Bændablaðið - 24.05.2017, Síða 18

18 Bændablaðið | Miðvikudagur 24. maí 2017
Framkvæmdir við nýja kynbótabraut í Borgarnesi hafnar:
Búast við 2.500 manns
á Fjórðungsmót
HROSS&HESTAMENNSKA
Feigðarför Fákasels:
Ingólfshvoll auglýstur til sölu
Hestabúgarðurinn Ingólfshvoll
í Ölfusi er auglýstur til sölu hjá
fasteignasölunni Miklaborg. Um
er að ræða um 50 ha jörð og sam-
tals um 3.900 m² af fasteignum,
þar af rúmlega 2000 m² reiðhöll
sem rúmar 750 manns í sæti.
Ingólfshvoll fékk veglega
upplyftingu fyrir þremur árum í
aðdraganda opnunar hestagarðsins
Fákasels. Þar var boðið upp á hesta-
sýningar og hestatengda afþreyingu
en einnig var þar veitingastaður og
verslun. Í byrjun þessa árs var hins
vegar ljóst að rekstur fyrirtækisins
stóð alls ekki undir sér og garðinum
var því lokað í febrúar.
Fjárfestasjóðurinn Landsbréf
Icelandic Tourism Fund I slhf. (ITF
1) á um 90% í Fákaseli en sjóðurinn
sérhæfir sig í fjárfestingum á
afþreyingartengdri ferðaþjónustu.
Sjóðurinn er í eigu Icelandair
Group, Landsbankans og sjö
lífeyrissjóða.
Samkvæmt fasteignaauglýs-
ingu Miklaborgar er fasteignamat
eignarinnar tæpar 92 milljónir
króna en brunabótamat um 336
milljónir. Óskað er eftir tilboðum
í búgarðinn. /ghp
Einu sinni á ári bera áhugamenn
um gæðinga saman bækur sínar
á stórmóti. Eins og kunnugt er
fara Landsmót hestamanna fram
annað hvert ár. En þar á milli
fá landshelmingar að njóta sín.
Í ár er komið að Vesturlandi
og Norðurlandi. Fjórðungsmót
Vesturlands verður haldið í
Borgarnesi dagana 28. júní til 2.
júlí nk.
Þetta mun vera í fyrsta skipti
sem mótið er haldið þar í bæ
en svæði hestamannafélagsins
Skugga er undir það búið að standa
undir slíku stórmóti að sögn Inga
Tryggvasonar, formanns fram-
kvæmdanefndar Fjórðungsmótsins.
„Keppnissvæðið er almennt gott og
hesthúsin og reiðhöll öll í næsta
nágrenni. Aðstaðan er því til fyrir-
myndar, ekki síst fyrir keppendur.
Hér hafa verið haldin vel heppnuð
stórmót á undanförnum árum, nú
síðast Íslandsmót yngri flokka árið
2016.“
Stærsta framkvæmd svæðisins
er þó uppbygging kynbótabrautar.
„Endurvekja á brautina sem var í
notkun fyrir um 20 árum og þótti
ein sú besta á landinu á sínum
tíma,“ segir Ingi. Framkvæmdir
við brautina eru nú þegar hafnar og
stefnt er á að vígja hana á kynbóta-
sýningu þann 6. júní næstkomandi.
Fleiri skeiðgreinar
Ingi segist búast við um
2–300 keppendum á mótið.
Hestamannafélögin fimm á
Vesturlandi sjá um framkvæmd
mótsins en þátttökurétt í
gæðingakeppni mótsins hafa
félagar í þeim félögum, frá Dreyra
á Akranesi, Skugga í Borgarnesi,
Faxa í Borgarfirði, Glað í Dalasýslu
og Snæfelling á Snæfellsnesi.
Einnig verður hestamannafélögum í
Norðvesturkjördæmi boðin þátttaka
í mótinu, þ.e. hestamannafélögum
á Vestfjörðum, Húnavatnssýslum
og Skagafirði.
Þá eiga 68 hross, sem eru í eigu
aðila á Vesturlandi, Vestfjörðum,
Húnavatnssýslum eða Skagafirði
þátttökurétt á kynbótasýningu
mótsins, en miðað er við eignarhlut
að lágmarki 25%. Ákveðinn fjöldi
efstu hrossa í hverjum flokki eiga
þátttökurétt á mótinu líkt og á síð-
asta Landsmóti og er því ekki um
einkunnalágmörk að ræða.
