Bændablaðið - 02.11.2017, Blaðsíða 48

48 Bændablaðið | Fimmtudagur 2. nóvember 2017
Þórarinn tekur við búinu af ömmu
sinni, Sólveigu Þórarinsdóttur,
og afa sínum, Guðmundi
Jóhannssyni, 1. júní 2009.
Voru þá 18 kýr, 12 geldneyti
og 70 ær. Geldneytahús var byggt
2012 fyrir 110 gripi, básum fjölgað
í fjósinu og fjárhús byggð 2016
fyrir 300 ær (eru reyndar enn á
byggingarstigi).
Býli: Fljótsbakki.
Staðsett í sveit: Eiðaþinghá á
Fljótsdalshéraði.
Ábúendur: Þórarinn Páll
Andrésson og Indíana Ósk
Magnúsdóttir.
Fjölskyldustærð (og gæludýra):
Þórarinn og Indíana eiga samanlagt
7 börn, Jónas Helgi 12 ára,
Kristbjörn Logi 11 ára, Anna
Guðlaug 8 ára, Sólveig Björg 7 ára,
Sólrún Líf 5 ára, Andríana Margrét
4 ára og sá yngsti er fæddur 5.
október síðastliðinn. Hundurinn
Brúnó og heil ósköp af fjósköttum.
Stærð jarðar? Um 410 ha, þar
af 74 ha ræktaðir og um 64 ha af
túnum nýttir á öðrum jörðum.
Gerð bús? Blandað bú.
Fjöldi búfjár og tegundir? 24
mjólkurkýr, 130 geldneyti, sauðfé
um 250, 5 (flóð) hestar, 1 hani og
24 hænur.
Hvernig gengur hefðbundinn
vinnudagur fyrir sig á bænum?
Farið í fjós milli 6 og 7, svo koma
krakkaskaranum af stað í skólann
og fleygja í ærnar. Þórarinn vinnur
mikið utan heimilis við alls konar
störf, rúllun, skítakstur og afleysingar
fyrir bændur svo eitthvað sé nefnt.
Indíana vinnur í Landstólpa á
Egilsstöðum. Farið í kvöldfjós milli
6 og 8 og kíkt í fjárhúsin (fer eftir því
hvenær bóndinn er heima).

Skemmtilegustu/leiðinlegustu
bústörfin? Það er ekki til leiðinlegt
starf í sveitinni.
Hvernig sjáið þið búskapinn fyrir
ykkur á jörðinni eftir fimm ár?
Vonandi verður risið nýtt fjós, 2–3
sinnum fleiri kýr og fénu fjölgað.
Hvaða skoðun hafið þið á
félagsmálum bænda? Teljum að
það megi gera talsvert betur í þeim
málum.
Hvernig mun íslenskum
landbúnaði vegna í framtíðinni?
Vel, ef Viðreisn kemur ekki nálægt
landbúnaðarráðuneytinu.
Hvar teljið þið að helstu tækifærin
séu í útflutningi íslenskra búvara?
Tækifærin eru í lambakjöti og skyri,
ef menn halda rétt á spilunum.
Hvað er alltaf til í ísskápnum?
Ísskáparnir eru alltaf sneisafullir, enda
margir munnar sem þarf að metta.
Hver er vinsælasti maturinn á
heimilinu? Reykt kindabjúgu og
reykt folaldakjöt.
Eftirminnilegasta atvikið við
bústörfin? Þegar vatnsleiðslan
í loftinu í nautahúsinu sprakk á
nýársdag og 10–15 sentimetrar af
vatni var á fóðurganginum sem gefið
var vel á kvöldið áður.
20 stiga frost úti og gripirnir
rennandi blautir sem þar stóðu
næstir.
Líf og lyst
BÆRINN OKKAR
Graskersbrauð með rósmarínsalti og flatbrauð með osti
Góð leið til að nýta graskerskjöt
úr graskeri, sem til dæmis hefur
verið notað til skreytinga fyrir
hrekkjavökuveislu, er að baka
graskersbrauð með rósmarín salti.

