SSFblaðið - Dec 2015, Page 4

4
Tilraunin sem gerð var með undirriTun
kjarasamninga á almennum vinnumarkaði gekk
ekki upp. Ríki og sveitarfélög eru ekki þátttakendur í
tilrauninni, ásamt því að Gerðardómur og Kjaradómur
hækkuðu laun allra launahópa, sem þeir úrskurða um,
um 9-10% á fyrsta samningsárinu, en meðallaun á
almennum vinnumarkaði hækkuðu um 5,5 – 6,0%.
Þannig hafa ríki og sveitarfélög samið um (eða verið
dæmd til) að hækka laun opinberra starfsmanna um
c.a. 3,5% umfram hækkun almenna markaðarins.
Í samningsforsendum kjarasamninga félaga innan
ASÍ, sem SSF byggir einnig á segir:
„Kjarasamningur þessi byggir á þremur meginforsendum
sem eru að kaupmáttur launa aukist á samningstímanum, að launastefna
hans verði stefnumótandi fyrir aðra kjarasamningagerð og að fullar
efndir verði á yfirlýsingu ríkisstjórnarinnar í tengslum við samninginn.“
Nánar segir um lið 2: „Í febrúar 2016 skal nefndin meta hvort sú
launastefna og þær launahækkanir sem í samningnum felast hafi verið
stefnumarkandi fyrir aðra samningagerð á vinnumarkaði. Nefndin
skal tilkynna fyrir lok febrúar 2016 hvort sú forsenda hafi staðist.“
Það er öllum ljóst að þessi forsenda heldur ekki og útilokað annað
en að fyrirtæki á almennum markaði, þ.m.t. fjármálafyrirtækin,
hækki laun umfram ákvæði kjarasamninga eða semji um einhverja
aðra kjarabót, t.d. hærra framlag í lífeyrissjóði.
Þegar kjarasamningarnir á almenna markaðnum voru gerðir
var öllum ljóst að læknar og kennarar höfðu þá þegar fengið meiri
launahækkanir en tókst að semja um á almenna markaðinum.
Samningsaðilar vissu hins vegar ekki af þeim vilja ríkis og bæjarfélaga
að hækka alla starfsmenn hins opinbera um sömu
prósentu og lægst launaði hópur á almenna
markaðnum fékk í maí 2015.
Í kjarasamningi SSF segir um forsendur
kjarasamnings: „Komi til þess að nefnd sú sem
fjallar um forsendur kjarasamninga á almennum
vinnumarkaði nái samkomulagi um breytingu
á samningum skal sambærileg breyting gilda um
þennan samning. Komi til þess að kjarasamningum
á almennum vinnumarkaði verði almennt sagt upp
er heimilt að segja samningi þessum upp frá sama
tíma. Fellur samningurinn þá úr gildi frá lokum
apríl 2016 m.v. tilkynningu fyrir kl. 16:00 þann
28. febrúar 2016.“
Það kemur því í ljós í lok febrúar 2016 hvort samningarnir falla
úr gildi.
Að lokum vil ég þakka öllum félagsmönnum SSF fyrir samstarfið
á árinu sem er senn að líða, allan þann stuðning og áhuga sem okkur
í stjórn og á skrifstofu hefur verið sýndur. Ég vona að þið njótið
þessa afmælisblaðs sem og aðventunnar og þess tíma sem nú er að
ganga í garð. Yfir hátíðirnar er mikilvægt að muna að það er tími
samverunnar með fjölskyldu, vinum og kunningjum. Jafnframt er
þetta tími samhugar og kærleiks og í öllu amstrinu má ekki gleyma
því hve gjöfult og gott það er að hlúa að þeim sem minna mega
sín í þjóðfélaginu.
Hátíðar- og afmæliskveðjur
Friðbert Traustason
VERÐUR KJARASAMNINGUM
SAGT UPP Í FEBRÚAR 2016?
við erum á Facebook
Samtök starfsmanna fjármálafyrirtækja eru á Facebook. Við höfum stofnað Facebook síðu
þar sem að við munum flytja fréttir af starfi samtakanna, birta myndir úr starfinu og segja
frá því sem er í deiglunni. Slástu í hóp með okkur á Facebook og fylgstu með því sem er að
gerast. Það sem þú þarft að gera er að slá Samtök starfsmanna fjármálafyrirtækja í leitarstreng
Facebook og „læka“ við síðuna.
Fyrir um ári síðan voru „mínar síður“ Teknar í gagnið hjá
ssF. „Mínar síður“ er rafræn gátt fyrir félagsmenn þar sem sótt
er um styrki og hægt að fylgjast með framvindu umsókna. Með
tilkomu síðunnar urðu umsóknir aðgengilegri fyrir félagsmenn
og úthlutunin auðveldari. Félagsmenn SSF hafa nýtt sér þennan
þjónustuvalmöguleika vel og fer nú megnið af umsóknum þar í gegn.
Hægt er að nálgast „Mínar síður“ ásamt leiðbeiningum um
notkun þeirra á vefslóðinni http://minarsidur.ssf.is/login.php
og/eða http://www.ssf.is/styrktarsjodur-2/592-2/. Samhliða því
að farið var í að hanna og setja upp Mínar síður hefur verið unnið
að gagngerum breytingum á tölvukerfi SSF sem hefur falið í sér
uppsetningu og innleiðingu á nýju tölvukerfi sem heldur utan um
öll fjármál samtakanna, bókhald, laun, úthlutun styrkja, fundargerðir
o.fl.
Nýja tölvukerfið hefur haft í för með sér verulega vinnuhagræðingu
sem og aukin þægindi fyrir félagsmenn.
MÍNAR SÍÐUR OG NÝTT
TÖLVUKERFI SSF