Bændablaðið - 21.07.2016, Blaðsíða 50
50 Bændablaðið | Fimmtudagur 21. júlí 2016
Líf og starf
Tónleikar á 7 stöðum á 7 dögum
Tónlistarmaðurinn Jónas
Sigurðsson og hljómsveitin hans,
Ritvélar framtíðarinnar, ætla
að leggjast í útlegð þegar þau
keyra hringinn í kringum landið
og halda tónleika á 7 stöðum á
7 dögum dagana 22.–28. júlí.
Flestir tónleikarnir verða í göml-
um og góðum félagsheimilum en
einnig verða haldnir tónleikar í
fallegu skógarrjóðri í Mosskógi í
Mosfellsdal.
„Við erum að fara þessa tónleika-
röð núna helst til að fagna sumrinu.
Ég hef verið erlendis og það er gott
að koma aftur. Ritvélarnar fara reglu-
lega á kreik og það er gaman að taka
stutta túra sem þessa. Persónulega
langaði mig til að prófa að túra um
landið að sumri og í stað þess að spila
á hefðbundnum tónleikastöðum að
vera frekar í félagsheimilum, nálægt
tjaldstæðum og sumardvalarsvæðum.
Ná svona algjörri sumarbombu. Við
erum líka með safnplötu í höndun-
um sem inniheldur helstu lög sem
hafa farið í spilun. Einnig efni sem
hefur farið í spilun en ekki komið
út á plötu. Við ætlum að selja þessa
plötu á tónleikunum,“ útskýrir Jónas
og aðspurður um þema ferðarinnar 7
sinnum 7 svarar hann:
„7x7 er alltaf undirliggjandi stef
í öllu hjá mér. Í einu laginu mínu,
„Þessi endalausi vegur endar vel“,
er einmitt fjallað um eilífðina. Við
mennirnir erum alltaf að reyna að
staðsetja okkur í tíma. Við eigum
mjög erfitt með eilífðina og flestir
forðast að hugsa um hana í heild
sinni enda eilífðin líklega ansi lang-
ur tími. Sjö er hinsvegar tala Guðs í
mörgum mismunandi trúarbrögðum
og er gegnumgangandi í Biblíunni.
Guð skapaði heiminn á 6 dögum og
hvíldi á þeim sjöunda. Grunntónar
12 tóna kerfisins í tónfræði sem vest-
ræn tónlist byggir á eru 7. Talan sjö
er gjarnan kennd við Krist og orku
Krists og svona mætti lengi telja. Þar
af leiðandi hlýtur 7x7 að vera ein-
hvers konar táknmynd eilífðarinnar.
Guðdómlegrar eilífðar.
Sem við viljum minna fólk á og
fagna um leið að við erum heppin að
fá að upplifa það að vera á þessari
vegferð. Á þessum endalausa vegi.
Sem endar vel.“
Hægt er að nálgast miða á tón-
leikana á midi.is en tónleikastaðirnir
eru þessir:
Félagsheimilið Fjarðarborg
á Borgarfirði eystri 22. júlí -
Félagsheimilið Hvammstanga 23.
júlí - Menningarhúsið Berg á Dalvík
24. júlí - Félagsheimilið Brúarás í
Borgarfirði 25. júlí - Mosskógur í
Mosfellsdal 26. júlí - Félagsheimilið
Gunnarshólmi í Landeyjum 27. júlí -
Félagsheimilið Flúðum 28. júlí.
Mynd / Daníel Starrason
Málmsteypunámskeið á Seyðisfirði
Í Tækniminjasafninu á Seyðisfirði
verður boðið upp á grunnnámskeið
í málmsteypu og gerð steypumóta
um næstu helgi. Nemendur bræða
málma og steypa hluti úr tini og
bronsi.
Guðmundur Sigurðsson leið-
beinir áhugasömum og gefur þeim
kost á að steypa smáhluti eftir fyr-
irmyndum sem þeir koma með.
Guðmundur er reyndur leiðbeinandi
og umsjónarmaður smiðju sem rekin
er á Akranesi af Félagi íslenskra
eldsmiða og Byggðasafninu í
Görðum.
Námskeiðið, sem er alls 10
klukkustundir, hefst föstudaginn
22. júlí kl. 13 í Tækniminjasafninu á
Seyðisfirði og lýkur á sunnudaginn.
Verð kr. 20.000. Allt efni er inni-
falið. 25% afsláttur er fyrir yngri en
átján ára í fylgd fullorðinna.
Málverkasýning í Ólafsdal við Gilsfjörð:
Dalablóð
Á sýningunni „Dalablóð“
fjallar Guðrún Tryggvadóttir
um formæður sínar í beinan
kvenlegg, þær sem fæddust og
bjuggu í Dalasýslu og hinar sem
fluttust suður. Samtals ellefu
kynslóðir.
Markmið Guðrúnar er að
tengjast formæðrum sínum, skapa
þær með því að mála þær og gefa
þeim þannig möguleika á að hitt-
ast án þess að tíminn geti skilið
þær að. Leyfa þeim að horfast
í augu og skoða hvað þær eiga
sameiginlegt og hvað jarðneskt
líf snýst raunverulega um.
Afrakstur þessa tímaflakks
verður að sjá í sex herbergjum á
2. hæð skólahússins í Ólafsdal nú
í sumar. Sýningin verður opnuð
þann 23. júlí kl. 14.00 og lýkur
14. ágúst.
Guðrún segir um sýninguna
að hún fjalli um formæður sínar
í beinan kvenlegg, þær sem fædd-
ust og bjuggu í Dalasýslu og hinar
sem fluttust suður. „Þar sem ég
hef enga persónulega minningu
sem tengist Dalasýslu beint
hefur það verið ævintýri að fara
á heimaslóðir formæðra minna
og setja mig í þeirra spor, vinna
úr reynslunni og mála þær síðan
á staðnum, í Dölunum.
