Bændablaðið - 24.05.2017, Síða 7

7Bændablaðið | Miðvikudagur 24. maí 2017
Græðum Ísland er yfirskrift á nýju
sjálfboðaliðaverkefni í landgræðslu
sem ýtt var úr vör við Þjófafoss í Þjórsá
laugardaginn 13. maí sl. Verkefnið felst í
því að bjóða ferðamönnum, nemendahópum
og fyrirtækjum, erlendum og íslenskum, að
taka þátt í endurheimt örfoka lands.
Umhverfisverndarsamtökin Landvernd
standa fyrir verkefninu en það er unnið í sam-
starfi við Hekluskóga, Landgræðslu ríkisins og
Skógræktarinnar. Þá nýtur verkefnið framlög úr
söfnun WOW air meðal farþega fyrirtækisins,
ásamt styrkjum frá umhverfis- og auðlinda-
ráðuneytinu og Ferðafélagi Íslands.
Í sumar mun verkefnið fara fram á
Hekluskógasvæðinu á Suðurlandi en jafn-
framt er leitað að fleiri hentugum svæðum
víðs vegar um land. Sendiráð Bandaríkjanna
á Íslandi styrkir verkefnið nú á fyrsta ári og
því er sérstök áhersla lögð á að fá sjálfboða-
liða frá Bandaríkjunum í ár. Það voru einmitt
sjálfboðaliðar frá ríkisháskólanum í Michigan
í Bandaríkjunum sem, ásamt félagsmönnum
Landverndar, gróðursettu birkiplöntur við land
Þjófafoss við setningarathöfn verkefnisins.
Sveinn Runólfsson, fyrrverandi landgræðslu-
stjóri, er verndari verkefnisins.
„Ég fagna mjög þessu átaki og tel að það
veki með verðugum hætti athygli á þessu brýna
verkefni okkar þjóðarinnar, að endurheimta
landkosti. Það er í anda landgræðslustarfsins að
það komi sem allra flestir, innlendir og erlendir
gestir, að þessu þýðingarmikla verkefni því
að við Íslendingar erum svo óendanlega rík
af illa förnu landi að verkefnin eru nánast
óþrjótandi,“ segir Sveinn Runólfsson,
fyrrverandi landgræðslustjóri, sem er verndari
verkefnisins. /ghp
MÆLT AF
MUNNI FRAM
Þegar ritgleði þáttagerðarmanns-ins ber hann af leið sannleikans, þá er skilyrði að skrifa leiðréttar
skýringar og forða frekara tjóni og æru-
missi. Til allrar blessunar hafa lesendur
stundum samband og leiða sannleikann
í ljós. Þannig fór einmitt í síðasta þætti,
að ég „skáldaði“ skýringar við tvær ger-
semisvísur Guðmundar Sigurðssonar,
útvarpsmanns frá Borgarnesi. Vísurnar,
sem til allrar lukku voru rétt skráðar, orti
Guðmundur á sjúkrahúsi á árinu 1960,
og ekki sérstaklega ortar til stofufélaga
Guðmundar líkt og mér fórust orð, held-
ur var stofufélagi Guðmundar, Grímur
Jónsson, héraðslæknir í Hafnarfirði,
sá er fyrst fékk að heyra þær frá munni
Guðmundar.
En axarsköft leiða stundum til
ánægjulegra eftirmála, og var svo þetta
sinnið, er sonur Guðmundar, Guðmundur
B. Guðmundsson læknir, lifandi í hárri
elli, sendi þættinum hin réttu tildrög að
vísunum.
Eina andvökunótt Guðmundar á sjúkra-
húsinu orti hann semsé þessar vísur og lét
Grím heyra fyrstan. En í bréfaskriftum
okkar Guðmundar B. Guðmundssonar
bar margt fróðlegt á góma, og fleiri vísur
fylgdu eftir ættmenni hans. Steinbjörn
Jónsson frá Háafelli í Hvítársíðu, síðar
kenndur við Syðri-Velli V.-Hún., var
ömmubróðir Guðmundar og fljúgandi hag-
yrðingur. Þessa vísu orti hann í minningu
dapra uppvaxtardaga þar í sveit:
Þekki ég myrkur, hret og hjarn
en hvorki ást né blíðu,
þegar ég var bitabarn
bænda í Hvítársíðu.
Sem betur fer lifir margt af vísum
Steinbjarnar. Þessa vísu orti hann einhverju
sinni til varnar Skúla Guðmundssyni
alþm.:
Verkamestur hefur hann
hlotið verstu skeyti.
Þann ég bestan þekkti mann
þó að flestu leyti.
Og til fjöllynds pilts, sem makaðist víða,
orti Steinbjörn:
Lífið tók og lífið gaf,
líst mér snotur sýnum
þessi nýja árgerð af
unnustunum þínum.
Í verðmætum bréfaskrifum Guðmundar
B. Guðmundssonar til þáttarins fylgdu
fleiri vísur eftir föður hans, Guðmund
Sigurðsson, útvarpsmanns frá Borgarnesi:
Orðsins gandur ekki snar
er að vanda staður.
Heilagur andi aldrei var
okkar bandamaður.
Þessa afmælisvísu orti Guðmundur til
vinar:
Þótt lífið bætti tug og tug
við tímann sem það gaf okkur,
hefjum glös og hugarflug,
á himnum rennur af okkur.
En víkjum ögn til atburða síðustu daga.
Nýlega barst þættinum einn af efnisríkum
póstum Davíðs Hjálmars Haraldssonar
á Akureyri. Hugur Davíðs starfar mjög
í hendingum, og eru ófá hugverk hans
ort við lestur dagblaða ellegar við
sjónvarpsgláp.
Í vikunni fylgdist Davíð með
útsendingu frá fundi stjórnskipunar- og
eftirlitsnefndar Alþingis. Það væri lítið
gert úr lesendum vísnaþáttarins ef með
þessari kostulegu limru hans þyrfti frekari
skýringar. Myndmálið er einstakt og efni
limrunnar augljóst hverjum þeim sem gripi
hefur einhvern tíma alið:
Úr sveitinni kom hann sem kálfur
en kunnur varð síðar um álfur.
Með bísperrtan halann
af heyinu stal‘ann
en helminginn át bara sjálfur.
178
Umsjón:
Árni Geirhjörtur Jónsson
kotabyggð1@gmail.com
Sjálfboðaliðar frá ríkisháskólanum í Michigan og félagsmenn Landverndar ýttu verkefninu Græðum Ísland úr vör með gróðursetningu birkitrjáa
við Hekluskóga. Myndir / Áskell Þórisson
LÍF&STARF
Sjálfboðaliðaverkefninu Græðum Ísland hleypt af stokkunum:
Brýnt að endurheimta landkosti