Íþróttablaðið - 01.09.1948, Blaðsíða 17

ÍÞRÓTTABLAÐIÐ
9
200 m. hlaupið (1. riðilV. 1. McKenley, 2. Haggis, 3. Haukur og 4- Lines.
Eftir að hafa hvílzt vel þriðja dag
leikanna — sem var sunnudagur ■—
þurftu spretthlaupararnir að ganga í
gegnum nýja tveggja daga eldraun ■—
200 metra hlaupið, sem fór fram mánu-
daginn 2. og þriðjudaginn 3. ágúst. —
Undanrásirnar hófust kl. 2,30 fyrri dag-
inn í logni og hita. Hlaupið var í 12
riðlum eins og í 100 m. hlaupinu, en
til leiks mættu 49- keppendur. Þurftu
þeir, sem komust í úrslitahlaupið því
að hlaupa 200 metra sprettinn 4 sinn-
um á 2 dögum. 1 1. riðli hljóp landi
okkar Haukur Clausen og þótt hann
hefði lent með McKenley (heimsmet-
hafanum í 400 m. hlaupi), höfðum við
•góða von um að hann yrði 2. í riðlin-
um og kæmist þannig í fyrri milliriðil.
Þetta fór þó á annan veg, því Kanada-
maðurinn Haggis reyndist of sterkur
fyrir Hauk. McKenley varð langfyrstur
á 21,3 sek. eftir svo tilþrifamikið og
létt hlaup að orð fá vart lýst. Þegar
200 m. úrslit. íphoto finish).
beygjunni lauk virtist Haukur vera
búinn að ná Haggis, sem hljóp á ytri
braut, en þegar sá síðarnefndi vildi
ekki gefa sig var eins og Haukur missti
stílfegurðina og flugið og tókst honum
aðeins að lafa í Kanadamanninum. ■—
Tími beggja var 22,2 sek. 4. í riðlinum
var Lines frá Bermuda á rúmum 23 sek.
Það var mjög gaman að fylgjast með
þessum undanrásum og nú fyrst gafst
manni gott tækifæri til að athuga
hlaupástíl spretthlauparanna. I 100 m.
hafði spenningurinn og hraðinn verið
svo mikill að slíkar athuganir fóru
venjulega fyrir ofan garð og neðan.
Beztu undanrásartímarnir voru þessir:
McKenley og Bourland 21,3, La Beach
21,4; Ewell og Patton 21,6; Treloar 21,7;
Van Heerden (S-Afríka), Chacon (Kúba)
og Laing 21,8 og loks Silva (Braziliu)
21,9 sek. Þrír þeir síðastnefndu urðu
nr. 2 í sínum riðlum, en hinir sigruðu.
2. og 10. riðill unnust á 22,3 sek. eða
lakari tími en 3. maður hafði fengið í
4. riðlinum. Lakasta tímann af þeim,
sem urðu nr. 2 og komust í miiliriðil,
hafði De Saram, Ceylon, 23,1 sek.
Það reyndi lítið á beztu hlauparana
i þessari fyrstu umferð, en þó gat mað-
ur ekki varizt þeirri hugsun að Mc
Kenley og Bourland yrðu skæðir úr-
slitamönnunum úr 100 metrunum, sem
þarna voru. Einnig virtist Ástraliumað-
urinn Treloar hafa fullan hug á því
að hefna ófara sinna í 100 m. Þegar
komið var fram í 10. riðil fór að rigna
(þetta var sama daginn og úrslitin í
5 km. hlaupinu) og í fyrri milliriðli var
nokkur mótvindur á beinu brautinni.
1 þessari annari umferð, sem hófst
kl. 4,15 urðu stjörnurnar að taka á fyrri
hluta hlaupsins, en síðan var það á-
berandi hve mjög þær spöruðu sig síð-
ustu metrana.. Þær hugsuðu sem sé
fyrst og fremst um það að vera ekki
aftar en í 2. - 3. sæti, en 3 fyrstu kom-
ust í síðari milliriðla (semifinal).
McKenley lenti nú á móti Ewell og
vann með yfirburðum í annað sinn á
21,3 (Ewell hafði 21,8) Bourland vann
einnig aftur á sama tíma og áður 21,3,
á undan Treloar 21,5. La Beach vann
þriðja riðilinn rétt á undan Laing
„litla“ frá Jamaíca (21,7 og 21,8) og
loks vann Patton 4. og síðasta riðilinn
á 21,4 sek. með McCorquodale í öðru
sæti (21,8). Var auðséð að 200 metra
hlaupið lá ekki eins vel fyrir Bretan-
um og 100 metrarnir.
Kl. 3,30 daginn eftir, hófust undan-
úrslit 200 m. hlaupsins. Fyrri riðillinn
var greinilega léttari, þar voru aðeins
3 í sérflokki, Úrslit urðu þessi: 1. Mc
Kenley 21,4; 2. Patton 21,6; 3. Ewell
21,8; 4. Silva; 5. Heerden; 6. Valle.
Það var auðséð að Patton og Ewell
gátu meira sér í lagi Patton, en báðir
hafa eflaust viljað eiga eftir nægilegt
eldsneyti í úrslitahlaupið skömmu síðar
Mel Patton í keppni við Ewell.