SSFblaðið - Dec 2015, Page 44

44
ssF er aðili að norrænum samTökum sTarFsmanna
FjármálaFyrirTækja nFu (nordic Financial unions). Aðilar
að þeim ásamt SSF eru samtök starfsmanna fjármálafyrirtækja í
Danmörku, Noregi, Svíþjóð og Finnlandi. Hlutverk samtakanna
snýr að hagsmunabaráttu fyrir þá 150.000 félagsmenn sem tilheyra
samtökunum í gegnum aðildarfélög NFU. Hagsmunasamtökin
standa vörð um réttindi starfsmanna í Norðurlöndunum gagnvart
ESB reglugerðum, veitir mikinn stuðning í kjaradeilum, einkum
með því að tryggja aðgang að öflugum verkfallssjóði og sinnir fræðslu
– og tengslamyndum innan Norðurlandanna fyrir félagsmenn og
aðildarfélög.
Við hittum Arvid Ahrin, framkvæmdastjóra NFU, en hann var
ráðinn framkvæmdastjóri samtakanna um miðbik ársins 2013 en
hafði starfað hjá samtökunum um nokkurt skeið áður en hann tók við
þeirri stöðu. Arvid var svo vingjarnlegur að setjast niður með okkur
þrátt fyrir miklar annir og fara yfir starf NFU og samstarfið við SSF.
nFu
„Meginhlutverk NFU er að sinna hlutverki sínu sem hagsmuna- og
regnhlífasamtök norrænu aðildarfélaganna. Það felur í sér að halda upp
samskiptaneti og samstarfi milli NFU og aðildarfélaganna annarsvegar
og aðildarfélaganna sín á milli hinsvegar. Það er upphafspunkturinn
í meginhlutverki samtakanna en í framkvæmd er þetta hlutverk með
fjölbreyttum hætti“ segir Arvid.
hagsmunavarsla
Hinn daglegi rekstur NFU snýst þó meira um hagsmunavörslu, þ.e.
að vera umsagnaraðili og þrýstihópur gagnvart regluverki í ríkjum
aðildarfélaganna. „Stjórn NFU hefur ákveðið að leggja sérstaka áherslu
á þennan þátt þar sem undanfarin fimm ár hafa gríðarlega miklar
reglugerðar- og lagabreytingartillögur verið lagðar fram sem snúa að
fjármálamarkaðnum og snertir starfsfólk þess með einum eða öðrum
hætti.“ Hann segir að höfuðáherslan þar sé að gæta að hagsmunum
félagsmanna og þrátt fyrir að Ísland sé ekki í ESB, líkt og Noregur,
þá taka reglugerðirnar einnig til Íslands og því ekkert síður mikilvægt
að hafa öflugan málsvara í hagsmunagæslu. Hann segir að samtökin
hafi náð miklum árangri í að gæta að þessum hagsmunum t.a.m.
gagnvart vernd starfsmanna þegar kemur að „whistle blowing“. Hann
nefnir það dæmi þar sem það er nýlegt og snýr beint að hagsmunum
starfsmanna, „eykur aðhald að fjármálageiranum og miðar að því
að hjálpa til við fjármálastöðugleikann, það er því til alls að vinna í
þessu tilviki“.
„Okkar vinna hefur haft mikil áhrif á íslenska félagsmenn. Öll
aðildarfélögin eiga t.a.m. það sameiginlegt að semja um kjarasamninga.
Um þetta er tekist á innan Evrópusambandsins í dag, sérstaklega
eftir efnahagskrísuna, málefni sem snúa að bónusgreiðslum og
hvatagreiðslum sem leiddu til mikillar áhættutöku. Evrópusambandið
vill mæta þessum vanda og setja lög á launa- og kjaragreiðslur
sem gengur gegn samningsfrelsi aðildarfélaganna og myndi hefta
það mjög mikið, og það gengur gegn einum helstu hlutverkum
stéttarfélaganna“ segir hann. Aðspurður að því hvort regluverkin
snúi að því að banna eða setja þak á bónusgreiðslur segir hann að
„þetta er mjög svo tæknilegt atriði, við erum auðvitað sammála því
að það getur verið skaðlegt að greiða mjög háar bónusgreiðslur eftir
óljósum árangurstengingum sem leiðir til óskynsamlegrar áhættutöku
því áhættan er oftast á endanum hjá hinum almennu starfsmönnum
fjármálafyrirtækjanna sem þurfa að takast á við afleiðingarnar. Við
erum engu að síður ekki sammála því að lausnin sé að setja þak á
árangurstengd laun. Þess vegna þurfum við að finna lausnir sem
draga úr áhættunni en leiðir ekki til skerðingar á samningafrelsinu“.
