Slökkviliðsmaðurinn - 01.09.1992, Page 3

Fagfélag stofnað 12. maí 1973
Slökkviliðsmaðurinn
Blað Landssambands
slökkviliðsmanna
Nr. 25. 19. árg. 1. tbl. 1992
Útgefandi:
Landssamband slökkviliðsmanna
Síðumúla 8 - sími 91-672988
108 Reykjavík - pósthólf 4023
Ritnefnd:
Halldór Vilhjálmsson, form. ritn..
Lárus Petersen
og Rúnar Helgason.
Umsjón:
Guðmundur Vignir Óskarsson
Slökkviliðsmaðurinn
pósthólf 4023 Reykjavík
Stjórn
Landssambands slökkviliðsmanna
Form.: Guðmundur Vignir
Óskarsson
Varaform.: Snorri Baldursson
Gjaldkeri: Guðmann
Friðgeirsson
Ritari: Magnús Magnússon
Meðstj.: Einar M. Einarsson
Jón Helgi
Guðmundsson
Kristján Pétursson
Varastj.: Rúnar Helgason
Viðar Þorleifsson
Forsíðumynd: Júlíus Sigurjónsson
Hönnun: Hildur Rögnvaldsdóttir
Prentvinnsla: ODDI h.f.
Innan LSS eru u.þ.b. 800 félagar
jafnt slökkviliðsmenn að aðalstarfi
sem hlutastarfi í rúmlega 30
aðildarfélögum.
Landssamband
slökkviliðsmanna
þakkar öllum þeim sem lagt
hafa útgáfu blaðsins lið.
LEIÐARI
„Það kemur ekkert fyrir mig!“
Hver er afstaða alls almennings svo og
forsvarsmanna fyrirtækja og stofnana til
eldvarna og/eða brunamála og slysa yfirleitt?
Er fólki tamt að skoða sínar eigin kringumstæður gagnrýnið út frá þeim
óhöppum sem upp koma á heimilinu eða vinnustaðnum og gera þær ráð-
stafanir sem fyrirbyggja eins og frekast er unnt að slíkir hlutir eigi sér
stað. Bregst fólk við með réttum hætti verði það fyrir slíkum óhöppum?
„Það kemur ekkert fyrir mig, óhöppin eiga sér stað hjá öðrum“. Þessa
hugsun þekkjum við öll hvort heldur við erum í umferðinni eða fréttum af
eldsvoða eða annars konar óförum annarra. Hefur þú íhugað að það eru
u.þ.b. 250 slökkvi-og sjúkraflutningsmenn á íslandi sem hafa fullt starf af
því að fást við slíka hluti.
Eins og fram kemur í miðopnugrein í blaðinu má áætla að u.þ.b. 1200 ís-
lendingar verði fyrir margvíslegum brunaáverkum árlega en til saman-
burðar urðu 1153 einstaklinga fyrir slysum í umferðinni 1991. Af ofan-
greindum brunasjúklingum gætu u.þ.b. 60 þeirra þurft á sjúkrahúsvist að
halda. Það má reikna með 12 mjög alvarlegum brunaáverkum og þar af 6
dauðsföllum samanborið við 27 dauðsföll í umferðinni 1991. Þessar tölur
eru uggvænlegar en þær fjalla um einstaklinga sem gætu allt eins verið þú
eða égl
Það er hlutverk stjórnvalda að vera hvetjandi um bættar forvarnir á öll-
um sviðum.veita nauðsynlegustu almannaþjónustu, miðla upplýsingum
svo og að veita nauðsynlegt aðhald með því að framfylgja viðeigandi lög-
um og reglum.
Lokun brunadeildar Landspítalans á dögunum er dæmigert skref aft-
urábak hvað varðar þá tegund sérhæfðrar almannaþjónustu. I ályktun
stjórnar LSS sem send var heilbrigðisráðherra Sighvati Björgvinssyni lýsir
stjórnin áhyggjum sínum vegna lokunarinnar og kemur á framfæri þeirri
von sinni að ákvörðunin verði endurskoðuð og aftur tekin.
Ný lög um brunavarnir og brunamál gera eigendur og forsvarsmenn
mannvirkja enn frekar en áður ábyrga fyrir sínum eigin eldvörnum og er
það vel. En betur má ef duga skal. Það mun reynast erfitt að lágmarka
tíðni slysa og annarra óhappa nema hver og einn leggi sitt af mörkum.
Þannig hafa slökkviliðsmenn ávallt reynt að leggja sitt af mörkum til
bættra forvarna í málaflokki brunamála og til fækkunar slysa vegna starfa
sinna sem sjúkraflutningsmenn og þannig oft á tíðum eitt stórum hluta
krafta sinna í þágu þessara mála.
Með nýju stéttarfélagi hafa skapast aðstæður til að bæta um betur og
stórefla allt fyrirbyggjandi og faglegt starf. Það á án efa eftir að kalla á
frekari virðingu og viðurkenningu alls þorra almennings svo og okkar
sjálfra á þeim mikilvægu störfum sem við sinnum.
Margt af því sem hefur verið að gerast í málaflokki brunamála á þessu
ári er fagnaðarefni og getur leitt m.a. til fækkunar slysa og minna eigna-
tjóns þegar fram líða stundir. Sett hafa verið ný lög um brunavarnir og
brunamál eins og áður hefur komið fram sem án efa eiga eftir að styrkja
allt starf að brunamálum í landinu en lögin verða nánar kynnt síðar í
blaðinu.
Þá hafa slökkviliðsmenn náð fram nítján ára baráttumáli sínu með
stofnun stéttarfélags þann 2. maí s.l. en fram til þessa hafa þeir verið
dreifðir innan hinna ýmsu stéttarfélaga.
Guðmundur Vignir Óskarsson
slökkviliðsmaðurinn
3