Fréttabréf Öryrkjabandalags Íslands - 01.12.1995, Blaðsíða 19

stofu tvisvar í viku að Sjafnargötu 14.
Hefur Styrktarfélag lamaðra og fatl-
aðra lánað það húsnæði endurgjalds-
laust. Fullgildir félagar eru 143, en
það er aðeins lítill hluti af því fatlaða
fólki, sem búsett er í Reykjavík. Vön-
andi er, að félaginu bætist margir nýir
meðlimir á næstunni. Form. félagsins
er Aðalbjöm Gunnlaugsson.”
egar ég tók við gjaldkerastörfum
hjá Sjálfsbjörg, félagi fatlaðra í
Reykjavík haustið 1959 datt mér ekki
í hug að nú væri að hefjast þrjátíu ára
stjórnunartímabil í ýmsum félögum
fatlaðra. Hef ég setið í stjórnum eft-
irtalinna félaga: Sjálfsbjörg, félagi
fatlaðra í Reykjavík, Styrktarfélagi
lamaðra og fatlaðra, íþróttafélagi fatl-
aðra í Reykjavík, Öryrkjabandalagi
Islands og Hússjóði Öryrkjabandalags
Islands. Auk stjórnarstarfa fylgdi seta
í ýmsum nefndum sem tengdust
margbreytilegri starfsemi félaganna.
í lífi mínu var þetta ákaflega gefandi
tímabil, þótt mikill tími færi í öll þessi
félagsmálastörf. Að kynnast öllu því
fólki sem vann að málefnum fatlaðra
af hugsjón og eldmóði, oftast í sjálf-
boðavinnu, gaf okkur sem í þessu
stóðum ævinlega ákveðna lífsfyll-
ingu. Mikið var unnið og byggingar
risu: Sjálfsbjargarhúsið Hátúni 12,
byggingar Hússjóðs ÖBÍ Hátúni 10
og margar íbúðir víðsvegar um landið,
grunnur Iagður að íþróttahúsi Iþrótta-
félags fatlaðra Hátúni 14, og Æfinga-
stöð Styrktarfélags lamaðra og fatl-
aðra Háaleitisbraut 11 -13 og Sumar-
dvalarheimilið í Reykjadal risu af
grunni. Allar þessar framkvæmdir
tókust vegna velvilja almennings og
opinberra aðila og ekki síst vegna þess
að í fyrirsvari var hópur frábærra
kvenna og karla. Jafnframt unnu fé-
lagasamtökin með opinberum aðilum
að ýmsum félagslegum úrbótum, t.d.
samningu frumvarps um málefni
fatlaðra og margvísleg erindi voru
tekin til umfjöllunar og afgreiðslu,
sem höfðu geysilega þýðingu fyrir
marga einstaklinga og hópa fatlaðra.
✓
Islenskar konur hafa unnið ótrúlega
mikið sjálfboðastarf í félögum
fatlaðra, við fjáraflanir og alls konar
uppbyggingu félagsstarfs. Hefði
fórnfýsi þeirra og dugnaðar ekki notið
við, væri málefnum fatlaðra ekki eins
vel borgið og er í dag. Karlar komu
Vigfús
að föndra
með fríð-
leikskonum
í Sjálfsbjörg.
að sjálfsögðu einnig að þessum mál-
um, en án kvennanna hefðu skrefin
ekki orðið eins drjúg. Mjög var
ánægjulegt að vera í innsta hring og
fylgjast með þessu öllu frá degi til
dags, sérstaklega spennandi tímabil
var þegar verið var að undirbúa stofn-
un Lottósins, sem nú þegar hefur gjör-
breytt framkvæmdagetu Hússjóðs
Öryrkjabandalagsins og jafnframt
orðið til þess að Öryrkjabandalagið
sjálft hefur einnig fengið fjárhagslegt
bolmagn til þess að reka öfluga skrif-
stofu, gefa út vandað málgagn, reka
vinnustaði og gera ýmsa hluti fyrir
aðildarfélögin og þjóðfélagið í heild,
sem mun hafa mikið að segja á kom-
andi árum.
Ferlimál
s
Afyrri hluta ársins 1973 vorum
við þrjú, Carl Brand, Ólöf
Ríkarðsdóttir og undirritaður kjörin
í nefnd til að huga að aðgengismálum.
Fyrsta verk okkar var að gefa nefnd-
inni nafn og eftir nokkrar vangaveltur
gáfum við henni nafnið Ferlinefnd
fatlaðra. Síðan þá höfum við í góðri
samvinnu við marga aðra reynt að
þoka þessum málaflokki áleiðis og í
dag vita flestir um hvað er að ræða
þegar rætt er um ferlimál, og víða er
búið að gera margar mikilsverðar úr-
bætur í ferlimálum og annarsstaðar
eru framkvæmdir á fullu. Alltaf er
hægt að bæta aðgengi og verkefnin
virðast óþrjótandi. í dag vill svo
skemmtilega til að við, þremenning-
anir, erum ennþá starfandi í nefnd með
fleirum og vinnum nú að útgáfu hand-
bókar um ferlimál, sem væntanlega
kemur út 1996 og á að heita “Aðgengi
fyrir alla. Handbók fyrir hönnuði og
húsbyggjendur”.
Horft til næstu aldar!
ú hillir undir nýja öld. I þjóð-
félaginu er komin á stað um-
ræða um að forgangsraða í heilbrigð-
iskerfinu til þess að sporna við út-
gjaldaþenslu og leita að sem hagfelld-
ustum lausnum til að leysa aðsteðj-
andi vanda. Talað er um að atvinnu-
leysi sé að verða viðvarandi og að
öryrkjum hafi fjölgað um ca. 10%
beinlínis vegna þess. I Danmörk hika
heilbrigðisyfirvöld við ef gera á
hjartaaðgerð á fólki sem er 70 ára eða
eldra. Efnahagskreppa undanfarinna
ára hefur ýtt rækilega við ráðamönn-
um hér á landi eins og víða erlendis
og sumir tala um að íhuga forsendur
velferðarkerfisins upp á nýtt. Hverjar
verða niðurstöðurnar og hvaða leiðir
verða valdar? Það skiptir máli að
fylgjast vel með og taka þátt í um-
ræðunni um þessi þýðingarmiklu mál
sem skipta sköpum fyrir þjóðina alla.
Á íslandi er byrjað að ræða opinskátt
um þessi mál og væri fengur að því
að sem flestar stefnumarkandi greinar
um þessi mál verði birtar í þessu blaði,
Fréttabréfi ÖBÍ, og að málin verði
rædd skipulega á málþingum hags-
munahópa. Þjóðarsátt verður að nást
um þær lausnir sem valdar verða að
vel athuguðu máli. Að mati Samein-
uðu þjóðanna er það góður kostur að
vera íslendingur, lífsgæðin saman-
lögð eru meiri hér á landi en víðast
hvar þekkist. Þegar lífshlaup þjóðar-
innar er skoðað í gegnum aldirnar
kemur í ljós, að með samvinnu og
samhjálp hefur henni tekist að byggja
upp gott mannlíf á eyjunni fögru,
markmiðið er að halda því áfram á
komandi öld. Með samstöðu og sam-
vinnu mun það takast.
Vigfús Gunnarsson.
FRÉTTABRÉF ÖRYRKJABANDALAGSINS
19