarhátíð í Bolungarvík
Miðnætursólin og Mozart
Einleikari Selvadore Rähni flytur
klarínettukonsert í Víkinni.
Tónleikar Kyiv Soloists er úkraínsk kammersveit sem fær góða umsögn.
Fulltrúar í sveitarstjórn Skútustaða-
hrepps í Mývatnssveit gróðursettu í
vikunni 300 tré á Hólasandi í því
skyni að kolefnisjafna rekstur
sveitarfélagsins. Þetta var gert skv.
samþykkt í sveitarstjórn, en það
mun svo taka trén 60 ár að binda
losun ársins. Skútustaðahreppur
mun hér eftir leggja til árlega tré til
gróðursetningar á uppgræðslusvæði
Landgræðslunnar á Hólasandi sem
tekur mið af kolefnisbókhaldi ár
hvert.
Kolefnisspor er kvarði sem not-
aður er til þess að sýna áhrif athafna
mannsins á loftslagsbreytingar.
Mælikvarðinn er samnefnari á áætl-
uðum heildaráhrifum losunar gróður-
húsalofttegunda „Við erum ákaflega
stolt af því að hafa stigið þetta skref
að kolefnisjafna reksturinn okkar
sem er í takt við nýsamþykkta um-
hverfisstefnu Skútstaðahrepps. Við
munum jafnframt grípa til mótvæg-
isaðgerða í starfsemi okkar til að
draga úr kolefnissporinu. Hólasandur
er tilvalinn í þetta verkefni, segir
Þorsteinn Gunnarsson sveitarstjóri.
„Landgræðslan er með Hólasand í
sinni umsjá en þetta er hálfgerð
eyðimörk og um 14 þúsund hektarar
að stærð. Skútustaðahreppur og
Landgræðslan eiga nú þegar í sam-
starfi vegna verkefna á Hólasandi,
m.a. vegna fráveituverkefnis þar sem
svartvatn verður nýtt til uppgræðslu.
Allt vinnur þetta saman því fráveitu-
verkefnið og uppgræðslan á Hóla-
sandi er í raun orðin að umhverfis-
vænu stórverkefni í Mývatnssveit.
Sveitarstjórnin gróðursetti 300 tré á Hólasandi
Kolefnisjafnað í Mývatnssveit
Gróðursett Vösk sveit á Hólasandi þar sem sprotum var stungið í jörð.