Skessuhorn - 30.05.2018, Blaðsíða 71
MIÐVIKUDAGUR 30. MAÍ 2018 71
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Skagakonur unnu góðan útisigur
á Fjölni, 2-3, þegar liðin mættust
í þriðju umferð 1. deildar kvenna í
knattspyrnu á sunnudag. Unnur Ýr
Haraldsdóttir, fyrirliði ÍA, gerði sér
lítið fyrir og skoraði öll þrjú mörk
liðsins í leiknum.
Fyrri hálfleikur einkenndist af
baráttu en ÍA liðið var heilt yfir
sterkara. Skagakonur sköpuðu sér
nokkur ágætis marktækifæri en
tókst ekki að nýta þau. Færi heima-
liðsins voru fá og engin teljandi ógn
af sóknartilburðum þeirra. Staðan í
hálfleik var því markalaus.
Skagakonur juku kraftinn í sókn-
inni í síðari hálfleik og komust yfir
á 58. mínútu þegar Unnur skor-
aði sitt fyrsta mark í leiknum. Að-
eins tveimur mínútum síðar skor-
aði hún aftur og ÍA liðið komið í
ákjósanlega stöðu. En Fjölnisliðið
sneri vörn í sókn og náði að minnka
muninn á 73. mínútu með marki frá
Söru Montoro. Vonir Fjölnis um að
fá eitthvað út úr leiknum urðu hins
vegar að engu þegar ÍA var dæmd
vítaspyrna á 78. mínútu. Unn-
ur steig á punktinn og fullkomn-
aði þrennuna af miklu öryggi. ÍA
leiddi með þremur mörkum gegn
einu allt þar til á lokaandartökum
leiksins að Stella Þóra Jóhannes-
dóttir minnkaði muninn í 2-3. Þar
við sat og ÍA komið í annað sæti
deildarinnar með níu stig eftir sig-
ur í fyrstu þremur leikjunum, jafn
mörg og topplið Fylkis og tveimur
stigum meira en Keflavík í sætinu
fyrir neðan.
Næsti leikur ÍA er heimaleikur
gegn Þrótti R. Sá leikur fer fram
fimmtudaginn 14. júní á Akranes-
velli. kgk
Unnur Ýr með
þrennu í sigri ÍA
Fyrirliðinn Unnur Ýr Haraldsdóttir
skoraði öll þrjú mörk ÍA. Ljósm. úr
safni/ gbh.
ÍA og Njarðvík skildu jöfn, 2-2, í
fjórðu umferð 1. deildar karla í knatt-
spyrnu. Leikið var á Akranesi á föstu-
dag. Gestirnir fengu óskabyrjun og
komust yfir strax á 4. mínútu leiks-
ins. Njarðvíkingar komust inn í slaka
sendingu Skagamanna á miðsvæð-
inu. Þeir léku sín á milli þar til Stef-
án Birgir Jóhannesson fékk boltann á
vinstri kanti. Hann sótti inn á miðj-
una og lét skot ríða af fyrir utan teig.
Skotið fór beint á Árna Snæ Ólafs-
son í markinu en hann missti bolt-
ann undir sig og í markið. Slæm mis-
tök hjá Árna og gestirnir komnir yfir.
Njarðvíkingar fengu tvö góð tækifæri
til að bæta við í fyrri hálfleik en nýttu
færin ekki. Skagamenn þreifuðu fyrir
sér en tókst ekki að skapa sér ákjós-
anleg færi fyrr en á 38. mínútu. Og
það færi nýttu þeir líka. Andri Adolp-
hsson sýndi þá góða taka á vinstri
kantinum, sendi boltann fyrir mark-
ið á Stefán Teit Þórðarson sem klár-
aði færið vel. Eitt mark hafði hvort
lið skorað þegar flautað var til hálf-
leiks.
Skagamenn voru sterkari framan
af síðari hálfleik og komust yfir á 66.
mínútu. Eftir aukaspyrnu barst bolt-
inn út að vítateigslínunni þar sem
Andri sendi hann viðstöðulaust með
vinstri í bláhornið niðri og Skaga-
menn komnir í 2-1. Stuttu síðar dró
til tíðinda þegar Njarðvíkingar fengu
vítaspyrnu. Andri Fannar Freysson
steig á punktinn en þrumaði víta-
spyrnunni í þverslánna. Gestirnir
sóttu stíft það sem eftir lifði leiks og
freistuðu þess að jafna metin. Á 86.
mínútu uppskáru þeir árangur erfiðis
síns þegar Magnús Þór Magnússon
skallaði boltann laglega í netið eftir
hornspyrnu og staðan orðin 2-2.
Skagamenn fengu nokkur tæki-
færi á síðustu mínútunum til að stela
sigrinum en náðu ekki að nýta þau.
Leiknum lauk því með jafntefli og
liðin fengu eitt stig hvort fyrir vikið.
ÍA hefur því tíu stig eftir fyrstu fjóra
leikina og situr í öðru sæti deildarinn-
ar, með jafn mörg stig og HK á toppi
deildarinnar. Næst leika Skagamenn
í deildinni á sunndaginn, 3. júní, þeg-
ar þeir mæta Fram á útivelli. Í milli-
tíðinni mæta þeir hins vegar úrvals-
deildarliði Grindavíkur í Mjólkur-
bikarnum. Sá leikur fer fram í kvöld,
miðvikudaginn 30. maí, einnig á úti-
velli. kgk
Jafnt á Akranesvelli
Skagamenn fagna jöfnunarmarki Andra Adolphssonar. Ljósm. gbh.
