Skessuhorn - 15.03.2017, Blaðsíða 26

MIÐVIKUDAGUR 15. MARS 201726
Spurningin
„Hvers vegna valdir
þú að fermast?
(Spurt í Grunnskóla Borgarfjarðar,
Kleppjárnsreykjum.)
Alexandra Sif Svavarsdóttir,
Reykholti:
„Af því að ég trúi á guð.“
Jón Björn Blöndal, Jaðri:
„Af því að ég trúi á guð eins og
allir í minni fjölskyldu.“
Kristján Sigurbjörn Sveins-
son, Víðigerði:
„Til að staðfesta trú mína á
guði.“
Telma Sól Ísgeirsdóttir,
Hvanneyri:
„Af því að ég er kristinnar trú-
ar og foreldrarnir mínir líka.“
Ólafur Tryggvason er fæddur árið
1965 og fermdist því vorið 1979 í
Brimilsvallakirkju á Snæfellsnesi.
„Ég átti að fermast 4. júní 1979
með frænku minni, Svandísi Lóu
Ágústsdóttur, en þar sem móð-
ir hennar var búin að ráða sig í
vinnumennsku á sveitabæ var ferm-
ingunni okkar flýtt og því fermd-
ist ég 20. maí það ár,“ rifjar Ólaf-
ur upp í spjalli við fréttaritara. „Já,
hún Gunna frænka, móðir Svandís-
ar, var búin að ráða sig í sauðburð
úti á landi og því var sá hátturinn
hafður á,“ bætir Óli við. Athöfnin
var í Brimilsvallakirkju og svo var
haldin sameiginleg veisla á heimili
Ólafs að Brimilsvöllum. „Það var
svona alvöru tertuveisla að sveita-
sið,“ rifjar Óli upp. „Hnallþórur og
þess háttar góðgæti. Ég man ekki
eftir að það hafi verið kransakaka
á boðstólum, þó að það gæti alveg
verið.“ Hann segir veisluna sjálfa
hafa verið frekar skrítna fyrir ung-
an fermingardreng. „Ég þekkti ekki
helminginn af fólkinu en það voru
ættingjar Svandísar. Líklega hefur
hennar upplifun verið svipuð,“ seg-
ir Óli er hann hugsar til baka.
Aðspurður um fermingargjaf-
irnar segist hann hafa fengið flott
armbandsúr frá foreldrum sínum,
líkt og allir bræður hans fengu. „Ég
man líka að ég fékk svefnpoka frá
Gunnu frænku (móður Svandís-
ar Lóu) sem ég átti í mörg ár. Ég
ætla ekki að gefa upp ástæðu þess
að ég þurfti að henda honum,“
bætir hann við hlæjandi. En bætti
fermingin fjárhag ungs drengs?
„Já, ég man að ég fékk einhvern
pening sem var notaður til að fjár-
festa í forláta skellinöðru ári síðar.
Skellinaðran breytti lífi mínu, enda
varð maður miklu sjálfstæðari fyrir
vikið. Maður gat komist sjálfur til
Ólafsvíkur og til Grundarfjarðar frá
Brimilsvöllum,“ segir Óli kíminn á
svip. Óli var í fermingarfræðslu í
skólanum en hann og Svandís fóru
einnig í einn fermingarfræðslutíma
hjá séra Árna Berg Sigurbjörns-
syni í Brimilsvallakirkju. „Ég man
líka að á meðan þessi eini tími í
fermingarfræðslu hjá séra Árna
átti sér stað, þá gaut læðan á bæn-
um nokkrum kettlingum. Það æxl-
aðist svo þannig að séra Árni fékk
eina læðu úr þessu goti. Svo kom
að því að sú læða gaut og séra Árni
lenti í vandræðum hvað hann ætti
að gera við kettlingana. Hann náði
þó að koma einum högna til föður
síns, séra Sigurbjörns Einarssonar
biskups. Sá köttur kallaðist Bjáni
en það þótti mikið andheiti á kisa,
því hann þótti gáfaður mjög og
hafði biskup mikið dálæti á Bjána.“
Óli segir Bjána hafa fylgt biskupi í
margar gönguferðir og hafa öðlast
þó nokkra frægð fyrir. „Svo segir
sagan að Bjáni hafi meira að segja
verið vígsluvottur í brúðkaupi einu
og þótti biskupi brúðhjónunum
mikill sómi sýndur af því.“Ólafur Tryggvason í dag og á fermingardaginn. Ljósm. tfk.
