Skessuhorn - 01.06.2016, Qupperneq 64

MIÐVIKUDAGUR 1. JÚNÍ 201664
Aðalfundur
Þörungaverksmiðjunnar hf. verður haldinn
miðvikudaginn 8. júní 2016 kl. 14.00 á
skrifstofu félagsins, Karlsey, 380 Reykhólum.
Dagskrá: Aðalfundarstörf skv. samþykktum
félagsins.
SK
ES
SU
H
O
R
N
2
01
6
CLARVISTA
STURTUGLER
FYRIR
VANDLÁTA
COOL - LITE
SÓLVARNARGLER
ispan@ispan.is • ispan.is
M
ynd: Josefine Unterhauser
Deiliskipulag fyrir
Tröllenda í Flatey
Sveitarstjórn Reykhólahrepps samþykkti á fundi sínum 14. apríl 2016
að auglýsa samkvæmt 41. gr. skipulagslaga nr. 123/2010 tillögu að
deiliskipulagi fyrir Tröllenda í Flatey.

Á athafnasvæði við ferjuhöfn í Flatey er komið fyrir fjórum
byggingarlóðum . Skilgreind er lóð fyrir gamlan geymsluskúr sem
stendur vestan við fiskvinnsluhús, vatnstank, olíutank,
fjarskiptamastur og lóð undir nýbyggingu norðaustast á svæðinu.
Við gildistöku þessa deiliskipulags fellur úr gildi deiliskipulag
fyrir olíubirgðarstöð og rafstöðvarhús í Flatey sem samþykkt var
20.10.2000.

Skipulagsuppdráttur með greinargerð liggur frammi á skrifstofu
Reykhólahrepps frá 2.júní til 15.júli 2016. Ennfremur verða
gögnin aðgengileg á heimasíðu sveitarfélagsins www.reykholar.is.
Athugasemdum skal skila skriflega á skrifstofu Reykhólahrepps að
Maríutröð 5a eða á netfangið skrifstofa@reykholar.is fyrir 15.júlí
merkt “Deiliskipulag fyrir Tröllenda í Flatey”.