eFling TengslaneTsins
„Það er mikilvægt, að við í NFU höldum áfram að efla samstarf innan
aðildarfélaganna með því að boða til ráðstefna og að þinga um ákveðin
málefni. Þannig getum við verið samtaka í því að takast á við nýjar
áskoranir og vinna sameiginlega að því að taka framfararskref. Að
flestu leiti glíma aðildarfélögin við sömu áskoranirnar og við getum
mætt þessum samnorrænu áskorunum með auknu samstarfi, aukinni
fræðslu og þjálfun, aukinni upplýsingagjöf og öflugra tengslaneti“
segir Arvid.
„ssF heFur mjög sTerka rödd“
„Samvinnan og samskiptin við SSF eru alltaf ánægjuleg og góð. SSF
hefur mjög góðan alþjóðafulltrúa, Önnu Kareni, sem er mjög virk
innan samtakanna. Hún hefur talað mjög skýrt um helstu forgangsmál
íslensku samtakanna og við vinnum náið saman. SSF hefur mjög sterka
rödd innan NFU og hefur verið mjög virkur þátttakandi í starfinu.
SSF er mun virkari þátttakandi en sum fjölmennari aðildarfélögin“
segir Arvid.
Hann segir að Ísland sé alltaf ofarlega í huga stjórnarmanna og
ýmissa fulltrúa aðildarfélaganna. „Stjórnarmenn NFU eru sérstaklega
hrifnir af ferðum okkar til Íslands, landið og gestrisnin er eitt og svo
það að allt er gríðarlega vel undirbúið og skipulagt. Ísland er einstakt
og gjörólíkt öðrum ríkjum aðildarfélaganna, sá karekter sem fólkið
og landið býr yfir er einstakur, lýðræði er sterkt í landinu og reynsla
landsmanna af fjármálakreppunni er okkur dýrmæt. Ég held að
við höfum ekki gert nóg í því að læra af reynslu ykkar og hvernig
þjóðin tókst á við vandann, þetta er dýrmæt þekking innan NFU
en þó viljum við ekki dvelja of mikið í fortíðinni heldur horfa fram
á við og marka stefnu til framtíðar, byggða á reynslu fortíðarinnar.“
sTrandaglópar vegna eyjaFjallajökuls
Árið 2010 var haldin ráðstefna á vegum NFU á Íslandi. Þar kom
fjöldi fulltrúa frá öllum aðildarfélögum NFU. Arvid segir þá ferð
vera einna eftirminnislegasta af ferðum sínum á vegum NFU, „ég
gæti rætt þá ferð í marga daga, algjörlega ógleymanlegt“. Hann segir
þessa ferð vera ennþá heilmikið í umræðunni, „eins og þið vitið þá
lá allt flug niðri eftir að eldgosið hófst (Eyjafjallajökull), um leið sá
ég að hópurinn skiptist í þrjá hópa; hópur eitt var mjög reiður og
taldi þetta fullkomlega óásættanlegt og vildi að ég gerði eitthvað í
málinu, þau þurftu að komast heim og var sama hvað ég þyrfti að gera
til þess, ég þyrfti bara að gera það. Það var auðvitað mjög kjánalegt
því augljóslega var ekkert við þessu að gera en ég bauðst þó til að
leigja kajak og bauð þeim að róa heim. Hópur tvö var áhugalausi
hópurinn sem beið við tölvuskjáinn eftir því að verða kallað um borð
í flugvélina, gerði ekkert annað, en hópur þrjú gerði gott úr þessu og
naut dvalarinnar á meðan á þessu ástandi stóð. Á endanum leystist
þetta þó allt vel og allir fóru ánægðir heim, við vissum auðvitað ekki
ALÞJÓÐLEGT SAMSTARF
– SSF OG NFU