Fréttabréf Öryrkjabandalags Íslands - 01.06.1997, Blaðsíða 17
Beinvemd
Miðvikudaginn 12. marz var
haldinn stofnfundur félagsins
Beinverndar í Norræna húsinu og var
hann allfjölmennur.
Fundarboðendur voru áhugafólk
um beinþynningu með Olaf Olafsson
landlækni í fararbroddi.
Markmið félagsins Beinverndar
eru:
Að vekja athygli almennings og
stjórnvalda á beinþynningu sem
heilsufars vandamáli.
Að standa að fræðslu meðal
almennings og heilbrigðisstétta á
þeirri þekkingu sem á hverjum tíma
er fyrir hendi um beinþynningu og
varnir gegn henni.
Að stuðla að auknum rannsóknum
á eðli, orsökum og afleiðingum bein-
þynningar og forvörnum gegn henni.
Að eiga samskipti við erlend félög
á svipuðum grundvelli.
I kynningu segir: Beinþynning er
vaxandi vandamál og hefur hún verið
nefnd faraldur 21. aldarinnar. Bækl-
ingur hefur verið gefinn út um bein-
þynningu með miklum og mætum
fróðleik.
A stofnfundinum kynnti Olafur
landlæknir hugmyndina að baki
stofnuninni, dr. Gunnar Sigurðsson
læknir sagði frá beinþynningu, hvað
væri vitað og hvað ekki, kynnt var
einnig fyrirhuguð útgáfa bæklinga.
Þá voru félaginu sett lög og stjórn
kosin en hana skipa: Formaður Ólafur
Ólafsson. Aðrir í stjórn: LisaThom-
sen varaform.; Unnur Stefánsdóttir
ritari, Anna Björg Aradóttir gjaldkeri
og svo þau: Laufey Steingrímsdóttir,
Páll Gíslason og Þórunn Björnsdóttir.
Alls voru kynntir 9 fræðslubækl-
ingar fyrir almenning og 4 fyrir
heilbrigðisstéttir sérstaklega, sem þörf
væri fyrir að gefa út. 5. apríl sl. var
svo haldinn stofnfundur svæðisdeild-
ar Norðurlands og fleiri slíkir munu í
farvatninu.
Félagið Beinvernd hefur aðsetur
sitt í húsi Kvenfélagasambands
íslands að Hallveigarstöðum í
Reykjavík.
Ærin munu verkefnin og félaginu
alls góðs árnað í uppbyggingu sinni
og farsælu fræðslustarfi.
H.S.
Vordraumar
Ég bíð eftir vori og vindunum hlýju
að vaxi allt og grói og blómgist að nýju,
að vetrarins bönd megi víkja af foldu,
að vakni úr dái öll grösin úr moldu.
Ég hugann læt reika til horfinnar tíðar
er heilluðu drengstaula vornætur blíðar.
Þó annasamt væri og í mörgu að mæðast
var maíkvöldið ylríkt og lömbin að fæðast.
Þá unað var löngum við ilminn frá blómi
og yfir þeim stundum er glitfagur Ijómi,
er lagzt var í grasið í hlaðvarpa heima
og hugfanginn sveinn lét sig ótalmargt dreyma.
í daganna rás hef ég draumanna notið
um dáðríkast mark sem ég aldrei fæ hlotið.
Þeir yljuðu mér þó ef stóð ég í ströngu
og stríðið mér léttu á ævinnar göngu.
Og eins er í vetrarins myrkasta veldi
að vorþráin sterk fer um hjarta mitt eldi.
Ég angan þess finn þó að úti sé myrkur,
þess yndi í fjarska er huganum styrkur.
Þó ár hafi liðið og týnzt út í tómið
þá tær vakir minning um fegursta blómið.
Því ennþá í Ijóma þá vitjar mín vorið,
það vekur og gleður og léttir mér sporið.
Helgi Seljan.
Formannafundur um
skipulagsmál
Eins og lesendur vita þá var á síðasta aðalfundi Öryrkjabandalagsins kjörin
skipulagsnefnd bandalagsins, sem vinna skal að tillögum fyrir næsta
aðalfund þess. Björn Hermannsson er formaður nefndarinnar, en aðrir þeir
Ólafur H. Sigurjónsson og Helgi Seljan. Nefndin hefur starfað allnokkuð og
sem liður í starfi hennar var hinn 7. maí sl. boðað til fundar um skipulagsmál
á Grand Hótel Reykjavík þar sem til voru kallaðir formenn og
framkvæmdastjórar aðildarfélaganna auk framkvæmdastjórnar. Var vel mætt
og fundurinn afar líflegur og frjór.
Björn Hermannsson hafði framsögu, fór yfir ýmsar hugmyndir og varpaði
fram spurningum til fundarins um hina ýmsu þætti þessara mála. Síðan voru
ágætar umræður um ýmis álitamál og áherzlur í skipulagi bandalagsins. Þá
var fundarmönnum skipt niður í hópa til frekari umræðna og í lokin skiluðu
svo framsögumenn hópanna áliti í stuttu máli, sem nefndin fær til athugunar.
Áætlað er að halda annan slíkan fund í júníbyrjun, en óhætt að segja að
þessi byrjun lofar mjög góðu um áframhaldið.
H.S.
FRÉTTABRÉF ÖRYRKJABANDALAGSINS
17