Reykhólar 27. maí 2016
Bogi Kristinsson Magnusen
Skipulags og byggingarfulltrúi
SK
ES
SU
H
O
R
N
2
01
6
Ég verð að viðurkenna eitt, því oft-
ar sem ég les frétt eina því lengra fer
ég frá því að skilja innihald henn-
ar. Engar áhyggjur því þetta kem-
ur á endanum, er bara fastur í sömu
sporunum og lendi stundum í þessu
og það þarf að stafa þetta alveg ofan
í mig. Sem sagt fréttin, sem finna
má á vef Vísis frá 30. maí, snýr að
því að Mjólka lokar og fer undir þak
KS og MS, einfalt ekki satt? Ef þér
fannst gaman af stærðfræðidæmun-
um sem voru sett upp eins og lít-
il skáldsaga (þú veist; „Nonni og
Gunna ákveða að hjóla til Reykja-
víkur og Nonni leggur fyrr af
stað.....“) þá mun þér finnast þetta
auðlesanleg frétt. Í fyrstu atrennu
lesturs míns á fréttinni slökkti ég á
tölvunni og fór í göngutúr. Seinna
um kvöldið reyndi ég aftur. Þeir
segjast ekki vera í samkeppni við
sjálfa sig en samt á KS hlut í MS og
Mjólka er orðið að vörumerki, en
samt er Mjólka búin að vera í sam-
keppni við MS og mun áfram vera
það. „Hvað er maðurinn að tala um
eiginlega,“ stundi ég upp úr mér og
lagðist fyrir. Þetta er of mikið hugs-
aði ég og svaf til næsta dags. Mynd-
in sem fylgdi fréttinni var enn verri
fyrir mig. Leifur Grímsson fram-
kvæmdarstjóri Mjólku stendur með
krosslagðar hendur. Hann er snyrti-
legur til fara og stundar örugglega
eitthvað jaðarsport, hann virð-
ist vera þannig gæi bara, og starir
beint á mig líkt og hann sé að segja;
„Hey Axel! Ertu í alvörunni ekki að
fatta þetta?“
Sem betur fer kom annað mál fyr-
ir mínar sjónir til að velta vöngum
yfir, kappræðurnar á Eyjunni milli
Davíðs og Guðna. Þetta var með
eindæmum svo ég orði það var-
færnislega. Davíð fékk sína kynn-
ingu eftir Guðna og ákvað að nýta
hana í skítadreifarann; „eins og
Guðni“. En allavega, Davíð náði að
koma höggi á Guðna með að slíta
allt sem hann hefur sagt úr sam-
hengi. Hann var líka ekkert að æsa
sig, heldur sagði Guðna eiginlega
að fara fallega til helvítis allt við-
talið. Icesave málið var dregið upp,
þáttur Guðna og skoðanir blásið
upp úr öllu valdi. Hann var þarna
peysufræðimaður í háskóla, nörd
ef eitthvað er og það eru 7 ár síð-
an hann sagði þetta eða hér um bil.
Breytast viðhorf og skoðanir ekki
neitt sem sagt? Tökum dæmi: Geir
Haarde hafði eitt sinn áhyggjur af
kynblöndun þelþökkra og Íslend-
inga, EN hann var 16 ára ungling-
ur þegar hann hafði þessar áhyggj-
ur. Ég efast ekki eina sekúndu að
persóna Geirs hafi tekið einhverj-
um framförum í þroska og viðhorf-
um á þeim árum sem það tók einn
fréttamiðilinn að rifja þessi um-
mæli upp. Ólafur Ragnar Gríms-
son gerðist klappstýra fyrir fjár-
glæframennina en snerist svo á hæl.
Aðalatriðið í Icesave-sverði Davíðs
er ekki hvort Guðni hafi þjáðst af
gunguskap gagnvart alþjóðasamfé-
laginu heldur hvernig Davíð, sem
segist vera einskonar Eiður Guð-
johnsen íslenskrar pólitíkur, vildi
yfirtaka 75% hlut í Glitni eða setja
fjórðung gjaldeyrisforða þjóðarinn-
ar í lífvana banka. Talandi um að
lúðra yfir opið markið.
Ég hugsa að Davíð ætti að líta sér
nær, rifja upp og viðurkenna það
sem Helgi Hóseasson, mótmælandi
Íslands málaði á eitt spjaldið sitt
varðandi Íraksstríðið, ef hann biðst
afsökunar á því getur hann haldið
áfram að benda á aðra. Helgi skrif-
aði: „Blóð - Busi - Dóri - Davíð.“
En svo ég endi á léttu nótunum
og drepi ekki neinn úr leiðindum þá
er ég að hugsa um að taka upp þann
sið sem Marcus Porcius Cato eða
Cato eldri stundaði hér árum áður.
Það var þannig að hann endaði allt-
af ræður sínar í öldungaráði Rómar
með orðunum: „Auk þess legg ég til
að Karþagó verði lögð í eyði,“ því
uppgangur Karþagó var sem eit-
ur í hans beinum. Sjálfustangir eða
„Selfie sticks“ sem fólk notar til að
taka sjálfsmyndir eru eitur í mínum
beinum. Legg ég til að sjálfustang-
ir, hvar sem þær má finna, séu gerð-
ar ólöglegar og eyðilagðar.
Góðar stundir,
Axel Freyr Eiríksson
Eins og Guðni
PISTILL
Síðastliðinn föstudag var gengið
fram á ferðamenn sem gert höfðu
sig heimkomna í Reykhólakirkju.
Þeir höfðu eytt nóttinni í kirkjunni
og eldað sér þar mat. Þeim var vís-
að út og kirkjunni læst í kjölfarið. Að
sögn heimamanna þótti ferðaönnun-
um alveg sjálfsagt að finna sér nætur-
stað í kirkjunni en héldu þó sína leið
eftir að þeim var gert ljóst að slíkt
væri ekki í lagi. Mun þetta ekki vera
í fyrsta sinn sem ferðamenn gera sig
heimkomna í Reykhólakirkju. Fyrr á
árinu kom Hildur Björk Hörpudótt-
ir sóknarprestur að erlendum gestum
sofandi á kirkjubekkjunum sem búnir
voru að þvo af sér og elda kvöldmat.
Á Reykhólum eru tvö tjaldsvæði og
nýbúið að opna gistiheimilið Álfta-
land, eins og greint hefur verið frá
í Skessuhorni. Þá er einnig bænda-
gisting rétt utan þorpsins. Að sögn
heimamanna nýta flestir ferðamenn
sér þessa kosti en alltaf reyna ein-
hverjir að komast hjá því að nýta sér
þjónustu sem greiða þarf fyrir. Blaða-
maður hafði þannig til dæmis spurn-
ir af því að í vetur hafi ferðalang-
ar drepið á dyr hreppsskrifstofunn-
ar og spurt hvar væri hægt að gista.
Þeim hafi verið bent á bændagistingu
og talið að þeir hefðu eytt þar nótt-
inni. Síðar kom í ljós að þeir höfðu
komið sér fyrir á salerni tjaldsvæðis-
ins og sofið þar á gólfinu. Skildu eft-
ir umslag með þúsund króna seðli og
miða með skilaboðunum „thx for the
help.“
kgk
Gistihús af Guðs náð
Horft að Reykhólum frá Karlseyjarvegi. Reykhólakirkja stendur hæst í þorpinu, til
vinstri í mynd. Ljósm. úr safni.
Í dag, miðvikudaginn 1. júní hefst
nýtt Sumarleikár Frystiklefans í
Rifi. Það mun standa yfir mánuðina
júní, júlí og ágúst þar sem fimm
leiksýningar verða í hverri viku. Þar
að auki tekur leikhúsið við sérpönt-
unum á leiksýningar og má því bú-
ast við því að sýningar hússins verði
á milli 75 og 90 í sumar. Sýning-
arnar verða ýmist sýndar á ensku
eða íslensku, fastar kvöldsýningar á
ensku en sérpantaðar sýningar fyrir
íslenska hópa á íslensku.
Í tengslum við þetta nýja leikár
hefur Frystiklefinn ráðið til starfa
fjóra atvinnuleikara sem taka þátt í
sýningum hússins og öllum öðrum
verkefnum þess nú í sumar. Leikar-
ar Frystiklefans í sumar verða Anna
Margrét Káradóttir, Ásgrímur Geir
Logason, Júlíana Sara Gunnars-
dóttir og Vala Kristín Egilsdóttir.
Einnig mun Kári Viðarsson eigandi
og listrænn stjórnandi hússins taka
þátt í sýningum.
Frystiklefinn er atvinnuleikhús
sem hefur fyrir löngu skipað sess
sem eitt metnaðarfyllsta og afkasta-
mesta listhús landsins. Þetta leik-
ár er gríðarstórt verkefni sem á sér
enga hliðstæðu,“ segir Kári Viðars-
son. mm
Sumarleikár Frystiklefans að hefjast