Heimsmynd - 01.11.1991, Qupperneq 35

22 LEIÐIR TIL AÐ
Nýr og rómantískur andi svífur yfir vötnum. Breytingar í innanhússhönnun liggja í
loftinu. Stílhreinn glæsileiki er það sem koma skal. Gyllingar og viður hafa tekið við af
stáli og krómi. Jafnvel þótt fjárhagurinn leyfi ekki róttækar breytingar og kaup á nýjum
innanstokksmunum má á einfaldan hátt og með litlum tilkostnaði gera breytingar í anda
nýrra tíma. Fyrsta skrefið er að ganga um húsakynnin og fjarlægja alla óþarfa muni sem
safnast hafa upp á liðnum árum eins og vasa, skálar og óhrjálegar pottaplöntur. Nú er
það einfaldleikinn sem ræður en þess verður þó að gæta að heimilið missi ekki persónu-
leika sinn og hlýju. Á fjölmörgum heimilum myndi ekki saka þótt húsráðendur tækju sér
pensil í hönd og blettuðu í glugga- og dyrakarma þar sem lakk hefur flagnað af. Þegar
ekkert er eftir nema þær grunneiningar sem ætlunin er að halda til haga er hægt að
hefjast handa við endurskipulagninguna. Gættu þess þó að fara hægt í sakirnar. Byrjaðu
ekki á því að eyða í alls kyns skyndilausnir, heldur veldu vel og kauptu eingöngu einn og
einn hlut í einu og þá eins vandaðan og fjárhagurinn leyfir. Smám saman getur þú svo
bætt við og byggt upp heimili í nýjum anda. Til að byrja með bendir HEIMSMYND
lesendum á tuttugu og tvær einfaldar og ódýrar leiðir til að hressa upp á heimilið og gefa
því nýjan blæ.
LÍFGA
/
Sítrónur í skál fara vel á eldhús- eða borð-
stofuborði.
HEIMILIÐ
HEIMSMYND 35