SSFblaðið - des. 2015, Blaðsíða 33

33
garnkaupa og lá garn, prjónar og uppskriftir frammi fyrir hvern sem
vildi prjóna á starfsstöð Útibúaþjónustunnar að Lynghálsi.
Verkefnið hlaut mikið lof frá Suður- Afríku m.a. á Facebook-
síðu alþjóðasamtaka Agora Club þar sem ljósmæður og starfsfólk
fæðingardeilda í Suður Afríku þökkuðu fyrir þessa nytsamlegu
sendingu frá Íslandi.
verkeFnið vaTT upp á sig
Fljótlega eftir að prjónaverkefnið fór af stað og fjallað var um það
í upphafi árs í SSF- blaðinu óskuðu starfsmenn Borgunar eftir
því að fá að leggja verkefninu lið. Það var að sjálfsögðu auðsótt. Í
byrjun október hófust svo að berast vettlingar, húfur og sokkar frá
starfsfólki Borgunar. Nú er svo komið að sending nr. 2 af fatnaði og
teppum fór frá Íslandi í byrjun október til Botswana, Suður- Afríku
og Rúmeníu og því óhætt að segja að þetta gjafmilda góðverk hafi
undið upp á sig.
Þess má geta að eftir að starfsfólk Borgunar fór af stað í þetta
verkefni hefur þeim gengið mjög vel að fá fólk til að taka þátt
enda mjög gefandi. Nú hefur starfsfólk Borgunar svarað ákalli
hjálparbílsins í Reykjavík, en hann ekur um og aðstoðar fólk sem
er utan húsaskjóls, með því að prjóna hlífðarfatnað fyrir þau.
Ingibjörg Birna segist hafa skynjað á þessari vegferð gríðarlegan
samhug og samvinnu. Það var unnið að verkefninu af heilum hug
þar sem þessar konur vissu að tilgangurinn með litlu prjónaflíkunum
er að freista þess að halda lífi í litlu barni. Rannsóknir hafa sýnt
að það að finna tilgang með því sem viðkomandi er að gera, finna
samhug og samkennt  eykur vellíða, gefur fólki orku og eflir það
á svo margan hátt. Tilfinning Ingibjargar var að þetta hafi bætt
annars góðan vinnuanda umtalsvert hjá ákveðnum hópi, eða eins
og ein góð kona sagði sem kom mikið að þessu verkefni: „Manni
líður svo vel í hjartanu“.