Graskerbrauð með rósmarínsalti
› 1 bolli (220 g) af hveiti
› ½ bolli púðursykur
› ½ bolli sykur
› ¾ tsk lyftiduft
› 1 ½ tsk brúnkökukrydd eða blanda
af negul, kanil, engifer og smá
múskati
› ½ tsk salt
› 2 stór egg
› 2 msk hlynsíróp
› 1 bolli niðursoðið graskersmauk eða
bakað mjúkt grasker
› 1⁄3 bolli jurtaolía
› ½ bolli ristaðar pekan-
eða kasjúhnetur
Fyrir rósmarínsalt:
› 1 tsk flögusalt
› 1/4 tsk saxað, ferskt rósmarín
Aðferð
Hitið ofninn í 180 gráður. Smyrjið
form. Í stórri skál skaltu þeyta saman
hveiti, púðursykri, sykri, lyftidufti,
brúnkökukryddi og salti.
Blandið saman eggjum, hlynsírópi,
graskeri og olíu í miðlungsstórri
skál. Blandið því svo saman við
hveitiblönduna.
Hrærið vel með spaða, skrapaðu
hliðina og botninn á skálinni til að
tryggja að öll innihaldsefnin séu
blönduð saman. Hrærið í hnetum og
hellið í smurt form. Blandið saman
salti og söxuðu rósmaríni, nuddið
saltið með fingurgómunum til að losa
olíurnar í rósmaríninu.
Stráið um 1/2 teskeið af rósmarínsalti
yfir. Bakið í 40 til 45 mínútur þar
til hnífur, sem er stungið í miðju
brauðsins, kemur út hrein og með
engar leifar af blautu deigi á sér.
Kælið alveg áður en það er tekið af
pönnu – og borðað.
Kjúklingasalat með bökuðu
graskeri
› 300 g eldaður kjúklingur
› 200 g grasker, flysjað og eldað í ofni
þar til það er mjúkt, um 30 mín.
› 3 msk majónes
› 3 msk sýrður rjómi
› 1 tsk dijon sinnep
› 1 tsk hvítvínsedik
› 1/2 tsk sykur
› salt og pipar eftir smekk
Aðferð
Skerið bakað graskerið í 3–4 cm
löng stykki. Eða takið kjötið úr
með skeið.
Blandið elduðu kjúklingakjöti,
sýrðum rjóma, dijon, edik og sykri
í skál. Kryddið til með salti og pipar
eftir þörfum.
Framreiðið salatið á graskersbrauði
eða í bökuðu graskeri og brauðið til
hliðar með vel af köldu smjöri.
Flatbrauð með osti og gulrótum
› 500 g af hveiti
› 100 g af fljótandi súrdeigi (eða 25 g
þurr geri)
› 10 g salt
› 320 g af vatni við 20 gráður
› 30 g af ólífuolíu + til að strá yfir
deigið fyrir bakstur
› 200 g rifnar gulrætur eða það sem
verður eftir í safapressuna við safagerð
› 100 g rifinn ostur að eigin vali
Aðferð
Hrærið hveiti, vatni, súrdeigi (eða
þurrgeri), og salti í hræri- eða
matvinnsluvél.
Blandið í 5 mínútur á hægum hraða,
og í 10 mínútur á miklum hraða.
Þegar um þrjár mínútur eru eftir af
vinnslutímanum er olíu bætt við.
Þegar búið er að vinna deigið saman
er rifnum gulrótum bætt við.
Gerið tvo bolta og setjið rakan klút
yfir þá. Látið standa og hefast í
tvær klukkustundir við stofuhita.
Stráið hveiti á borðplötuna. Skiptið
deiginu í fjögur stykki (um það bil
300 g hverja kúlu) og fletjið deigið
út. Látið hefast í 15 mínútur undir
klút, setjið á smjörpappír og stráið
rifnum osti yfir og ögn af ólífuolíu.
Forhitið ofninn í 235 gráður og setjið
kúlurnar á bökunarplötu. Hellið 50 ml
af vatni í botninn á ofninum rétt áður
en bakað er. Eldið í fjórar mínútur,
lækkið síðan hitastigið í 220 gráður
og bakið áfram í níu mínútur.
Takið brauðið úr ofninum og látið það
kólna fyrir framreiðslu.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Fljótsbakki