Skessuhorn - 30.05.2018, Blaðsíða 6

MIÐVIKUDAGUR 30. MAÍ 20186
Mæla atvinnuleysi 4,5%
LANDIÐ: Samkvæmt vinnumark-
aðsrannsókn Hagstofu Íslands er
áætlað að 205.200 manns á aldrin-
um 16–74 ára hafi að jafnaði ver-
ið á vinnumarkaði í apríl 2018, sem
jafngildir 81,9% atvinnuþátttöku.
Af þeim voru 196.000 starfandi
og 9.200 án vinnu og í atvinnu-
leit. Hlutfall starfandi af mann-
fjölda var 78,3% en hlutfall at-
vinnulausra af vinnuafli var 4,5%.
Samanburður mælinga fyrir apríl
2017 og 2018 sýnir að vinnuaflið
jókst um 6.700 manns en hlutfall
þess af mannfjölda lækkaði um 1,1
prósentustig. Fjöldi starfandi jókst
um 3.400 manns en hlutfall þeirra
af mannfjölda lækkaði um 2,3 pró-
sentustig. Atvinnulausir voru um
3.300 fleiri en á sama tíma árið
2017 og hlutfall þeirra hækkaði um
1,5 prósentustig. Alls voru 45.300
utan vinnumarkaðar í apríl 2018
og hafði þeim fjölgað um 4.800
manns frá því í apríl 2017 þegar
þeir voru 40.500. -mm
Forystu-Flekkur
og fleiri sögur
LANDIÐ: Út er
komin hjá bókaforlag-
inu Sæmundi endur-
útgefin bók; Forystu-
Flekkur og fleiri sög-
ur. Bókin kom fyrst út
árið 1950 og er fallegt
safn sagna af samskiptum manna og
dýra. „Hér er á ferðinni einstæður
gluggi inn í gamla bændasamfélagið
og hina rómantísku náttúrusýn þar
sem saman fóru nytjar af búpen-
ingi og virðing fyrir hverju dýri
sem fullveðja einstaklingi. Slík sýn
er lærdómsrík og mikilvægt innlegg
í dýraverndarumræðu samtímans,“
segir í kynningu útgefanda. Bók
þessi hentar öllum aldurshópum, er
harðspjaldabók í litlu broti. -mm
Aflatölur fyrir
Vesturland dagana 19. - 25. maí
Tölur (í kílóum) frá Fiskistofu:
Akranes: 16 bátar.
Heildarlöndun: 11.860 kg.
Mestur afli: Skarphéðinn SU:
2.174 kg í tveimur róðrum.
Arnarstapi: 10 bátar.
Heildarlöndun: 7.654 kg.
Mestur afli: Gugga ÍS: 1.318 kg
í einum róðri.
Grundarfjörður: 22 bátar.
Heildarlöndun: 306.633 kg.
Mestur afli: Bylgja VE: 64.167
kg í einni löndun.
Ólafsvík: 36 bátar.
Heildarlöndun: 212.500 kg.
Mestur afli: Bárður SH: 45.550
kg í fjórum löndunum.
Rif: 29 bátar.
Heildarlöndun: 322.178 kg.
Mestur afli: Magnús SH: 48.533
kg í þremur róðrum.
Stykkishólmur: 19 bátar.
Heildarlöndun: 38.178 kg.
Mestur afli: Fjóla SH: 3.968 kg í
tveimur róðrum.
Topp fimm landanir á tímabilinu:
1. Bylgja VE - GRU:
64.167 kg. 24. maí.
2. Hringur SH - GRU:
58.985 kg. 24. maí.
3. Helgi SH - GRU:
44.966 kg. 22. maí.
4. Steinunn SF - GRU:
42.986 kg. 24. maí.
5. Tjaldur SH - RIF:
41.190 kg. 22. maí.
Gleðilegan sjómannadag!
-kgk
Hoggið nærri
úrkomumeti
RVK: Veðrið í maí hefur ekki leik-
ið við landsmenn. Á meðan hita-
bylgjur hafa gengið yfir víða á meg-
inlandi Evrópu hefur hiti ekki oft far-
ið í tveggja stafa tölu hér á landi og
úrkoma verið töluverð. Einar Svein-
björnsson veðurfræðingur skrifar á
Facebook síðu sinni um helgina að
ekki sé þó öruggt að úrkomumet
maímánaðar verði slegið í Reykjavík
eins og stefndi mögulega í fyrir helgi.
