Skessuhorn - 01.06.2016, Síða 20

MIÐVIKUDAGUR 1. JÚNÍ 201620
Horft yfir liðið ár og litið til þess nýjaSjómannadagurinn
Þeir sem róa frá Arnarstapa eru sam-
mála um að Geir bóndi á Bjargi á
Arnarstapa sé ómetanlegur fyrir út-
gerðarmenn sem gera út frá Stapa.
„Hann hefur alltaf verið boðinn og
búinn til að hjálpa mönnum ef eitt-
hvað bjátar á og skúrinn hjá hon-
um er hreinn fjársjóður til viðgerða
og reddinga ef með þarf,“ sagði einn
trillukarlanna þegar spjallað var við
hann. Hann gengur venjulega undir
nafninu Geir bóndi hjá trillukörlun-
um en heitir fullu nafni Þorkell Geir
Högnason. Hann segist Reykvíkingur
að upplagi en hafi flust með foreldr-
um sínum að Arnarstapa tíu ára gam-
all og hafi því búið þar í 54 ár. „Pabbi
þekkti vel til hérna þegar hann flutti
með okkur hingað enda hafði hann
verið vitavörður á Öndverðarnesi og
víðar. Hann var hér með smá búskap
og stundaði sjóróðra. Við bræðurn-
ir hjálpuðum til og tókum svo smám
saman við þessu, bæði búskapnum
og sjóróðrunum. Ég fór að búa hér
með konu minni fyrir rúmum þrjá-
tíu árum. Þetta hefur nú aldrei ver-
ið stórbú frekar en annars staðar hér.
Ég er með um þrjátíu kindur og svo
hef ég stundað sjóinn með þessu. Ræ
núna á báti mínum, Gesti SH, og er
með um þrjátíu tonna þorskígildis-
kvóta á hann. Ætli ég sé ekki búinn
með helminginn af því núna,“ segir
Geir.
Bátarnir eru betur búnir
Geir byrjaði ungur á sjó. Hann var á
síðutogurum áður fyrr, m.a. á Hafn-
arfjarðartogurunum. Segist hafa
komið við á þremur þeirra. „Ég var
svo á ýmsum bátum frá Ólafsvík og
Rifi. Var t.d. á Tjaldinum í ein sex ár
en lengst af reri ég með Pétri Péturs-
syni á Bárði, bæði frá Ólafsvík og héð-
an frá Arnarstapa. Síðan reri ég með
Hirti á Kvikunni og hætti eftir það
að róa með öðrum og kroppa þetta
bara á mínum báti. Þetta eru komin
yfir fjörutíu ár sem ég hef verið á sjó
og mikið breyst á þeim tíma.“ Geir
gerir ekki mikið úr þeirri aðstoð sem
hann veitir aðkomumönnum sem róa
frá Arnarstapa. „Ég er nú bara eins
og flestir og hjálpa til þegar hægt er.
Jú, ég hef aðstoðað menn í gegnum
árin ef með hefur þurft. Það er miklu
minna um það núna en var áður. Bát-
arnir eru nýrri og betur búnir og vél-
búnaður allur nýrri og traustari. Áður
fyrr þurfti oft alls konar redding-
ar á þetta gamla dót sem menn voru
með.“
Einu ljósin voru á Bjargi
Alla tíð hefur trillubátur tilheyrt jörð-
inni á Bjargi að sögn Geirs. „Pabbi
var orðinn fullorðinn þegar við flutt-
um hingað en hann átti bát og á
sumrin var róið. Þá var ekki nein að-
staða hér fyrir marga báta eins og síð-
ustu áratugina, bara einn bryggjustú-
fur. Geir segir ekki hafa verið mikið
líf á Arnarstapa áður fyrr. „Einu ljósin
sem loguðu eftir að dimma tók voru
hér hjá okkur.“ Geir segist ekki hafa
haft góða heilsu til sjóðróðra síðustu
tvö árin en hann nái þessum kvóta
núna. „Fiskurinn er farinn að minnka
hér á nærmiðunum núna eins og oft
er þegar líður á maímánuð. Svo hefur
verið bræla undir lok mánaðarins en
er líklega að rætast úr. Maður endar
sennilega úti á Breiðafirði til að ná
þessu,“ segir Geir en sauðburði var
að ljúka hjá honum um síðustu helgi
svo betri tími er hjá honum framund-
an fyrir fiskveiðarnar.
hb/ Ljósm. af.
Geir bóndi á Arnarstapa
Hefur reynst mörgum mikil hjálparhella á Stapanum
Geir bóndi á Bjargi að landa úr báti sínum á Arnarstapa í síðustu viku.
Svo þarf að flaka soðninguna. Geir kemur að landi á báti sínum Gesti SH.
Sjómenn
til hamingju með daginn!

Afgreiðslutímar:Virka daga 9–18Laugardaga 10–14Sunnudaga 12–14
Öll þjónusta við skip og báta með lyf
og hjúkrunarvörur.
Smiðjuvellir 32 -300 Akranes -Sími 431 5090 -Fax 431 5091 -www.apvest.is