Fréttabréf Öryrkjabandalags Íslands - 01.03.1995, Blaðsíða 4

sjónskertum nemendum en þau geta einnig nýst sem
fyrirmynd að stuðningskerfum fyrir aðrar tegundir fötlunar.
Þá hefur sambandsstjórn Iðnnemasambands Islands í
tilefni af 50 ára afmæli sínu á síðast liðnu ári ákveðið að
beita sér fyrir bættum náms- og starfsskilyrðum fatlaðra
iðnnema. iðnnemar verða hvattir til að kynna sér stöðu og
möguleika fatlaðra í sínu umhverfi og málefni fatlaðra
verða sett á oddinn í opinberri umræðu og í starfsnefndum
þar sem iðnnemahreyfingin á fulltrúa. Næsta verkefni
Félagsíbúða iðnnema verður iðnnemasetur í nánasta
umhverfi Iðnskólans í Reykjavík og verða þar aðgengilegar
vistarverur fyrir fatlaða einstaklinga. Þetta verkefni er
raunar þegar hafið.
Síðla árs 1993 var stofnuð samstarfsnefnd Lands-
sambands aldraðra, Öryrkjabandalags íslands,
Alþýðusambands íslands, Bandalags starfsmanna ríkis- og
bæja og Bandalags háskólamenntaðra ríkisstarfsmanna.
Verkefni nefndarinnar er að gæta hagsmuna þeirra
félagsmanna samtakanna, sem hættir eru störfum vegna
aldurs eða örorku.
Augljóst er að Öryrkjabandalagið og Landssamband
aldraðra eiga margra sameiginlegra hagsmuna að gæta og
þau hafa meðal annars lagt fyrir samstarfsnefndina ýmsar
kröfur, sem fulltrúarnir hafa síðan komið á framfæri í
yfirstandandi kjarasamningum.
Þetta er einn af mörgum liðum í samstarfinu og höfum
við ástæðu til að vænta mikils af því.
Eins og flestum er kunnugt þá fékk Island aðild að
EES samningnum árið 1993. Innan EES er starfandi
sérstök nefnd, sem vinnur að víðtæku verkefni (HELIOS
II) varðandi málefni fatlaðra.
Öryrkjabandalagið sótti á s.l. ári um að fá áheyrnar-
fulltrúa sem fylgst gæti með störfum nefndarinnar og var
sú umsókn samþykkt.
Þetta veitir Öryrkjabandalaginu möguleika á að fylgjast
með framvindu mála á þessu sviði og notfæra sér nýja
þekkingu fötluðum til hagsbóta.
Undanfarin tvö ár hefur fimm manna norrænn
starfshópur undirbúið víðtæka kynningu á norrænum
lögum og reglugerðum um aðgengi fyrir fatlaða. Starfið
hefur verið byggt á endurskoðun hollenskrar handbókar
um aðgengi fatlaðra. Þarna voru sem sé bornar saman
norrænar reglur um aðgengi annarsvegar og reglur frá
nokkrum öðrum löndum Evrópu hinsvegar.
Árangurinn varð talsvert þykkur bæklingur með
athugasemdum, þar sem norrænar reglur stóðu hinum
framar.
Tilgangurinn með þessu starfi er sá að Norðurlöndin
geti í evrópsku samstarfi tryggt þann árangur, sem náðst
hefur heima fyrir, jafnframt því að stuðla að framförum í
öðrum löndum Evrópu.
Lokasprettur þessa starfs var fundaröð dagana 21 .-25.
nóvember s.l. með eins dags fundi í hverju hinna fimm
Norðurlanda. Nánar verður greint frá því annarsstaðar í
blaðinu.
Nú hillir loks undir útgáfu íslenskrar handbókar um
ferlimál, sem hlýtur nafnið „Aðgengi fyrir alla”.
Þetta verður handhæg uppsláttarbók bæði fyrir
arkitekta, aðra hönnuði og almenning.
Öryrkjabandalagið á aðild að þessari útgáfu ásamt
Arkitektafélagi Islands og mörgum fleirum, sem á einn
eða annan hátt tengjast málefnum fatlaðra.
Það má segja að hver nýr dagur færi Öryrkja-
bandalaginu nýjar kröfur og ný úrlausnarefni. Öryrkja-
bandalagið reynir af fremsta megni að takast á við
verkefnin og heitir á liðsinni allra sem vilja leggja
málefnum fatlaðra lið.
Ólöf Ríkarðsdóttir
Skilmæli á málþingi
Hinn 25. nóvember á liðnu ári var
haldið fjölmennt og vel heppnað
málþing í Borgartúni 6 sem hafði
yfirskriftina: Aðgengi fyrir alla á
byggðubóli. Málþingsboðendurvoru
Norræna nefndin um málefni fatlaðra,
vinnuhópur um ferlimál er starfað
hefur á hennar vegum svo og
Öryrkjabandalag íslands, en Ólöf
Ríkarðsdóttir formaður þess er einmitt
fulltrúi bandalagsins á þessum
vettvangi. Málþingið hér var hið
fimmta og síðasta í röðinni í norrænni
fundaröð í öllum höfuðborgum
Norðurlanda, þar sem telja verður
hápunktinn afhendingu skilmæla um
þessi efni til þeirra ráðherra er með
þessi mál fara á hverju Norður-
landanna. Hér var það félagsmálaráð-
herra, Rannveig Guðmundsdóttir, sem
tók á móti skilmælunum og hét að
beita afli sínu til árangurs í þessum
brýnu málum, sem aðgengismálin
óneitanlega eru. Skilmælin eru sér-
staklega birt hér orðrétt og Ólöf fjallar
svo um starf og tilgang vinnuhópsins
um ferlimál sem að baki málþing-
unum stóð fyrst og síðast. Skilmælin
eru s.s. sjá má hvatning til þeirra
fulltrúa Norðurlandanna, sem taka
þátt í evrópskri samvinnu á sviði
byggingar- og skipulagsmála að draga
fram í sviðsljósið norræna staðla um
aðgengi fyrir fatlaða.
Tilgangurinn með því er tvíþættur:
- að Norðurlöndin geti tryggt þann
árangur, sem náðst hefur heima fyr-
ir og - að stuðla að framförum á
þessu sviði í öðrum löndum
Evrópu.
Að sjálfsögðu var afhending
skilmælanna hápunktur mál-
þingsins, en þingið sjálft var mjög vel
sótt og málefnalegt hið bezta, enda vel
til fyrirlesara vandað.
Fundarstjórar málþingsins voru
þær Ásgerður Ingimarsdóttir og
Guðrún Jónsdóttir arkitekt. Clas
Thorén, starfsmaður norræna hópsins
um ferlimál kynnti í upphafi skýrslu
þá er vinnuhópurinn hefur samið og
heitir: Aðgengi að umhverfi og
byggingum, norræn nálgun.
Að loknum blaðamannafundi
fluttu þeir Stefán Thors, skipulags-
stjóri ríkisins og Hrafn Hallgrímsson,
deildarstjóri ítarleg yfirlitserindi um
yfirstandandi reglugerðarvinnu - á
innlendum vettvangi - í norrænni
4