Fréttabréf Öryrkjabandalags Íslands - 01.12.1997, Blaðsíða 56

Með viljans afl að vopni
Aö þessu sinni er baksíða Fréttabréfsins
helguð öldruðum einstaklingi, alblindum,
sem ekki hefur auðum höndum setið um
ævidaga, Kristján Tryggvason á Akureyri
iðjar enn af ærnum þrótti, þó 77 ára sé.
Kristján varð fyrir slysi fjórtán ára gamall
og hefur frá þeim atburði alblindur verið.
Þá var Blindravinafélagið blessunarlega
komið til sögunnar og fyrir milligöngu þess
lærði Kristján burstagerð, sömuleiðis
smávegis í trésmíði og bólstrun. Sá lær-
dómur hefur honum sannarlega að gangi
komið.
Kristján opnaði vinnustofu sína á Akureyri
árið 1944 og hóf þá framleiðslu á því
sem hann hafði lært til. Til þess var tekið
hversu vandað handbragð hans var og
vörur hans enda eftirsóttar. Á síðustu árum
hefur Kristján farið út í framleiðslu á spring-
dýnum. Honum þykir sem sú vinna henti
sér einkar vel og eins og áður er aðeins
framleidd úrvalsvara að dómi þeirra er
þekkja til og þykja hafa á góða þekkingu.
Kristján er ekkert á því að setjast í helgan
stein og heldur ótrauður áfram iðju sinni.
Ljóslifandi dæmi um það hve einbeittur vilji
til verka góðra getur miklu áorkað.
Að vopni hefur viljans afl
sem verkagleði eflir.
lyndisglaður lífsins tafl
leikandi hann teflir