Íþróttablaðið - 01.09.1948, Blaðsíða 16
8
ÍÞRÓTTABLAÐIÐ
verða 3. og komast í úrslitin. Þar meS
misstu Ástralíumenn sína síðustu og
mestu von. Treloar, sem þó var tvibúinn
að hlaupa á 10,5. En það voru fleiri en
hann, sem voru farnir að láta á sjá eftir
3 hörð 100 m. hlaup og tókst ekki að
varðveita hámarkssnerpuna nema í 1—2
skipti.
1 úrslitunum, sem fram fóru 1% kl.st.
síðar dró Patton 1. og verstu braut, Ewell
aðra, La Beach Þriðju, McCorquodale
fjórðu, Bailey fimmtu og Dillard yztu
braut. Við fyrstu tilraun „þjófstörtuðu"
Bretarnir og mun það ekki hafa styrkt
taugarnar í hinum. Ræsirinn var fljótur
að gefa merki í annað sinn og maður
hafði varla áttað sig fyrr en skotið var
riðið af og hlaupararnir þotnir af stað.
Dillard var fyrstur upp að vanda og hinir
nokkuð svipaðir nema Patton, sem aldrei
þessu vant var seinn af stað og lengi að
komast á ferð. Miðja vegu fór Ewell að
vinna sig fram úr hinum og dró með sér
La Beach og McCorquodale. Þótt Patton
væri þegar búinn að missa alla sigurvon.
missti hann þó ekki tökin á sínum fallega
hlaupastíl og vann ósjálfrátt inn á hina
síðustu metrana. En nú var markinu náð,
Ewell teygði fram brjóstið og hugðist
snerta snúruna, sem Dillard hafði þegar
numið við. En þar sem 3 brautir voru á
milli þeirra var óhægt um samanburð a.
m. k. virtist Ewell álita sig hafa sigrað
og réði sér ekki fyrir fögnuði. Voru menn
nú ekki á eitt sáttir um hvernig hlaupið
hefði farið og ekki bætti Það úr skák
að yfirmarkdómarinn óskaði eftir mark-
kvikmyndinni áður en hann gæfi úr •
skurð. Þegar úrslitin voru tilkynnt kom
í ljós að það var Dillard, sem hafði unn-
ið á sama tíma og þetta hlaup vannst á
í Los Angeles 1932 og Berlín 1936 —
sem sé 10,3 sek. Ewell var svo næstur —
% metra á eftir á 10,4 sek. (sem að
vísu er helzt til mikill tímamunur). La
Beach og McCorquodale, sem höfðu báðir
unnið mikið á síðustu metrana voru
næstum samhliða fast á eftir Ewell og í
mesta lagi 1 metra á eftir Dillard. Þá
kom loks hinn heillum horfni Patton hálf
um metri þar á eftir og í sjötta og síðasta
sæti Bailey, um hálfum öðrum metra á
eftir Patton. Hafði hann slegið af hrað-
anum siðustu metrana. (Var lasinn að
sögn). Tími 3. manns, La Beach var til-
kynntur 10,6!! — og samsvarar það því
Harrison Dillard.
að hann hafi verið heila sekúndu með
síðasta metrann, en vitanlega var hann
10 sinnum fljótari, því hann hleypur met-
rann á tæpum 1/10 úr sek. Er þessi aug-
ljósa tímaskekkja því leiðrétt hér að
framan. Sjá ennfremur grein á bls. 38
Þennan dag var dálítil gola í fang
hlaupurunúm og verður því að telja tím-
ana mjög góða. Brautin á vafalaust sinn
þátt í því, þótt hún þyldi illa blevtu
og rigningu. Tími Dillards — 10,3 sek. —
var talinn jafna Olympíska metið sem
Owens setti 1936. Þetta var þó ekki
allskostar rétt, því það var Tolan, sem
hljóp fyrst á 10,3 árið 1932 og setti þá
Olympískt met, en síðan bætti Owens það
um 1/10 úr sek. á leikunum 1936. Að
visu var meðvindur of mikill til þess að
afrekið fengi staðfestingu sem heims-
met, en það breytir ekki þeirri stað-
reynd að það væri Olympískt met —
en það er einungis bezti árangur, sem
næst á Olympíuleikunum.
Sigur Dillards var vel verðskuldað-
ur. Þegar öllu er á botninn hvolft var
hann öruggasti spretthlauparinn og
vinsælli íþróttamaður er vandfundinn.
Fyrir fáum mánuðum hefði þó fáum
dottið í hug að gizka á hann sem sig-
urvegara í 100 m. hlaupi. en hinsvegar
reiknaði allur heimurinn með honum
sem öruggum sigurvegara í 110 m.
grindahlaupi. Þetta snerist samt alveg
við, því Dillard fataðist í grindahlaup-
inu á Olympíuúrtökumóti Bandaríkj-
anna og varð að hætta. Samkvæmt.
hinum ströngu reglum voru eingöngu
3 fyrstu menn valdir í Olympíuliðið og
var ekki einu sinni gerð undantekning
með Dillard þótt hann væri heims-
methafi í 110 m. grindahlaupi (13,6).
Dillard tók óhappinu eins og góðum
íþróttamanni sæmdi og reyndi að komast
í liðið á öðrum vettvangi, 100 m. hlaup-
inu. Það tókst, hann varð þriðji á eftir
Ewell og Patton. Þótt Harrison Dillard
sé einn bezti spretthlaupari heimsins,
hefir hann þó fram til Þessa verið kunn-
ari sem grindahlaupari. Á hann heims-
metin í 110 m. og 200 m. grindahlaupi
(13,6 og 22,3 sek.) 100 m. hefir hann
hlaupið á 10,3 og 200 m. á 21 sek., en
mjög sjaldan keppt á þeirri vegalengd.
Snemma kveðst Dillard hafa tekið Ow-
ens sér til fyrirmyndar, enda eru þeir
úr sama byggðarlagi og hafa gengið á
sama skóla. Nú hefir Dillard að nokkru
leyti fetað í fótspor meistarans, þótt
hlaupa- og vaxtarlag hans sé ekki eins
fullkomið og hjá Jesse Owens.
Patton „fljótasti maðurinn í heimin-
um,“ sem flestir höfðu talið ósigrandi
var ekki í essinu sinu í úrslitahlaupinu.
Aðra afsökun hafði hann ekki fram að
færa. „En 200 metra hlaupið er ekki
búið enn“ bætti hann við!
200 METRA HLAUP:
Heimsmet: 20,2 sek. La Beach, 191/8 (*
Olympsmet: 20,7 selc. J. Owens, USA 193S
1. M. Patton, USA .... 21,1 sek.
2. H. N. Ewell, USA . . 21,1 sek.
3. La Beach, Panama . . 21,3 sek.
4. McKenley, Jamaíca . . 21,3 sek.
5. Cliff Bourland, USA 21,3 sek.
6. L. Laing, Jamaíca . . 21,6 sek.
*) Þetta met var sett í 220 yards
hlaupi og var tími tekinn á báðum
vegalengdum, 20,2 á 200 m. og 20,3 á
220 yards, sem er um 1 metra lengra.
Owens átti fyrra metið 20.3 sek., sem
var hlaupið á 220 yards braut og þvi
í raun og veru jafngott þessu meti.
Bæði metin voru sett á beinni braut.