Gríma - 15.03.1931, Side 10

8
ÞÁTTUR AP ÁRNA JÓNSSYNI
6- Ófreskistáfa Arna-
Það var einhverntíma skömmu eftir fráfærur, að
vantaði margar kvíær á Æsustöðum; leitaði smala-
maður þeirra lengi og vandlega, en fann ekki. Einn
mcrgun kallar Árni á hann og segir honum, að nú
skuli hann í dag leita vestur á Strjúgsárdal á þeim
stað, er Sigríðarhjalli heitir; muni ærnar líklega
vera þar. Tekur smalamaður þessum tilmælum dauf-
lega og telur lítil líkindi til að ærnar hafi farið að
rása yfir Eyjafjarðará og fjallið þar á móti. Árni
segir, að hann skuli nú samt reyna þetta, áður en
hann fari annað. Verður það úr að smalamaður fer,
svo sem fyrir hann var lagt, og finnur hann ærnar,
þar sem Árni hafði sagt til þeirra.
Eitt vor var bjargarskortur almennur vegna sigl-
ingaleysis; var þröngt í búi hjá Árna, sem öðrum.
Einn morgun reis hann snemma úr rekkju og skip-
aði að leggja reiðing á marga hesta. Reið hann síðan
af stað áleiðis til Akureyrar og einn vinnumanna
hans með honum. Undruðust þetta allir, því að enga
matvöru var að fá í kaupstaðnum. Árni hélt leiðar
sinnar til Akureyrar, og stóð þá svo á, að þar hafði
aflazt töluvert af síld; tók hann klyfjar á alla hesta
sína og sneri við heimleiðis. Fréttist þetta víða,
brugðu margir skjótt við og riðu til Akureyrar;
hugðu þeir gott til síldarkaupa, en þegar þangað
kom, var öll síld uppseld, svo að þeir urðu að fara
heim aftur svo búnir.
Til eru ýmsar fleiri sögur af Árna þessum líkar,
og sýna þær að hann vissi ýmislegt, sem öðrum var
hulið.
Ámi lézt á Æsustöðum 28. dag júlímánaðar 1843
og var hann þá fjörgamall orðinn.