Bændablaðið - 21.07.2016, Page 27

27Bændablaðið | Fimmtudagur 21. júlí 2016
Sigursteinn Sveinbjörnsson, fjár- og rekabóndi í Litlu Ávík:
Viðarvinnslan úr rekavið
góð aukabúgrein
Sigursteinn Sveinbjörnsson bóndi
hefur búið í Litlu-Ávík alla sína
ævi og er með um 220 kindur. Auk
þess að vera með fjárbú sagar
Sigursteinn við sem rekur á land
við Litlu-Ávík. Þrátt fyrir að vera
78 ára gamall er Sigursteinn að gera
upp fjárhúsin og segist ekki vera
hættur búskap þrátt fyrir að hann
hafi fækkað fénu.
„Rekinn hefur minnkað talsvert
síðasta áratuginn og ég saga líka
minna en ég gerði áður vegna aldurs,“
segir Sigursteinn. „Áður fyrr sagaði
ég mest girðingastaura en eftir að ég
keypti bandsög í samstarfi við Úlfar
Eyjólfsson, bónda í Krossnesi, 1994
saga ég mest borð og plankavið.
Eftirspurn eftir girðingarstaurum
hefur dregist saman og innflutning-
ur á þeim aukist. Aftur á móti hefur
eftirspurn eftir borðum og plankavið
aukist talsvert á sama tíma og dregið
hefur úr reka. Borðin eru vinsæl sem
klæðningar í sumarhús og plankarnir
sem sperrur og bitar.
Það hafa alltaf verið áraskipti á reka
og svo skilst mér að menn tapi minna
af rekanum við fleytingar norður í
Síberíu og áður fyrr. Reki í dag er því
ekkert á við það sem hann var á árum
áður og ég á lítið af timbri í dag og
stundum kaupi ég því boli af nágrönn-
um mínum ef mikið liggur við.“
Sigursteinn segir að mikið hafi
rekið af við árið 1966 og mest af
honum hafi farið í girðingarstaura
sem voru seldir, notaðir heima fyrir
eða til húsbygginga. Minni spýtur voru
notaðar til að kynda hús og Sigursteinn
kyndir enn íbúðarhúsið í Litlu-Ávik að
mestu með rekavið. „Viðarvinnslan
hefur því verið ágæt aukabúgrein í
gegnum árin.“
Fækkar fénu og gerir upp útihúsin
Sigursteinn var með 220 kindur á
fóðrum síðastliðinn vetur. Hann seg-
ist smám saman vera að fækka fénu
en á sama tíma hefur hann verið að
gera upp útihúsin og meðal annars að
koma upp sjálfvirkum brynningar-
búnað fyrir féð. Hann segir ótrúlegan
mun að þurfa ekki að bera allt vatn í
skepnurnar lengur og kindurnar fljótar
að læra að drekka af stút.
Sigursteinn sér um allar rúningar
sjálfur en viðurkennir að þær séu
erfiðari í dag en fyrir tíu árum en á
sama tíma segir hann að þær haldi sér
í þjálfun.
„Ég byrjaði að gera útihúsin upp
2009 og er að mestu búinn með þau
að utan og er nú byrjaður að gera þau
upp að innan og að endurnýja slár,
jötur og milligrindur. Ég gerði upp
einn þriðja af húsinu í fyrra og ætla
að gera upp einn þriðja af því á þessu
ári og vonandi klára ég það á því
næsta ef ég endist,“ segir Sigursteinn
Sveinbjörnsson bóndi að lokum. /VH
Þrátt fyrir að vera að nálgast áttrætt er Sigursteinn að gera upp fjárhúsin í
Litlu-Ávík. Megnið af timbrinu er úr rekavið sem hann sagar sjálfur.
Sigursteinn Sveinbjörnsson, bóndi í Litlu-Ávík, við gömlu hjólsögina.
MYNDIR / VH
Talsvert er af góðum girðingarstaurum á hlaðinu í Litlu-Ávík.
Sigursteinn kyndir íbúðarhúsið í Litlu-Ávík með rekavið.
Skútuvogi 11 www.neyd.is s: 510 8888
Opið alla virka daga 8-18 laugardaga 10-14
Vantar
Hurðapumpur
K Ä R C H E R S Ö L U M E N N
V E R T U Á Ö R U G G U M S T A Ð
Tilvalin fyrir þrif á
speglum og gleri
WV 5 Plus
Sogskafan
ásamt þurrkklút
og þvottaefni
COOL - LITE
SÓLVARNARGLER
ispan@ispan.is • ispan.is
M
ynd: Josefine Unterhauser