Fréttablaðið - 13.02.2016, Síða 90

Vinnuvélar geta verið til margra
hluta nytsamlegar. Tyrkneskur fót­
boltaþjálfari komst að því þegar
hann leigði sér körfubíl til að horfa á
leik hjá liði sínu eftir að honum hafði
verið bannaður aðgangur að vell­
inum.
Hamit Isik, þjálfari þriðjudeildar­
liðsins Corum Belediyespor, fékk níu
og hálfs mánaðar langt bann eftir að
hafa ráðist að dómara í leik liðsins
stuttu áður. Eftir leikinn brutust út
óeirðir hjá áhorfendum og var liðið
því í þokkabót dæmt til þess að leika
næstu leiki fyrir luktum dyrum.
Hamit fékk því ekki að stjórna liði
sínu í mikilvægum umspilsleik um
að komast upp um deild. Hann tók
því til sinna ráða og stóð í nokkurra
metra hæð í körfu og gat því séð yfir
veggi leikvangsins. Með þessu upp­
átæki hefur hann eflaust gert yfir­
völdum knattspyrnumála gramt í
geði sem voru ekki hin hressustu
fyrir þar sem áhangendur liðsins
söfnuðust saman fyrir utan leik­
vanginn til að horfa á leikinn á risa­
skjá.
Eftir alla þessa tilburði náði liðið
hins vegar bara markalausu jafntefli
við Darica Genclerbirligi. Þjálfarinn
tekur körfubílinn að öllum líkindum
á langtímaleigu.
Sá leikinn úr körfubíl
Á árunum 1974 til 1993 framleiddu
Volvo­verksmiðjurnar í Svíþjóð
2,8 milljónir af Volvo 240. Flest­
ir fóru þessir bílar til útlanda en
Svíar virtust sjálfir ekkert sérstak­
lega hrifnir af þessu módeli. Þess­
ir gömlu Volvo­bílar eru hins vegar
eftirsóttir í dag í heimalandinu,
enda þykja þeir sérlega sterkir og
endingargóðir. Nú þykja þeir vera
klassískir og margir sækjast eftir
þeim sem fornbílum.
Vélin í Volvo 240 þótti einstak­
lega vel heppnuð. Þá þykir bíllinn
lipur í akstri, jafnvel þótt oft hafi
áður fyrr verið talað um að hann
væri þungur og líktist helst dráttar­
vél. Hin seinni ár virðist ekkert
vandamál að fá varahluti í bílana.
Framboðið þykir óvenjugott miðað
við hvað bílarnir eru gamlir en inn­
réttingar og aukabúnaður kosta
mikið.
Bílarnir eru misdýrir eftir
ástandi. Turbo­bílarnir eru dýrast­
ir. Þá er árgerð 1980 mjög eftir­
sótt, enda var þá komið vökvastýri
í bílana og fleiri fylgihlutir en áður
þekktust.
Volvo er klassík
Byggingafyrirtækið Rider Levett
Bucknall gefur út RLB kranavísitöl­
una annað hvert ár en hún bygg­
ir á fjölda byggingakrana í stærstu
borgum Norður­Ameríku og gefur
góða mynd af stöðu byggingar­
iðnaðarins hverju sinni. Borgirnar
sem um ræðir eru Boston, Chicago,
Denver, Honolulu, Los Angeles,
New York, Phoenix, San Francisco
og Seattle.
Nýjasta vísitalan gefur til kynna
mikinn vöxt byggingariðnaðar­
ins sem á sinn þátt í viðreisn efna­
hagslífsins í Bandaríkjunum. Mest­
ur vöxtur er í byggingu blokka og
íbúðarhúsnæðis. Þá er mikil upp­
bygging í fjölmiðla­, heilbrigðis­ og
skólageiranum.
Ólikt hefðbundnum fjármálavísi­
tölum er efniviðurinn í kranavísi­
töluna mjög sýnilegur enda gnæfa
kranarnir yfir borg og bý. Vísitalan
byggir á talningu byggingarkrana í
hverri borg og er talið tvisvar á ári.
Vísitalan var fyrst birt árið 2012 og
nýtur vaxandi vinsælda.
Vísitala byggð á
fjölda krana
Hvaleyrarbraut 2
220 Hafnafjörður
Sími 511 4400
Körfulyftur með vinnusviði frá 1 – 100 m.
LIFETIME EXCELLENCE
P 220 B
MANY AREAS OF USE.
Palfinger hleðslukranar frá 0,9 – 200 tonn metrar.
Körfulyftur og
hleðslukranar
LIFETIME EXCELLENCE
P 220 B
MANY AREAS OF USE.
Vinnulyftur, kranar og pallar kynningarblað
13. febrúar 20164