Dagblaðið Vísir - DV - 25.10.2019, Page 70

70 FÓKUS 25. október 2019
YFIRHEYRSLAN
Guðmundu
r Ingi
Þorvaldsso
n
Guðmundur Ingi Þorvaldsson er sjálfstætt starfandi lista-
maður og að eigin sögn í stöðugri leit að skemmtilegum áskorunum
úti um allan heim. Hann fer um þessar mundir á kostum verkinu
HÚH, Best í heimi sem sýnt er í Borgarleikhúsinu. Guðmundur Ingi er
í yfirheyrslu helgarinnar.
Hvar líður þér best?
Í skapandi vinnu með skemmtilegu fólki og svo bara í
afslöppun með fjölskyldunni úti í náttúrunni.
Hvað óttastu mest?
Voða fátt orðið í rauninni. Svo lengi sem fólkinu mínu
líður vel og er heilbrigt óttast ég ekkert. Ég hef trú á
mannkyninu og framtíðinni.
Hvert er þitt mesta afrek?
Að rækja grunnskyldur mínar af kostgæfni sem góður
eiginmaður og faðir og finna kærleikann í lífinu.
Furðulegasta starf sem þú hefur tekið
að þér?
Ég fór einu sinni í gangstéttasteypuvinnu. Þá þurfti ég
einu sinni að horfa á steypu þorna í átta tíma. Passa
að enginn myndi stíga í blauta steypu. Ég hélt að þetta
væri vinnustaðargrín allan tímann.
Hver væri titillinn á ævisögu þinni?
Leitin að tilgangi listarinnar.
Hvernig væri bjórinn Guðmundur Ingi?
Taðgaffall.
Besta ráð sem þú hefur fengið?
Skoskur læknir ráðlagði mér að kíkja á 12 spora fundi.
Það er sennilega það gáfulegasta sem ég hef gert í
seinni tíð.
Hvert er leiðinlegasta húsverkið?
Þrif á baðherbergi.
Besta bíómynd allra tíma?
Ekki séns að ég geti nefnt eina. Kvikmyndalistin
er stórkostlegt form sem býður upp á endalausa
möguleika. Ég verð mjög oft uppnuminn yfir góðum
myndum. Nú síðast yfir rússnesku myndinni Elephants
Can Play Football.

Hvaða hæfileika vildir þú búa yfir?
Ég myndi gjarnan þiggja meiri þolinmæði og jafnaðar­
geð. Af yfirnáttúrulegum myndi ég helst vilja getað
flogið.
Hver er mesta áhætta sem þú hefur
tekið?
Ég reyni að taka alltaf áhættu, með allt nema
fjölskyldulífið. Listamaður sem tekur ekki áhættu er
dauður.
Hvaða frasi eða orð fer mest í taugarn-
ar á þér?
Íslenskir frasar sem snúast um að spyrja um líðan fólks
án þess að spyrjandinn hafi nokkurn áhuga á að heyra
raunverulegt svar og spyrjandinn svarar jafnvel sjálfur.
Ertu ekki bara hress, ha? Jú jú. Sem og fyrirsagnir og frasar
sem miða að því að gera fólk óttaslegið og fullt vantrausts
í garð annars fólks. Svona týpísk nútíma pólitík sem snýst
um að búa til ringulreið og ótta. Frasar sem ala á fordóm­
um í garð þeirra sem minna mega sín í samfélaginu fara
líka í taugarnar á mér. Fólk með silfurskeiðar getur ekki
með nokkru móti sett sig í spor fólks sem alist hefur upp í
hvers kyns birtingarmyndum fátæktar og ofbeldis.
Hvað getur þú sjaldnast staðist eða ert
góður í að réttlæta að veita þér?
Kaffi, súkkulaði, góðar sósur, blóðugar steikur, skrítin
og ögrandi verkefni.
Hvað er á döfinni hjá þér?
Sýningar á HÚH! Best í heimi í Borgarleikhúsinu.
Útvarpsþættir um heimilsofbeldi fyrir Útvarpsleik­
húsið með RaTaTam. Sýningar á SUSS! verkinu okkar í
RaTaTam í nóvember í samstarfi við flestar stofnanir
og félagasamtök sem vinna í kringum þennan erfiða
málaflokk. Klára plötuna Miðaldra með Tveimur Dóna­
legum Haustum. Svo er ég í tveimur risaverkefnum
erlendis sem er stranglega bannað að tala um. Annars
bara að reyna að halda heimilislífinu eðlilegu.
Leitin að tilgangi
listarinnar
M
Y
N
D
: E
Y
Þ
Ó
R
Á
R
N
A
S
O
N

Íris Hauksdóttir
iris@dv.is