Metið sem er 126,0 mm var sett árið
1989 og eftir síðustu nótt mælist úr-
koma það af er maímánaði þetta árið
125,3 mm. Vantar því ekki mikið upp
á að jafna fyrra met. Frekari rigningu
er ekki spáð í Reykjavík fram að mán-
aðamótum svo það er tvísýnt hvort
úrkomumetið verði slegið. -arg
Í samstarf við
HÍ um Ugluna
BIFRÖST: Vilhjálmur Egilsson,
rektor Háskólans á Bifröst og Jón
Atli Benediktsson, rektor Háskóla
Íslands, hafa undirritað viljayfirlýs-
ingu um að tölvukerfið Ugla, sem er
í eigu Háskóla Íslands, verði innleitt
hjá Háskólanum á Bifröst á árinu
2019. Uglan hefur hingað til ein-
göngu verið notuð sem megintölvu-
kerfi opinberu háskólanna þannig að
hér er um nokkur tímamót að ræða
hvað notkun hennar varðar. Ugla er
upplýsingakerfi sem nýtist háskól-
um í að halda utan um nemenda-
skráningu, námsumsjón og ýmislegt
annað er varðar sjálft háskólastarfið.
Uglan er því hjartað í starfi háskól-
anna og er notuð í öllum opinberu
háskólunum og verður það nú einn-
ig á Bifröst. Uglan er alfarið innlend
framleiðsla og er þróuð og hýst hjá
Upplýsingatæknisviði HÍ. „Um er
að ræða heildstæða lausn sem miðast
við íslenskar aðstæður og er þróun
Uglunnar stýrt sameiginlega af öll-
um háskólunum. Ugla hefur leitt af
sér mikla hagræðingu fyrir íslenska
háskóla, m.a. með sameiginlegum
rekstri kerfisins hjá Háskóla Íslands.
Fjöldi skráðra notenda er á fjórða
tug þúsunda og er dagleg notkun
kerfisins með því mesta sem gerist
hér á landi,“ segir í tilkynningu frá
Háskólanum á Bifröst. -mm
Félags- og skólaþjónustu Snæfell-
inga (FSS) tók síðastliðinn fimmtu-
dag formlega í notkun nýtt húsnæði
fyrir Smiðjuna við Ólafsbraut 19 í
Ólafsvík. Þar var síðast rekin blóma-
búð. Þar verður rekin dagþjónustu-
og hæfingarstöð FSS fyrir fatlaða og
aðra með skerta starfsgetu. Byggða-
samlagið sér um rekstur FSS og festi
það kaup á þessu húsnæði undir starf-
semina. Unnið hefur verið að breyt-
ingum og umbótum síðustu mánuði.
Áður hafði Smiðjan verið í leiguhús-
næði og þar af leiðandi á hrakhólum
með starfsemina.
Sveinn Þór Elinbergsson for-
stöðumaður FSS sagðist í samtali
við Skessuhorn vera afar ánægður
að vera kominn í þetta gagnmerka
hús á einstaklega heppilegum stað.
„Þessi staðsetning styrkir og bætir
starfshætti okkar. Með greiðri að-
komu að þjónustu og atvinnutæki-
færum, en umfram allt erum við nú í
alfararleið, erum glöð með þetta og
verðum nú sýnileg. Hingað eru allir
velkomnir, til að heilsa upp á okkur,
leggja okkur lið, koma með endur-
nýtanlegt hráefni af heimilum og frá
fyrirtækjum eða til að kaupa af okkur
ýmsa nytja- og eða skrautmuni á afar
hófstilltu verði. Andvirðið rennur til
námskeiðahalds og menningarauka
fyrir þjónustuþega,“ sagði Sveinn.