Ólafur Tryggvason fermdist árið 1979
Regína Björk Vignis Sigurðardótt-
ir fermdist borgaralega á vegum
Siðmenntar í Háskólabíói 13. apríl
2003. „Það hvarflaði eiginlega ekki
að mér að fermast kristilega þar sem
mér fannst ég hafa lært nóg af krist-
infræði í skólanum. Ég vildi líka alls
ekki strengja eitthvað trúarheit gegn
minni eigin samvisku en langaði samt
að halda upp á þetta tímabil í lífi
mínu. Mig langaði að læra eitthvað
um lífið sjálft og fræðast um full-
orðinslífið og ég vissi að ég gæti það
hjá Siðmennt,“ segir Regína Björk í
samtali við blaðamann. Athöfnin var
stór og fermdist Regína ásamt 89
öðrum krökkum, þar á meðal frænda
sínum sem hélt veislu í Hafnarfirði
á fermingardag þeirra. „Þar sem við
buðum mikið til sömu gestunum, þá
hélt ég mína veislu á Akranesi stuttu
seinna. Það má segja að ég hafi eig-
inlega grætt annan fermingardag og
fór meira að segja aftur í greiðslu!“
Fermingarveisla Regínu var hald-
in í sal eldri borgara á Akranesi. Þar
var boðið upp á heitan mat og kökur
og kaffi eftir á. „Í minningunni var
mjög milt og gott veður, enda vor í
lofti. Ég söng lagið Ýkt eðlilegt eft-
ir Ómar Ragnarsson fyrir veislugesti
og mamma hélt skemmtilega ræðu
og var með smá uppistand í leiðinni.
Við spiluðum tónlist og höfðum
skreytt salinn rækilega með myndum
af mér og mínum á mínu 14 ára ævi-
skeiði, þetta var bara mjög skemmti-
legt,“ segir hún.
Regína fékk margar góðar gjafir,
svo sem hálsmen, bókmenntir, sjón-
varp, söngtíma og peninga. „En aðal-
lega fékk ég að innrétta allt herberg-
ið mitt frá A til Ö í boði mömmu og
pabba, ásamt því að fá nýtt rúm.“
Hún segir þá gjöf hafa komið af góð-
um notum. „Mér fannst það geggj-
að en ætli rúmið hafi ekki nýst best,
þar sem ég sef ennþá í því, sem er
kannski smá klikkað! En fyrir hluta
peninganna keypti ég líka gjaldeyri
fyrir mæðgnaferð til Spánar sem við
mamma fórum í um haustið og nut-
um vel.“ Aðspurð um hvað hafi stað-
ið upp úr eftir fermingardaginn seg-
ir hún skemmtiatriðin sem ferming-
arbörnin sáu um í athöfninni standa
upp úr. „Ég las ljóðið Tveir fuglar
eftir Halldór Kiljan Laxness en hann
var uppáhaldið mitt þegar ég var 14
ára. Ég var svolítið með hann á heil-
anum, sem er mjög fyndið þegar ég
hugsa til baka,“ segir hún. „Einnig að
fá skjal í hendurnar um að nú værum
við að hætta að vera börn, enda búin
að læra helling um sjálfstæði, sjálfs-
traust, ábyrgð og ólík lífsviðhorf,“
bætir hún við. Regína segir ferm-
ingarfræðsluna hafa verið eins konar
heimspekikúrs, þar sem meðal ann-
ars var rætt um samskipti, geðheil-
brigði, fordóma, mannréttindi og
ýmislegt fleira. „Auk þess skiptumst
við á skoðunum og reynslu. Eftir-
minnilegar eru einnig heimsóknir
með hópnum í félagslegar stofnanir.
Ég ferðaðist til Reykjavíkur í ferm-
ingarfræðslu aðra hverja helgi því
aðeins var boðið upp á þennan val-
kost í höfuðborginni. Á meðan fóru
jafnaldrar mínir á Akranesi oft í viku
í fermingarfræðslu og ég man svo vel
eftir því að ég hafði oft ekkert að gera
eftir fótboltaæfingu, þá var enginn til
að hanga með því allir voru í ferm-
ingarfræðslu nema ég.“
Regína Björk er ánægð með að
hafa tekið ákvörðun um að ferm-
ast borgaralega á sínum tíma. „Ég
lærði svo mikið á þessu. Það mikil-
vægasta sem ég lærði er að hamingj-
an er þjálfun og felst í því að sökkva
sér svo djúpt í eitthvað viðfangsefni
að maður gleymi stað og stund, þó
ég þurfi að minna mig á það af og
til,“ útskýrir hún. „Svo finnst mér
töff að vera aðeins öðruvísi en allir
hinir, sem borgaraleg ferming var á
þessum tíma. Ég er svo stolt af sjálfri
mér að hafa tekið þessa ákvörðun og
þakklát mömmu fyrir að hafa kynnt
þennan möguleika fyrir mér þrátt
fyrir að það hafi verið svolítið erf-
itt til að byrja með að vera öðruvísi
á þessum aldri, enda var aðeins einn
úr mínum árgangi á Akranesi sem
fermdist líka borgaralega. ég veit að
það hefur aukist rosalega og nú fara
borgarlegar fermingar fram víðar en
í Reykjavík. Ég mæli eindregið með
þessu og fræðslan hefur án efa bara
aukist og orðið betri með árunum frá
því ég fermdist.“
Vildi fræðast um fullorðinslífið
Regína Björk
Vignis Sigurðar-
dóttir fermdist
borgaralega
árið 2003.
Regína Björk á fermingardaginn.
Fermingarbörn liðinna ára í máli og myndum - Framhald