Fréttabréf Öryrkjabandalags Íslands - 01.03.1995, Síða 28

Útskrift frá
Starfsþjálfun fatlaðra
Útskriftarhópur með Hauk kennara. (Einn vantar á myndina).
Hinn 20.des. sl. fór fram
útskriftarhátíð góð hjá Starfs-
þjálfun fatlaðra. Athöfn þessi var sem
ætíð áður látlaus en einkar hátíðleg
og þessi gamalkunna eftirvænting
tilhlökkun og kvíða blandin lá í loftinu
eins og jafnan þegar aðeins er beðið
úrslita þess árangurs sem iðja annanna
hefur skilað. Guðrún Hannesdóttir
forstöðumaður flutti í upphafi athafn-
ar ávarp þar sem margt athyglisvert
var sagt og skal hér stiklað á stóru.
Hún kvað 20 nemendur hafa þreytt
próf að þessu sinni og átta voru nú að
ljúka námi eftir þriggja anna
skólaveru. Frá upphafi hafa 87 lokið
prófi frá Starfsþjálfun fatlaðra eftir
tilskilið nám í þrjár annir. Guðrún
minnti á ýmislegt úr innra starfi ársins
utan hins reglubundna náms m.a. gat
hún um svokallaða tyllidaga þar sem
nemendur hefðu spreytt sig á leiklist,
myndlist og í keilu og allt hefði það
til ánægju og yndisauka verið.
Hún minnti nokkuð á vinnuklúbb
útskriftarnemenda, en annar hópurinn
þar hefði nú starfað og nýtt sér vel
handbók þá eða leiðarvísi sem
sérstaklega hefur verið getið um hér
áður í blaðinu og hefði reynzt nem-
endum hollurhappafengur. Hún kvað
6 hópa hafa verið á tölvunámskeiðum
á árinu m.a. var eitt námskeið fyrir
daufblinda. Guðrún kvað námskeiðin
ágætum árangri skila, en þau þyrftu
sannarlega að vera allt árið, svo mikil
aðsókn sem að þeim væri.
Hún greindi þessu næst frá starfs-
kynningu haustsins sem hún
kvað nemendur hafa nýtt sér vel og
myndi vonandi nýtast þeim til fram-
tíðar í farsælu starfi. Guðrún rninnti á
myndarlegtframtak nemenda í blaða-
útgáfu, þar sem væri Fréttaþjálfinn,
hið myndarlega blað nemenda sem
nýkomið var út og bar aðstandendum
sínum hið ágætasta vitni. Vissulega er
hér um ánægjulegan lið í náminu að
ræða, þar sem er útgáfa blaðs þar sem
svo margir koma að verki vel og virkja
sköpunargáfuna.
Guðrún gat síðan um sálfræði-
þjónustu Eiríks Líndal sem bæði er
fólgin í þjónustu við hópa sem og
einstaklingsviðtölum. Kvað mörgum
hafa reynzt þjónusta þessi dýrmæt
mjög. Guðrún kvaðst með bjartsýni
líta fram á veg, þar sem nú væri
húsbygging hafin af fullum krafti fyrir
starfsemina og þar með hefði lang-
þráður draumur rætzt að Starfsþjálfun
fatlaðra fengi eigið rúmgott húsnæði
sem sniðið væri að þörfum starfsins.
Ef allt gengi eftir sem áætlað væri nú
gæti starfsemin hugsanlega flutt í nýtt
glæsilegt húsnæði síðla næsta árs. Þá
yrði unnt að mæta hinni mjög svo ört
vaxandi aðsókn að skólanum betur.
Auðvitað væri tilhlökkunin kvíða-
blandin um leið, hversu til tækist að
fylgja góðum hugmyndum eftir. Aðal-
atriðið væri það að breyta og bæta sem
flest með bakhjarl reynslunnar í
farteskinu. Hún lýsti eftir nafni á hið
nýja hús.
Guðrún ræddi því næst vítt og
breitt bæði atvinnu- og skóla-
mál. Margt væri þar enn óleyst, ekki
síður í atvinnumálum á tímum alvar-
legs atvinnuleysis í samfélaginu. Hún
kvað rnikið og fjölþætt nefndarstarf á
vegum félagsmálaráðuneytis að
stefnumótum í atvinnumálum fatlaðra
vonandi mega skila sem mestu inn í
framtíðina. Hún minnti einnig á þá
möguleika sem felast ættu í þessum
efnum með nýrri reglugerð um
öryrkjavinnu. Um það sem fleira gilti
orðtakið: Góðir hlutir gerast hægt.
Guðrún minnti á nálægð jólanna,
hátíð ljóss og friðar en umfram allt
kærleika. Hún flutti svo þakkir til
útskriftarnema og hvatningu um leið,
ítrekaði það að einkunnir segðu aldrei
allt, en kvaðst vænta þess að vistin í
Starfsþjálfun fatiaðra yrði veganesti
gott út í lífið. Afhenti nemendum
síðan prófskírteini sín.
Þá flutti form. stjórnar Starfsþjálf-
unar fatlaðra, Margrét Margeirsdóttir,
ávarp. Hún sagði útskriftarhátíðir ætíð
mikilli birtu umvafðar. Misserin í
Starfsþjálfun hefðu mörgum dýrmæt
verið og dygðu vel á vegferð lífsins.
Menntun væri nokkuð sem ekki yrði
frá okkur tekið, ekki einu sinni
kæmust skattayfirvöld þar með klær
sínar.
Starfsemin hefði tryggt sér góðan
sess og árangurinn væri í mörgu
afbragðsgóður. Nýtt hús með
fullkominni aðstöðu myndi gera gott
betra og bjart væri því framundan.
Flutti nemendum, kennurum og
starfsfólki Öryrkjabandalagsins hlýjar
jólaóskir og afhenti nemendum síðan
bækur frá Máli og menningu og blóm
með.
Fulltrúi fyrstu annar Agúst Elvar
Arnly afhenti svo fyrir hönd
félaga sinna fallega rós til útskrift-
28