Hugur og hönd - 01.06.2004, Blaðsíða 4

Þórir Laxdal Sigurðsson
24.07. 1927 - 18.09. 2003
Minning
Þórir Sigurðsson, fyrrverandi námsstjóri í mynd- og hand-
mennt, lést hinn 18. september síðastliðinn. Hann var les-
endum Hngar og handar að góðu kunnur, enda sat hann í rit-
nefnd tímaritsins frá árinu 1986 til ársins 2002. Okkur sem
áttum samleið og samstarf með Þóri í ritnefndinni er ljúft og
skylt að minnast hans.
Þórir, sem var teiknikennari að mennt, var vel heima í öllu
sem laut að myndlist og handverki. Hann var í forystusveit
kennara í þessum greinum um árabil og hlutverk hans sem
námsstjóra var að leiðbeina kennurum og hvetja til dáða í
starfi að málefnum tengdum mynd- og handlistum. Heim-
ilisiðnaðarfélagið naut starfskrafta hans og áhuga og víst er að
fáir hafa verið jafn óþreytandi og Þórir að benda á gildi þess
fyrir einstaklinginn að hlú vel að kennslu og ræktun hæfileika
á sviði handverks.
Þórir var félagslyndur og vinnusamur og eftir að starfsferli
hans lauk stundaði hann félagsstörf af kappi. Hann vann að
málefnum kennara á eftirlaunum og ferðaðist talsvert, bæði á
eigin vegum og sem fulltrúi opinberra aðila og félaga sem
hann var í forsvari fyrir. Það gat því stundum verið betra að
ákveða fundartíma ritnefndar með góðum fyrirvara, því að
Þórir var ekki alltaf til taks, þótt hann væri ekki í föstu starfi.
Eins var líka nauðsynlegt að ætla góðan tíma til fundahalda,
því Þórir kom venjulega uppfullur af fróðleik og nýjungum
úr ferðum sínum, og var óspar á að deila vitneskju sinni með
okkur nefndarsystkinum sínum. Hann var margfróður og
kunni lagið á að miðla af reynslu sinni og þekkingu á þann
hátt að það var eins og að hlusta á ævinfyri.
I skrifum Þóris í Hug og hönd í áranna rás má greina
manninn á stílnum. Umfjöllun hans var jákvæð og uppbyggi-
leg og aldrei lagði hann styggðaryrði til nokkurs manns,
hvorki í ræðu né riti. Hann gat komið skoðunum sínum og
leiðbeiningum til annarra á framfæri án þess að ergja eða
valda sárindum. Þannig var allt samstarf við hann, gagnlegt
°g uppbyggilegt. Hann aðstoðaði við fjölmarga þætti í
vinnslu blaðsins og fylgdi því eftir frá upphafi til enda þegar
á þurfti að halda.
Fyrir hönd Heimilisiðnaðarfélags Islands þökkum við
samstarf og samfylgd við Þóri Laxdal Sigurðsson og allan
hans hlýhug í garð félagsins.
Gréta E. Pálsdóttir
Kristín Schmidhauser Jónsdóttir
4 HUGUR OG HÖND 2004