Skessuhorn - 30.05.2018, Blaðsíða 53

MIÐVIKUDAGUR 30. MAÍ 2018 53
Horft yfir liðið ár og litið til þess nýjaSjómannadagurinn
Alexander Rodriguez er 22 ára pilt-
ur í Ólafsvík. Hann er á sinni fyrstu
vertíð á sjó og réði sig á línubátinn
Tryggva Eðvarðs SH. Aðspurður
um hvers vegna ungur piltur hafi
ráðið sig á sjó, svarar Alexander að
hann tengist sjómennsku og flest-
ir karlmenn i hans fjölskyldu séu
sjómenn. „Ég hafði því sterka og
mikla tengingu við sjóinn og var
áður að vinna á fiskmörkuðum og
þekki alla þessa karla á bátunum.
Þetta eru hressir og flottir menn
allt saman og gaman að heyra sög-
ur frá þeim. Ég fékk svo símtal frá
Gylfa Scheving Ásbjörnssyni skip-
stjóra á Tryggva um hvort ég vildi
koma á sjóinn og ég játti því. Mér
þótti það spennandi og sló til og sé
alls ekki eftir því,“ segir Alexander
kátur og hress í bragði.
„Þann fyrsta september fórum
við á sjóinn með fjóra bala til þess
að prófa græjurnar um borð. Feng-
um við mikið af steinbít á þessa
bala og sagði þá Gylfi að þetta
yrði mikil steinbítsvertíð sem síð-
ar varð raunin,“ segir Alexander
og vill taka það fram að hann hafi
ekki fundið fyrir sjóveiki á þessari
fyrstu vertíð sinni. „Þetta var erfitt
í fyrstu á sjónum. Við rérum mjög
stíft í alls konar veðrum, en erum
komnir með 1200 tonn á þessari
vertíð. Þetta er búin að vera góð
lífsreynsla, mikil vinna - og góð
laun,“ segir Alexander sem kveðst
ekki hafa getað byrjað með betri
mönnum á sjó. „Þeir Gylfi skip-
stjóri og Kjartan vélstjóri kenndu
mér handtökin og voru fljótir til
að kenna mér á þetta allt. Í byrjun
hafði ég engan veginn undan að
blóðga fiskinn, en núna er þetta
allt að koma. Ég átti líka í vand-
ræðum með að henda út færunum,
vegna þess að þau fóru öll í flækju,
en Gylfi kenndi mér það svo þetta
er bara flott í dag.“
Lét gabbast af lúsinni
„Jú blessaður vertu,“ segir Alex-
ander aðspurður hvort skipsfélag-
ar hans hafi ekki platað hann í
vetur eins og þekkt er að gert er
við nýliða á bátum. „Ég hafði svo
sem undirbúið mig vel undir það,
heyrt um flækjubókina frægu og
kjölsvínið og fleiri sögur, en ég
lét þessa gripi heldur betur plata
mig og var alls ekki undirbúinn
þegar skipsfélagarnir ásamt Emil
skipstjóra á Guðbjarti SH í farar-
broddi létu mig vita af lúsinni sem
væri komin í bátana. Sagði Emil
mér að einn skipsverji hans hafi
lent á spítala út af kláða og væri
lúsin komin í kojurnar og bókstaf-
lega út um allt. Ég nátturlega trúði
þessum öllu og fór með 20 lítra af
klór af hverjum degi i heilan mán-
uð í þrif á öllu bátnum og ótal lítra
af sótthreinsandi efnum í lúkarinn
því ekki vildi ég að þessi bölvaða
lús kæmist í bátinn. Svo suðuþvoði
ég fötin mín öll kvöld heima, vildi
ekki fá óværuna heim! Ég var bara
skíthræddur, svo ég dauðhreinsaði
allt og jafnvel í brælum þegar við
vorum ekki á sjó til þess að helvít-
is lúsin kæmi ekki til okkar. Ég var
bara í andlegu áfalli,“ sagði Alex-
ander og hlær að öllu saman í dag.
Allt tal um lúsina var náttúrlega
hrekkur af dýrari gerðinni. „Nei,
nei, þeir voru ekkert að leiðrétta
mig fyrr en mánuði seinna,“ sagði
Alexander, „En ég skal sko hefna
mig á þeim einn daginn,“ bætir
hann við og hlær.
Í lokin var hinn hressi Alex-
ander spurður hvort hann ætlaði
að leggja sjómennsku fyrir sig:
„Allavega eina vertíð í viðbót og
svo sjáum svo til hvert lífið leiðir
mann.“ En Alexander er nýorðinn
faðir og vill reyna að sinna stúlku-
barni sínu vel, en sú litla fæddist
þann 1. maí síðastliðinn. af
Var gabbaður eins og venjan er á fyrstu vertíð
Alexander Rodriguez. Alexander ásamt skipsfélögum sínum þeim Gylfa Scheving og Kjartani Hallgríms-
syni vélstjóra.
Tryggvi Eðvarðs að koma í land í brælu.