Keppt verður í opnum flokki í
tölti og kappreiðum og munu allir,
hvaðan af landinu sem er, geta
skráð sig til leiks. Að sögn Inga
verður bryddað upp á nýjungum í
kappreiðum, þar sem bætt verður
við keppnisgreinum.
Hóflegur aðgangseyrir
Ingi segist vonast eftir um 2.000
gestum á Fjórðungsmót í ár en hóf-
legur aðgangseyrir verður á mótið.
„Það mun kosta 2.500 kr. inn á
mótið, sem er töluvert lægra en á
fyrri mótum. Það verður til þess að
fólk getur valið að koma t.d. aðeins
einn dag án þess að borga voðalega
hátt gjald fyrir,“ segir Ingi.
Aðstaða fyrir gesti sé einnig
góð, enda hefur gistimöguleikum
fjölgað til muna í Borgarnesi að
undanförnu ásamt annarri þjónustu.
Þá verður sett upp tjaldstæði
fyrir gesti Fjórðungsmótsins,
á Kárastaðatúni, sem er við
mótsvæðið.
Guðrún Hulda Pálsdóttir
gudrun.hulda.palsdottir@gmail.com
Horft til heimsleika:
Kynbótasýningar hafnar
Fyrsta kynbótasýning ársins á
Íslandi hófst á Sörlastöðum í
Hafnarfirði mánudaginn 22. maí
og stendur til 26. maí. Dæmt var
mánudag til miðvikudags en yfir-
litssýningar fara fram á fimmtu-
dag og föstudag.
Alls eru 74 hross skráð til dóms.
Þar á meðal eru hross sem áður hafa
hlotið háa dóma. Alla jafna koma
færri hross til dóms á þeim árum
sem Landsmót hestamanna er ekki
haldið, en hátíðin er talin mikilvægur
kynningargluggi fyrir kynbótahross
og ræktunarbú. Því leggja ræktend-
ur gjarnan áherslu á að vænlegustu
hrossin séu í sínu besta formi á þeim
tíma og halda því frekar að sér hönd-
um á árum milli Landsmóta.
Farmiði á heimsmeistaramót fyrir
hæstu einkunn
Þó er það ekki alltaf svo. Því í ár eygja
örfáir ræktendur von um að tefla kyn-
bótahrossi fram á heimsmeistaramót
íslenska hestsins sem að þessu sinni
verður haldið í Oirschot í Hollandi
dagana 7.–13. ágúst.
Tvö kynbótahross frá hverju þátt-
tökulandi, ein hryssa og einn stóð-
hestur, eru sýnd fyrir dómi á mótinu
í þremur aldursflokkum, 5 vetra, 6,
vetra og 7 vetra og eldri.
Til þess að verða fulltrúi Íslands
á heimsmeistaramótinu þarf hross
að vera fætt hérlendis og vera sýnt í
kynbótadómi á þessu ári. Þátttakan
er svo iðulega boðin þeim hrossum
sem hljóta hæstu aðaleinkunn.
Einkunnir í Evórpu
Kynbótasýningar íslenskra hrossa í
Evrópu hefjast fyrr en á Íslandi og
hafa nú þegar allnokkur hross, fædd
hérlendis, komið fyrir dóm.
Þar má nefna að Starri frá
Herríðarhóli hlaut langhæstu
einkunn allra hrossa á sýningu í
Bæjaralandi Þýskalands í apríl.
Hann hlaut 8,69 í aðaleinkunn,
8,26 fyrir sköpulag og 8,84 fyrir
kosti. Starri er fæddur 2010 undan
Ágústínusi frá Melaleiti og Hyllingu
frá Herríðarhóli. Næsthæstu einkunn
í þeirri sömu sýningu hlaut Mist frá
Hrafnkelsstöðum 1 sem fædd er
2011. Hún hlaut 8,45 í aðaleinkunn,
8,26 fyrir sköpulag og 8,57 fyrir
kosti. Eigandi þeirra beggja er Elke
Handtmann en sýnandi þeirra var
Árni Björn Pálsson.
Kynbótasýningar um allt land
Ráðgert er að halda 16 kynbóta-
sýningar hér á landi í ár. Næstu
kynbótasýningar fara fram á
Melgerðismelum dagana 10. maí–2.
júní, í Fljótsdalshéraði 1. og 2. júní.
og á Selfossi 19. maí–2. júní.
Lokadagar skráninga og
greiðsludaga má nálgast á
vefsíðu Ráðgjafarmiðstöðvar
landbúnaðarins, rml.is /ghp
Mynd/ghp