Fréttabréf Öryrkjabandalags Íslands - 01.03.2000, Blaðsíða 17

Frá aðalfundi bandalagsins á liðnu hausti.
lagsins dags 3. nóv. '99. Einnig las
Helgi heimasíðu MS félagsins þar
sem þetta mál er rakið frá sjónarmiði
stjórnar MS félagsins. Helgi kvað
þetta mál hið leiðinlegasta á tólf ára
ferli sínum hjá Öryrkjabandalagi Is-
lands og lýsti hryggð sinni með
málavexti alla.
Hafdís Hannesdóttir sem sat
fundinn sem varamaður MS félagsins
í stjórn ÖBÍ, til þess kjörin á aðal-
fundi MS félagsins, las upp yfir-
lýsingu frá á þriðja tug félaga í MS
félaginu þar sem þau telja úrsögn
ekki gilda þar sem ákvörðun hefði
ekki verið borin undir lögmætan fund
félagsmanna. Samkvæmt lögum
ÖBI hefur úrsögnin enn ekki tekið
gildi (í desember '99) þar sem lög
kveða á um að úrsögn verði að hafa
borist 6 mánuðum fyrir lok reikn-
ingsárs bandalagsins.
Miklar umræður urðu um málið og
lýstu menn undrun og hryggð yfir
þessari stjórnarákvörðun MS fé-
lagsins sem ekki hefði verið staðfest
af félagsfundi eða aðalfundi fé-
lagsins. Vildu menn vona að úrsögn
þessi yrði dregin til baka og loka-
niðurstaða langra umræðna sú að
framkvæmdastjóri ræddi við for-
mann MS félagsins um framvindu
máls, afturköllun úrsagnar eða
ítrekun á nýju ári.
3. Djáknaþjónusta.
Garðar formaður rakti það mál.
Frá því um miðjan ágúst hefði Guð-
rún K. Þórsdóttir sinnt starfi sem
djákni hjá ÖBÍ í 10% starfi sem til-
raunaverkefni. Tilraunin hefði gengið
mjög vel og margir leitað til Guð-
rúnar og hún til margra einnig. Hefði
staðið fyrir samverustundum á
mánudögum og tveim samkomum
vel sóttum.
Lagði Garðar til skv. samþykkt
framkvæmdastjórnar að Guðrún yrði
ráðin til starfa árið 2000 í sama
starfshlutfall og verið hefði.
Var það samþykkt með öllum
greiddum atkvæðum gegn einu.
Jafnframt skyldi rætt við Þjóðkirkj-
una um fjárhagslega samvinnu um
þetta verkefni.
4. Önnur mál.
Nokkur umræða varð um kjaramál
oghvatttilþessaðstjórnÖBI fyl-
gdist vel með gangi viðræðna í
væntanlegum kjarasamningum og
fengi að hafa þar ítök ef mögulegt
væri.
Formaður lýsti yfir því að stefnt
væri að því að drög að fjárhagsáætlun
lægju fyrir um miðjan janúar og yrði
hún svo afgreidd í febrúar.
Heidi Kristiansen vakti máls á
stuðningi við starfsemi Lýðskólans
en einmitt margir misþroska nem-
endur sem sæktu í það nám.
Fundi var svo slitið af formanni um
kl. 19.15 og gengu þá stjórnarmenn
til veglegs jólahlaðborðs.
H.S.
Hlerað í hornum
Sú litla sem var vön sveitinni beið á
leikskólanum eftir því að komast að til
að pissa, en Jakob leikfélagi hennar
pissaði á fullu og sú litla fylgdist með.
Allt í einu segir hún. “Nei, Jakob
minn, svona áttu ekki að gera. Pabbi
heldur allt öðruvísi um spenann sinn.”
* **
Maður einn var í heimsókn hjá list-
málaranum vini sínum og dáðist að
myndum hans allt um kring. “Mikið
væri nú dásamlegt að mega taka þessa
fögru liti heim með sér”, sagði
aðdáandinn. Þá sagði listmálarinn:
“Mér sýnist þú nú ætla að gera það, þú
situr nú á málningarbakkanum.”
Fjórir menn. 30 ára, 40 ára, 50 ára og
60 ára komust við illan leik upp á eyju
eina eftir að skip þeirra hafði farist og
þeir bjargað sér þó á hriplekum skips-
bátnum. Þegar þeir hafa komist upp á
eyjuna litast þeir um og sjá þá aðra
eyju skammt undan og þar á strönd-
inni er fullt af léttklæddum konum.
Sá þrítugi segir þá: “Syndum yfir og
hittum þær”. Sá fertugi segir: “Engan
asa, við skulum gera við bátinn og
fara svo yfir.” Þá mælir sá fimmtugi:
“Eigum við ekki bara að sjá til og vita
hvort þær koma ekki yfir til okkar.”
Þá heyrist í þeim sextuga: “Hvaða,
hvaða, eins og við sjáum þær ekki
alveg nógu vel héðan.”
Unga stúlkan var á göngu með vini
sínum í Hljómskálagarðinum og spyr
þá allt í einu: “Viltu ekki sjá hvar
botnlanginn var tekinn úr mér?” “Jú,
endilega, endilega,” sagði vonglaður
vinurinn. Þá benti stúlkan og sagði:
“Þarna, á Landspítalanum.”
Hljóðfæraleikarinn átti að fara í upp-
skurð á mánudegi og spurði lækninn
hvort hann mundi geta leikið með
hljómsveitinni næsta laugardag. “Það
held ég. Ég skar einn upp í síðustu
viku og hann var farinn að leika á
hörpu á himnum daginn eftir.”
Maður einn hringdi óðamála í lög-
regluna: “Það er búið að stela stýr-
inu, gírstönginni og mælaborðinu úr
bílnum minum og einhverju fleiru.”
Lögreglan tók þetta allt niður, en
örfáum augnablikum síðar hringdi
maðurinn aftur og sagði: “Þetta er
allt í lagi. Ég settist bara inn í aftur-
sætið.”
FRÉTTABRÉF ÖRYRKJABANDALAGSINS
17