Víkingur Ó. vann góðan útisigur
á Haukum þegar liðin mættust í 1.
deild karla í knattspyrnu síðastlið-
inn föstudag. Leiknum lyktaði með
einu marki gegn engu.
Leikmenn Víkings voru mun
ákveðnari í fyrri hálfleik en náðu
ekki að skapa sér nein afgerandi
marktækifæri. Mikil harka var í
leiknum á köflum og menn hikuðu
ekki við að fleygja sér í tækling-
ar. Besta færi fyrri hálfleiks fengu
Ólafsvíkingar rétt fyrir hléið. Gon-
zalo Zamorano átti þá skot sem
smaug framhjá stöng heimamanna.
Staðan í hálfleik var markalaus fyrir
vikið.
Gestirnir frá Ólafsvík voru áfram
heldur sterkari í síðari hálfleik án
þess þó að skapa sér nein alvöru
færi fyrst um sinn. En það átti eft-
ir að breytast. Á 62. mínútu fengu
þeir dauðafæri þegar Kwame Quee
vann boltann og Víkingar komust
þrír á móti tveimur. Boltinn var
sendur á Gonzalo sem skaut hátt
yfir markið. Loksins tókst Ólafs-
víkingum síðan að brjóta ísinn á 76.
mínútu. Boltinn féll fyrir Ingiberg
Kort Sigurðsson í teignum sem gat
ekki annað en skorað.
Haukar reyndu að snúa vörn í
sókn það sem eftir lifði leiks en
Víkingar voru þéttir fyrir og leyfðu
þeim ekki að komast inn í leikinn
aftur. Lokatölur urðu 0-1, Víkingi
í vil.
Víkingur krækti með sigrinum í
sitt sjöunda stig í deildinni og sit-
ur liðið í fjórða sæti, með jafn mörg
stig og liðin í sætunum fyrir ofan og
neðan. Næsti leikur liðsins í deild-
inni er gegn Selfossi sunnudag-
inn 3. júní næstkomandi. En fyrst
mætir Víkingur liði Fram á útivelli
í Mjólkurbikar karla. Sá leikur fer
fram í kvöld, miðvikudaginn 30.
maí.
kgk/ Ljósm. úr safni/ þa.
Víkingur Ó. sótti sigur til Hafnarfjarðar
Káramenn gerðu góða ferð suður
á Vatnsleysuströnd á fimmtudags-
kvöldið og sigruðu topplið Þrótt-
ar í Vogum með tveimur mörk-
um gegn engu. Með sigrinum lyftu
Káramenn sér upp að hlið Þrótt-
ar á toppi 2. deildarinnar með níu
stig eftir fjóra leiki. Athygli vekur
að bæði eru liðin nýliðar í 2. deild,
komu saman upp eftir síðasta leik-
tímabil.
Reynsluboltinn Jón Vilhelm
Ákason kom Kára yfir á 16. mín-
útu leiksins og staðan var jöfn nær
til leiksloka. Káramenn hugsuðu
sér gott til glóðarinnar á 65. mín-
útu þegar þeir fengu vítaspyrnu.
Guðlaugur Þór Brandsson steig
á punktinn en Tom Lohmann í
marki Þróttar varði frá honum.
Heimamenn fengu líka sín tæki-
færi í leiknum og verða að telj-
ast óheppnir að hafa ekki skorað í
leiknum, því þrisvar sinnum björg-
uðu Káramenn á línu. En inn vildi
boltinn ekki og það var Kári sem
átti lokaorðið þegar Ragnar Már
Lárusson innsiglaði sigurinn í upp-
bótartíma.
Næsti deildarleikur Kára er
sunnudaginn 3. júní, þegar lið-
ið mætir Tindastóli. Í millitíðinni
leikur Kári hins vegar gegn Pepsi
deildar liði Víkings R. í 16 liða úr-
slitum Mjólkurbikarsins. Báðir leik-
irnir fara fram á Akranesi.
kgk/ Ljósm. Knattspyrnufélagið
Kári.
Káramenn við topp
annarrar deildar
Nýverið skrifuðu fulltrúar Knatt-
spyrnufélags ÍA og Íslandsbanka
undir endurnýjun á samstarfs-
samningi. Íslandsbanki hefur ver-
ið dyggur stuðningsaðili KFÍA um
margra ára skeið og með þessum
samstarfssamningi mun bankinn
halda áfram að styðja vel við bak-
ið á knattspyrnufólki á Akranesi.
Samningurinn er til tveggja ára.
„Íslandsbanki hefur verið mikil-
vægur stuðningsaðili við fótbolt-
ann á Akranesi í mörg ár og þessi
samningur festir það samstarf enn
frekar í sessi. Ég vil þakka bankan-
um fyrir þeirra framlag til okkar í
KFÍA en án svona styrks væri ekki
hægt að halda uppi eins góðu starfi
í félaginu og nú er,“ sagði Magn-
ús Guðmundsson formaður aðal-
stjórnar KFÍA.
mm
Íslandsbanki styður áfram við KFÍA
Valdís Eyjólfsdóttir viðskiptastjóri í Íslandsbanka, Magnús Daníel Brandsson
útibússtjóri, Magnús Guðmundsson formaður KFÍA og Sævar Frey Þráinsson
varaformaður.