Fréttablaðið - 21.03.2020, Blaðsíða 22

Brag i Valdimar Skúlason, Baggalútur og bjartsýnismað-ur, segist litlu þurfa að breyta
í sínum plönum næstu daga en
hvetur fólk til að streyma íslenskri
tónlist og standa saman.
Hvað á að gera um helgina?
„Um helgina verð ég auðvitað bara
í neðanjarðarbyrginu mínu að
stærða raða niðursuðuvörum og
sótthreinsa klósettpappír. Eða svo-
leiðis. Maður heldur sig auðvitað
að mestu heima, reynir að forðast
helstu útihátíðir, barnaafmæli og
baðsvæði. Ætli maður dragi svo
ekki bara fram Útvegsspilið, hám-
horfi á gamlar veðurfréttir og kenni
sjálfum sér síðan eitthvert gott
tungumál.“
Þurftirðu að breyta
einhverjum plönum?
„Ég þarf litlu að breyta af mínum
plönum, öðru en því að auðvitað
fara í tilhæfulausan sleik við ókunn-
uga, en draumaferðin til Havaí um
páskana þarf að bíða betri áratugar.“
Hvernig leggst
samkomubannið í þig?
„Samkomubannið passar auð-
vitað ágætlega við mína innbyggðu
félagsforðun, en áhrifin eru vissu-
lega svakaleg. Það er nærtækt fyrir
mig að nefna tónlistarfólk, sem
sér fram á algert tekjutap næstu
mánuði. Það er búið að aflýsa öllu.
Hvort sem það eru stórtónleikar eða
kristilegt brauðtertuát. Ég hvet því
sem flesta til að streyma íslenskri
tónlist og styðja eftir föngum við
íslenska menningu og listafólk, sem
stöðugt hefur gefið okkur af sér – en
situr nú bara heima og gefur upp
vonina. Sjálfur er ég búinn að raða
upp öllum mínum ljúfustu lögum
á spilunarlista á öllum tiltækum
snjalltækjum heimilisins og læt þau
rúlla daglangt – og vonast þannig til
að eiga mögulega fyrir næsta raf-
magnsreikningi.“
Hvað gerirðu til að halda
andanum uppi þessa dagana?
„Að því sögðu er mikill samhugur
í fólki. Allir vilja gera sitt besta og
komast í gegnum þetta. Nú streymir
til dæmis list frá öllum heimilum,
tónleikastöðum og samkomu-
húsum, því auðvitað er ekkert
hægt að slökkva á sköpunarkraft-
inum eða setja loftferðabann á
hugarf lugið. Það er auðvitað viss
fegurð í því hvernig sundrungin
sameinar okkur og leiðir hugann á
óvænta staði. Það er alltaf hollt að
hugsa hlutina aðeins upp á nýtt,
finna nýjar leiðir og lausnir. Von-
andi tekur þetta samt f ljótt af svo
við þurfum ekki að of hugsa hlut-
ina og fara að éta helvítis klósett-
pappírinn.“
Ekki ferðabann
á hugarflugið
Bragi Valdimar býst við því að eyða
helginni í neðanjarðarbyrginu sínu.
FRÉTTABLAÐIÐ/ANTON BRINK
Steinunn Gestsdóttir aðstoðar-rektor kennslumála- og þróun-ar við Háskóla Íslands, ætlar að
nota helgina til að ná áttum eftir
annasamar vikur.
Hvað á að gera um helgina?
„Ná áttum! Það hefur mikið gengið
á í vinnunni síðustu tvær vikur, þar
sem Háskóli Íslands hefur umbylt
starfsemi sinni.
Nú er búið að loka skólum hjá
börnunum svo við foreldrarnir
þurfum að setjast yfir hvernig við
getum betur stutt við námið hjá
þeim og komið smá rútínu á lífið.“
Hvernig leggst
samkomubannið í þig?
„Það leggst ekki illa í mig. Við fjöl-
skyldan erum búin að koma okkur
í ýmiss konar verkefni saman – sam-
eiginlegt skyldu-Netflix áhorf og ég
ætla í þrek með miðdótturinni. Og
það eina sem ég hef hamstrað eru
púsluspil. En auðvitað hefur maður
áhyggjur líka. Af fólki sem missir
tekjur, foreldrum fatlaðra barna
sem fá ekki þjónustu og gamla fólk-
inu sem fær ekki heimsóknir.“
Hvað gerirðu til að halda
andanum uppi þessa dagana?
„Það er upplífgandi að sjá Íslendinga
sýna sínar bestu hliðar í þessari
krísu, eins og að syngja fyrir gamla
fólkið og taka þátt í sjálf boðaliða-
starfi. Maður kemst langt á því! Svo
eru Alma, Víðir og Þórólfur náttúru-
lega ein síns liðs að halda þjóðinni
réttu megin við línuna varðandi
geðheilsu. Stjórnvöld fá verðskuld-
aðar þakkir fyrir trausta innviði og
að hafa þetta fagfólk við stjórnvöl-
inn. Svo finnst mér samvera, hreyf-
ing og útivera vera augljós bjargráð.“
Hamstraði bara púsluspil
Steinunn er þakklát stjörnvöldum.
FRÉTTABLAÐIÐ/SIGTRYGGUR ARI
Útboð á byggingu sex orlofshúsa BHM í Brekkuskógi

Orlofssjóður BHM óskar eftir tilboðum í verkið:
Orlofshús BHM í Brekkuskógi 2020-2022

Verklok eru 30. júní 2022.
Verkið felst í smíði, uppsetningu og hluta hönnunar á sex fullbúnum orlofshúsum,
með verönd og heitum potti, á orlofshúsasvæði BHM í Brekkuskógi.
Útboðsgögn verða afhent á rafrænu formi frá og með mánudeginum 23. mars 2020.
Senda skal beiðni um útboðsgögn á netfangið gudmundur.hjaltason@efla.is og gefa upp nafn
bjóðanda, kennitölu, heimilisfang, síma og netfang.
Tilboðum skal skila til skrifstofu BHM að Borgartúni 6, Reykjavík, fyrir kl. 14:00, miðvikudaginn 22. apríl
2020. Þá verða þau tilboð sem borist hafa opnuð. Bjóðendum býðst að fylgjast með opnun þeirra í beinu
streymi á netinu en eru vinsamlega beðnir um að mæta ekki á staðinn í ljósi aðstæðna í samfélaginu.
Ert þú byggingaverktaki? C
M
Y
CM
MY
CY
CMY
K
OBHM_a4.pdf 3 16/03/2020 11:18
H E L G I N ∙ F R É T T A B L A Ð I Ð 21L A U G A R D A G U R 2 1 . M A R S 2 0 2 0