Skessuhorn - 01.06.2016, Síða 63

MIÐVIKUDAGUR 1. JÚNÍ 2016 63
förum þangað 2016halla2016.is I facebook.com/halla2016
Á hringferð minni um landið hef ég komið víða
við, haldið opna fundi, heimsó� fyrirtæki og
þegið �ölmörg rausnarleg heimboð.
Síðustu vikur hef ég líka verið vikulega
í beinni útsendingu á Facebooksíðu minni
(facebook.com/halla2016). Fram að kosningum
mun ég auka tíðni beinna útsendinga, því
þannig forseti vil ég vera, forseti sem er í
stöðugu samtali við alla landsmenn.
Landið okkar er fallegt og fólkið sem hér býr
sömuleiðis. Í okkur býr mikill kra�ur og við
þurfum að finna leiðir að bjartsýni og jákvæðni
en skilja þras og sundurleitni e�ir í fortíðinni.
Við verðum að finna leið til að verða besta
útgáfan af okkur sjálfum sem samfélag. Ég tel
mig þekkja leiðina og með ykkar stuðningi hef
ég trú á að við komumst þangað.
Tímasetningar næstu samtala:
Austfirðir fimmtudaginn 2. júní kl. 14
Vestfirðir föstudaginn 3. júní kl. 11
Norðurland mánudaginn 6. júní kl. 14
Vesturland þriðjudaginn 7. júní kl. 13
Suðurland miðvikudaginn 8. júní kl. 15
Halla í beinni
Það sem þarf að gera er að fara inn á FB síðu
mína, facebook.com/halla2016 og á auglýstum
tíma sit ég fyrir svörum í beinni útsendingu.
Spurningar má senda fyrirfram í einka-
skilaboðum eða í athugasemdum inn á
útsendinguna.
Ég hlakka til að eiga opið samtal við ykkur
um framtíðina.
Halla Tómasdó�ir fosetaframbjóðandi
Um síðustu helgi var haldið nám-
skeið í steinhöggi á Arnarstapa. Var
það undir leiðsögn Gerhards König.
Bar námskeiðið nafnið „Vinnum
með anda Snæfellsness“ og hófst á
laugardeginum með stuttum fræði-
legum inngangi í Samkomuhúsinu
á Arnarstapa. Eftir það fóru þátt-
takendur upp í Stapagil til að finna
sér hentugan stein að vinna með,
en nóg er af þeim á svæðinu. Leið-
beinandinn Gerhard var búinn að
merkja nokkra steina sem hent-
uðu einstaklega vel í þessa tegund
listsköpunar. Ekki er hægt að nota
hvaða stein sem er, þar sem þeir
eru misharðir og að sögn Gerhards
voru margir þeirra steina sem áin
hefur borið niður mjög góðir. Öll
verkfæri sem þurfti í steinhögg-
ið voru á staðnum og var búið að
setja upp borð, smíða sleða til að
draga stærstu grjóthnullungana til
og reisa tjald. Námskeiðinu lauk
með fyrirlestri á sunnudeginum og
gafst nemendum kostur á að ljúka
við verkefni sitt á þessu eða næsta
námskeiði, sem haldið verður 3. -
4. september næstkomandi.
Á námskeiðinu voru bæði kon-
ur og karlar, voru allir mjög áhuga-
samir og ánægðir með námskeið-
ið sem er það fyrsta sinnar tegund-
ar á Íslandi svo vitað sé til. Vonir
eru bundnar við meira samstarf á
þessu sviði í framtíðinni, t.d. í sam-
vinnu við skóla á Snæfellsnesi, gerð
útilistaverks og skapandi ferða-
þjónustu. Í haust verður Snæfell-
ingum boðið á sýningu í Stapagili.
Þá stendur þátttakendum til boða
að vinna undir leiðsögn á Arnar-
stapa í sumar. Þeir sem hafa áhuga
á að slást í hópinn eru hvattir til að
láta það eftir sér. Aðal viðfangsefn-
ið er steinhögg en auk þess fá þátt-
takendur að vinna með rekavið og
hugsanlega leir og/eða mósaík í
haust. Námskeiðið er haldið í sam-
vinnu Svæðisgarðsins Snæfellsness
og Símenntunar Vesturlands með
styrk frá Uppbyggingarsjóði Vest-
urlands.