Fleiri áfangar í bættri
þjónustu
Aðrir áfangar í frekari uppbyggingar
þjónustu við fatlaða íbúa á Snæfells-
nesi eru þegar komnir á dagskrá. „Á
næstu vikum hefst bygging nýs hús-
næðis undir dagþjónustu- og hæf-
ingarstöðina Ásbyrgi í Stykkishólmi
en FSS hefur samið við Skipavík í
Stykkishólmi um byggingu nýs hús-
næðis fyrir Ásbyrgi á grundvelli lang-
tímaleigu til 12-15 ára. Sú bygging
líkt og Smiðjan í Snæfellsbæ verð-
ur reist á afar góðum stað í miðbæ
Stykkishólms. Gert er ráð fyrir að
það hús rúmi einnig nýja, sértæka
dagþjónustu einstaklings í Stykkis-
hólmi sem sett var á laggirnar í byrj-
un árs. Þriðji áfangi frekari upp-
byggingar þessarar mikilvægu þjón-
ustu sveitarfélaganna hófst í byrj-
un þessa árs en það er rekstur NPA
samnings við einstakling í Stykkis-
hólmi, þ.e.a.s. þjónusta okkar er á
forsendum notendastýrðrar pers-
ónulegrar aðstoðar við einstakling
til sjálfstæðrar búsetu með stuðn-
ingi FSS og grunnþjónustu sveitar-
félagsins.“ Þá segir Sveinn Þór að
ótalinn sé fjórði áfangi þessarar upp-
byggingar sem nú er kominn á und-
irbúningsstig. „Það verður bygging
þjónustuíbúða, í fyrsta áfanga hér í
Ólafsvík, fyrir fatlaða einstaklinga
sem kjósa að hefja sjálfstæða búsetu
með aðstoð.“
Sveitarfélögin
staðið þétt saman
Ennfremur segir Sveinn að það séu
einungis liðin rúm sex ár frá yfir-
töku sveitarfélaga á málaflokki fatl-
aðra frá ríkinu. „Það er einstaklega
ánægjulegt að snæfellsk sveitarfélög
hafa frá upphafi verið einróma um
uppbyggingu þessarar mikilvægu
þjónustu. Ekki síst í ljósi þess að á
svæðinu hafði þjónusta við fatlaða á
höndum ríkisins verið afar takmörk-
uð um áratuga skeið. Á þeim tíma
þurftu því snæfellskir einstaklingar
með miklar þjónustuþarfir að flytja
á önnur svæði þar sem slíka þjón-
ustu var að finna. Fyrir okkur starfs-
fólk FSS, stjórn, félagsmálanefnd og
sveitarstjórnirnar, hefur þetta ver-
ið afar spennandi tími mikillar sam-
stöðu og metnaðar, ekki síst vegna
mikillar velvildar og stuðnings sem
íbúar, félagasamtök, stofnanir og
fyrirtæki hér á Snæfellsnesi hafa sýnt
þessari uppbyggingu.“
Sveinn Þór vildi nota tækifærið til
að færa þeim fjölmörgu aðilum sem
hafa lagt FSS lið með ýmsum hætti,
með atvinnutækifærum í formi ör-
orkusamninga, einstakra verkefna,
gjöfum, styrkjum og með ýmiss kon-
ar aðstoð sem gert hafa þeim kleift
að koma á starfsemi sem Smiðjan og
Ásbyrgi standa fyrir í dag. Sérstak-
lega vildi hann færa stjórnendum og
starfsfólki Grunnskóla Snæfellsbæj-
ar, Dvalar- og hjúkrunarheimilisins
Jaðars og Hópferðabifreiðum Svans
Kristóferssonar bestu þakkir fyrir
stuðning við starfsemi Smiðjunnar
og skjólstæðinga hennar.
Fjölmargir gestir mættu á opnun-
arhátíða á fimmtudaginn til þess að
samfagna þessum áfanga, skoða hús-
næðið og þiggja léttar veitingar.
af
Nýtt húsnæði FSS tekið
í notkun í Ólafsvík
Sveinn Þór Elinbergsson forstöðumaður FSS við opnunarhá-
tíðina.
Kristinn Jónasson bæjarstóri í Snæfellsbæ nýtti tækifærið og
færði Smiðjunni veglega gjöf frá Snæfellsbæ og við henni tók
Sveinn Þór.