Fréttabréf Öryrkjabandalags Íslands - 01.12.1997, Qupperneq 30

AF S TJÓRNARVETTVANGI
Fundur var haldinn í stjórn
Öryrkjabandalagsins 25.
september á 9. hæð í Hátúni
10 og hófst kl. 16,45. 19 stjórnar-
menn mættir.
Formaður Ólöf Ríkarðsdóttir setti
fund og stjórnaði honum. Hún
byrjaði á því að bjóða tvo varamenn
í stjórn velkomna, þá Inga Hans
Agústsson frá Alnæmissamtökunum
og Ingimund Guðmundsson frá Geð-
hjálp. Flutti því næst skýrslu sína.
Hún greindi frá fundi með forystu-
mönnum Þroskahjálpar um lottómál-
ið sem ekki hefði til neinnar niður-
stöðu leitt. Rætt hefði svo verið við
bæði félagsmálaráðherra og dóms-
málaráðherra í kjölfar bréfs Þroska-
hjálpar þar sem aðildar er krafizt af
lottófé. Dómsmálaráðherra hyggst
skipa þingmannanefnd til að yfirfara
og gera tillögur um heildarskipan
allra happdrættismála í landinu. Ólöf
rakti bréfaskipti bandalagsins og
félagsmálaráðuneytis varðandi vinnu
að yfirtöku sveitarfélaga á málefnum
fatlaðra, þar sem bandalagið fór fram
á betri hlut í þeirri vinnu en upphafleg
áform gerðu ráð fyrir. Nokkuð var
komið til móts við óskir þessar.
I laganefnd var tilnefndur Helgi
Seljan, en í úttektarhóp Hafliði Hjart-
arson, sameiginlega tilnefndur af
Öryrkjabandalagi og Þroskahjálp.
Samtök fatlaðra eiga hins vegar enga
aðild að sjálfri verkefnisstjórninni,
ekki heldur kostnaðarnefndinni og
enga beina aðild að landshlutanefnd-
um heldur. Þessi viðamikla vinna er
nú að hefjast en aðeins rúmt ár til
stefnu. Ólöf greindi frá heimsókn
danskra djákna, sem hingað komu í
heimsókn og kom þar danski bækl-
ingurinn í góðar þarfir. Djáknarnir
skoðuðu m.a. Vinnustaðina og Starfs-
þjálfun fatlaðra og leizt mætavel á allt
það góða starf. Ólöf sagði frá mikilli
ráðstefnu á vegum ferlinefndar
félagsmálaráðuneytis 26. nóvember
n.k. um aðgengi fyrir alla þar sem
áherzla yrði lögð á þátttöku sveitar-
stjómarmanna hvaðanæva að af land-
inu. Hún minnti í leiðinni á samning
- tilraunaverkefni - milli félagsmála-
ráðuneytis og Sambands íslenzkra
sveitarfélaga um öll ferlimál, en
umsjón með þeim hjá Sambandi ísl.
sveitarfélaga hefur Guðrún Hilmis-
dóttir. Minnti í lokin á kjararáðstefn-
una 17. október n.k. á vegum banda-
lagsins.
✓
Olöf sagðist nú láta af störfum
formanns bandalagsins. Sagði
að þegar hefðu tveir gefið kost á sér:
Haukur Þórðarson í formannsstöðu
og Ólafur H.Sigurjónsson í vara-
formanninn. Vísaði því síðan til
ákvörðunar fundarins hvort ekki
skyldi kosin sérstök uppstillingar-
nefnd.
Ólafur H. Sigurjónsson sagði frá
heimasíðu bandalagsins á alnetinu
sem vistuð yrði í tölvu Islenzkrar
Getspár, tengd með breiðbandi.
Formleg opnun færi fram á aðalfundi.
Nokkrar umræður urðu um skýrslu
formanns og heimasíðuna. Helgi
Seljan fór yfir helztu atburði ársins í
tryggingamálum þ.e. 2% hækkun
bóta um áramót, 4% hækkun í kjölfar
kjarasamninga og 2 1/2% svo nú í
sumar. Minnti á aðra þætti s.s. hækk-
un heimilisuppbótar vegna útvarps
og símagjalda, ávinninginn við að
fjárhagsleg aðstoð sveitarfélaga
skerðir nú ekki bætur almannatrygg-
inga, hækkun frekari uppbótar þeirra
sem njóta sérstakrar heimilisupp-
bótar og svo breyttar reglur um
sjúkraþjálfun. Fleira kom inn í mál
hans en öllu þessu áður gerð skil í
fréttabréfinu.
Haukur Þórðarson gerði grein
fyrir starfi nefndar sem á að endur-
skoða bifreiðakaupastyrki og bif-
reiðalán, væri hún vel á veg komin,
en að þessu sinni yrði úthlutað eftir
eldra kerfí. Ólöf Ríkarðsdóttir minnti
á hjálpartækjamál fólks sem dvelur
á stofnunum, þar sem viðkomandi
stofnun á að sjá fyrir hjálpartækjum
og hefur oft ekki fjármagn til þess,
einstaklingsréttur til hjálpartækja
fellur brott ef fólk vistast á stofnun.
Um tryggingamálin urðu miklar
umræður og brýn þörf á þvf
talin að ná fram hinum ýmsu réttinda-
málum sem að kölluðu. Ólafur H.
Sigurjónsson greindi frá störfum
skipulagsnefndar sem þokkalega
miðaði og kvað hann áfangaskýrslu
væntanlega á aðalfundi. Ræddar
voru umsóknir um aðild frá þrem
félögum: Daufblindrafélagi, Mál-
björg og Tovurettesamtökunum.
Lagt til að aðild yrði frestað þar til
úrslit lægju fyrir um skipulag banda-
lagsins og hugsanlegar lagabreyt-
ingar.
Asgerður greindi frá kjararáð-
stefnu 17. október og kynnti hug-
myndir um frummælendur. Tals-
verðar umræður urðu um ráðstefn-
una, fýsilega frummælendur og
aðalþema hennar. Ólöflagðiframtil
kynningar hugmyndir frá hópnum:
Þak yfir höfuðið um stofnun samtaka
þeirra aðila er fást við félagslegar
íbúðabyggingar. Hún minnti einnig
á alþjóðadag fatlaðra 3. desember og
sagði frá bréfi bandalagsins til Páls
Péturssonar félagsmálaráðherra með
eindreginni ósk um að meginreglur
Sameinuðu þjóðanna yrðu kynntar á
þessum degi á Alþingi.
Hún sagði og frá ráðstefnu sem
haldin hefði verið 12.-13. september
sl. í boði Evrópusambandsins, en
alþjóðasamtök fatlaðra staðið að
baki. Þau Helgi Hróðmarsson sóttu
þessa ráðstefnu. Þar var rætt hversu
minnast skyldi alþjóðadagsins, hvað
skyldi gert í hverju landi. Ólöf lagði
ríka áherzlu á að Öryrkjabandalagið
hefði það sem fastan punkt í sínu
starfi að halda upp á þennan dag.
Þetta mál var allmikið rætt; m.a. upp-
lýsti Helgi Hjörvar að Þroskahjálp og
Blindrafélagið í sameiningu mundu
fá Bengt Lindquist hingað til lands
en Bengt er einmitt umboðsmaður
fatlaðra hjá Sameinuðu þjóðunum.
I lokin var svo kjörin uppstilling-
amefnd fyrir stjómarkjör á aðalfundi:
Ólöf Ríkarðsdóttir, Helgi Hjörvar og
Þórir Þorvarðarson. Fundi slitið um
kl. 19.40. H.S.
30