þa
Steinhögg kennt á
Arnarstapa
Þátttakendur á námskeiðinu voru ánægðir þrátt fyrir rigningu.
Í síðustu viku hófust framkvæmd-
ir á lóð hjúkrunar- og dvalarheim-
ilisins Barmahlíðar á Reykhólum.
Þar verða í sumar lagðir göngu-
stígar, gert torg og minnismerk-
ið um Jón Thoroddsen fært á hið
nýja torg. Trjám verður plantað
meðfram göngustígunum og Birn-
ulundur endurskapaður, en hann
er verk Birnu E. Norðdahl heit-
innar, skákmeistara og frumkvöð-
uls í kvennaskák á Íslandi. „Því er
vel við hæfi að í Birnulundi verði
stórt taflborð með stóru útitafli, en
Birna varð tvisvar sinnum Íslands-
meistari í skák,“ segir Ingibjörg
Birna Erlingsdóttir sveitarstjóri í
samtali við Skessuhorn.
Ingibjörg segir að nýhafnar
framkvæmdir séu afrakstur funda
sem haldnir voru á Barmahlíð með
heimilisfólki og starfsfólki. „Í fjár-
hagsáætlun var gert ráð fyrir tíu
milljónum króna til endurbóta á
Barmahlíð. Upphaflega var áætlað
að peningunum yrði varið í að laga
rými á efri hæð hússins. En á fund-
um með heimilisfólki kom fram
sterkur vilji til að ráðast frekar í
endurbætur á lóðinni og því var
ákveðið að gera það,“ segir Ingi-
björg. „Það sem sjá má á teikn-
ingum að lóðinni eru því fyrst og
fremst hugmyndir íbúanna,“ bæt-
ir hún við. Vonast hún til þess að
göngustígarnir geti orðið íbúum
Barmahlíðar og þorpsbúum öllum
til ánægju og heilsubótar. „Það á
að klára alla stígana í sumar, torgin
tvö og planta gróðri meðfram stíg-
unum,“ segir Ingibjörg.
Ánægjulegt að geta
framkvæmt
Ingibjörg segir að í framtíðinni sé
ætlunin að byggja sólskýli við suð-
vesturgafl Barmahlíðar, þar sem
nú er lítill hænsnakofi. Til standi
að færa matjurtargarðinn nær hús-
inu svo hann nýtist íbúum betur.
Einnig verði hænsnakofinn færður
og gert ráð fyrir fjárhúsum þar sem
hægt verði að halda nokkrar kind-
ur hafi íbúar hverju sinni áhuga á
því og geti hugsað um skepnurnar.
Er það í samræmi við hugmynd-
ir íbúa Barmahlíðar. „Þá lýstu íbú-
arnir einnig áhuga fyrir því að hafa
mínígolfbrautir á lóðinni og gert
er ráð fyrir þeim á teikningum,“
segir Ingibjörg. „En það er ekk-
ert sem mælir á móti því að íbú-
ar geti farið og púttað þó braut-
irnar komi ekki strax,“ bætir hún
við. Sveitarstjórinn segir ánægju-
legt að hægt sé að ráðast í fram-
kvæmdir af þessu tagi. „Síðustu
ár hefur hreppurinn mikið þurft
að sinna viðhaldi, enda var kom-
inn tími á slíkt. Það er því mjög
ánægjulegt að geta farið að fram-
kvæma núna,“ segir hún.
kgk
Framkvæmdir hafnar á
lóð Barmahlíðar
Hluti framkvæmdasvæðisins eins og það leit út síðastliðinn föstudag. Horft frá
Barmahlíð til norðausturs, um það bil. Birnulundur næst í mynd og sést móta
fyrir göngustígunum. Stígarnir munu ná allan hringinn í kringum lóð dvalar-
heimilisins. Fjær í mynd, nær versluninni Hólabúð, verður lítið torg og þangað
verður flutt minnismerkið um Jóns Thoroddsen.