Markmiðið var að tengjast for-
mæðrum mínum í anda og efni og
reyna að bera okkur saman eða
sameina okkur. Finna einhvern
þráð sem mig vantar og mér finnst
áhugaverður í leit minni að sjálfri
mér og eðli mannlegs lífs.
Afrakstur þessa ferðalags um
tímann má sjá í sex herbergjum
á 2. hæð skólahússins í Ólafsdal
þar sem ég stilli upp formæðrum
mínum og mér og dóttur minni,
hverri á móti annarri og skapa
okkur þannig aðstæður fyrir fjöl-
skyldufund, hljóðlátt samtal um
lífið sjálft, tilgang þess, andann
og efnisheiminn og gleðina yfir
því að fá að vera þátttakendur
í því að halda lífinu áfram með
sífelldri endurnýjun.“
Nýr Náttúrufræðingur
Nýtt hefti af Náttúrufræðingnum
er komið út. Forsíðugreinin er
að þessu sinni um rannsókn sem
gerð var í Stykkishólmi á ólíkum
aðferðum til að hefta útbreiðslu
lúpínu. Greinin nefnist „Áhrif
sláttar og eitrunar á lúpínubreiður
og gróðurfar“.
Lúpína var fyrst nýtt hér á landi til
landgræðslu 1945 en vegna hraðfara
útbreiðslu, drjúgs fræforða sem lifir
árum saman í jarðvegi og mikilla
áhrifa á náttúrulegan gróður er hún
nú skilgreind sem ágeng tegund og
mörg sveitarfélög reyna að hefta
útbreiðslu hennar. Þetta er fyrsta
rannsókn sinnar tegundar hér á landi
og sýna niðurstöðurnar að það er
langtímaverkefni að útrýma lúpínu
og að bæði ítrekaður sláttur og eitrun
duga. Gróðurþekja reyndist þó meiri
og plöntutegundir fleiri eftir fimm ár í
slegnum reitum en eitruðum og skilar
slátturinn því betri árangri. Höfundar
eru Kristín Svavarsdóttir, Menja von
Schmalensee, Ása L. Aradóttir, Anne
Bau og Róbert A. Stefánsson.
Friðun viðkvæmustu vistkerfa
landsins fyrir beit er viðfangsefni
Ólafs Arnalds í leiðara sem hann
nefnir: Sauðfjárbeit og íslensk
vistkerfi: Afneitun vanda. Af öðru
efni má nefna grein um rannsókn á
Kynblöndun ilmbjarkar og fjalldrapa
á nútíma eftir Lilju Karlsdóttur,
Margréti Halldóttur, Ægi Þór
Þórsson og Kesera Anamthawat-
Jónsson; yfirlit Ævars Petersens
o.fl. um Vatnamýs á Íslandi, en
vatnamýs myndast þegar mosi
veltist í vatni vegna öldugangs
eða straumkasts og verður oftast
kúlulaga að lokum. Haraldur R.
Ingvason, Finnur Ingimarsson
og Stefán Már Stefánsson skrifa
greinina Fjöldi og dreifing fugla
í Fossvogi, Haraldur Ólafsson
skrifar um Vindáttarbreytingar,
Rannsóknastöðin Rif á Raufarhöfn er
kynnt til sögunnar og birt árs skýrsla
Hins íslenska náttúrufræðifélags
fyrir árið 2015 sem og reikningar
félagsins.
Ráðgjafarmiðstöð landbúnaðarins auglýsir eftir starfsmanni í alhliða ráðgjöf til bænda.
Starfs- og ábyrgðarsvið
• Starf í ráðgjafateymi RML.
• Fjölbreytt ráðgjöf til kúabænda s.s. fóðuráætlanir, kynbótaáætlanir, jarðræktarráðgjöf og ýmis verkefni
tengd sauðfjárrækt og hrossarækt
• Þróun og sala á ráðgjöf á landsvísu í samstarfi við aðra starfsmenn RML.
• Önnur verkefni s.s. ráðgjöf til nautakjötsframleiðenda, leiðbeiningar við skýrsluhald og nýsköpunarver-
kefni
Menntunar og hæfniskröfur
• Háskólapróf sem nýtist í starfi.
• Þekking á sviði landbúnaðar og þá sérstaklega mjólkur- og nautakjötsframleiðslu
• Sjálfstæð og skipulögð vinnubrögð skilyrði.
• Reynsla af verkefnastjórnun er kostur
• Geta til að vinna undir álagi.
• Góðir samskiptahæfileikar.
Ráðgjafarmiðstöð landbúnaðarins er ráðgjafarfyrirtæki í eigu bænda sem sinnir landbúnaðarráðgjöf um
allt land. Starfsemin er dreifð um landið á 13 starfsstöðvum. Við bendum áhugasömum á heimasíðu fyrir-
tækisins www.rml.is þar sem sótt er um starfið, en þar er einnig hægt að kynna sér starfsemina enn frekar.
Æskileg staðsetning viðkomandi er í Húnavatnssýslum eða Skagafirði.
Umsóknarfrestur er til og með 18. ágúst. Nánari upplýsingar veita Karvel L. Karvelsson framkvæmdastjóri
klk@rml.is og Berglind Ósk Óðinsdóttir boo@rml.is starfsmannastjóri.
Sími: 517-8240 - Súðarvogur 20 - www.eyjalind.is
Vertu vinur okkar á Facebook
Sæti og varahlutir í
- Lyftara
- Vinnuvélar
- Vörubíla
- Báta
Mynd / TB