Bændablaðið - 21.07.2016, Page 19

19Bændablaðið | Fimmtudagur 21. júlí 2016
Á sumrin taka skilningarvitin við sér. Fuglasöngur ómar, gras grænkar og ljúfur
sumarilmur boðar komu þessarar notalegu árstíðar. Samspil landbúnaðar og
ferðaþjónustu skapar verðmæti sem aldrei fyrr og hafa þessar atvinnugreinar
mjög jákvæð áhrif hvor á aðra.
Í tilefni þess hafa ferðaþjónustan og landbúnaðurinn tekið höndum saman og sett
af stað leik sem fagnar sumarilminum í sínum ólíku myndum. Festu þína
sumarstemmningu á mynd sem sýnir samspil landbúnaðar og ferðamennsku og
merktu hana með #sumarilmur á Instagram. Myndirnar birtast á sumarilmur.is
og í hverri viku verður sú mynd valin sem best þykir sýna anda sumarsins, íslensku
sveitirnar og ferðalög innanlands.
Sá sem á mynd vikunnar fær glæsileg verðlaun en á meðal vinninga eru gisting og
afþreying innanlands og alls kyns upplifun tengd mat og öðru sumarlegu.
Heildarandvirði verðlaunanna er hátt í 3 milljónir svo það er til mikils að vinna.
Vinningshafar verða kynntir á Rás 2 og þeir fengnir til að segja frá sögunni á
bakvið myndina.
#sumarilmursumarilmur.is
Fangaðu sumarilminn