Íþróttablaðið - 01.09.1948, Blaðsíða 29
ÍÞRÓTTABLAÐIÐ
21
400 m. grindahlaup, úrslit: Sigurvegarinn Coclirau (339) er að hlaupa yfir síð-
ustu grindina. 2. varð White (22), 3. Larsson (128), 4. Ault (338), 5. Cros (327).
sem hafði unnið Lidman daginn áður
varð 4. í þessum riðli. Þessir 6 menn
kepptu svo til úrslita 2 timum síðar.
Úrslitahlaupið varð sögulegt að því
leyti að viðbragðið mistókst í 2 fyrstu
skiptin. Fyrst brá Dixon of fljótt við og
síðan Porter og Seott. Og Þótt ræsirinn
kallaði þá til baka, gátu þeir ekki stöðv-
að sig fyrr en eftir 3 til 4 grindur (ca.
40 til 50 metra). Loks tókst ræsi að
hemja þá og skjóta án Þess að þeir
hreyfðust. Dixon (á 1. braut) og Porter
(á 2. braut) virtust taka foruztuna og
hlupu alveg í takt yfir fyrstu grindurn-
ar. Scott mun þó sennilega hafa verið að-
eins á undan, en hann hljóp á 6. braut og
því erfitt um samanburð. Það var unun
að sjá hve vel Bandarikjamennirnir hlupu
yfir grindurnar og hvilík tilþrif á milli
þeirra. Á siðustu grindinni var eins og
Dixon missti jafnvægið eitt augnablik
og það nægði til þess að Porter varð
greinilega á undan. En um leið og hann
snerti marksnúruna sást hvar Scott kom
eins og skollinn úr sauðaleggnum á yztu
brautinni og kastaðist einnig á snúruna
þeim megin. Virtist manni hann hafa
orðið annar en timi myndi verða sá sami
á honum og Porter. Því miður var tíma-
úrskurðurinn allur annar en hið raun-
verulega bil og fengu dómararnir þó fyrst
að athuga markkvikmyndina. Gerðu þeir
2/10 úr sek. mun á 1. og 2. manni, en létu
2. og 3. hafa sama tíma. Markmyndin
sýndi hinsvegar að Porter var 30 cm.
á undan Scott, sem aftur var álíka langt
á undan Dixon. Tími Porters 13,9 er nýtt
Olympsmet og hafa bæði Scott og Dix-
on því bætt fyrra metið, sem var
14,1 sek., þótt þeir fengju ekki meira en
14,1 sek. hjá tímavörðunum. Hinir þrír
voru langt á eftir og börðust þó engu
minna innbyrðis en verðlaunamennirnir.
Náði Triulzi 4. sætinu örlítið á undan
Gardner, en Lidman komst úr jafnvægi
á siðustu grindinni og varð að sætta sig
við 6. sætið.
Porter hafði áður hlaupið á 13,9 sek.
og unnið sér það til frægðar að hafa
þrisvar sigrað Dillard. Stíll hans er ó-
venju fallegur, ekki ósvipaður Tawns,
Olympsmeistaranum 1936, og sjálfur er
maðurinn hinn glæsilegasti. Scott er
minni vexti og ekki eins stílhreinn, en
Dixon hleypur mjög líkt Dillard, heims-
methafanum i þessu hlaupi.
400 METRA GRINDAHLAUP:
Heimsmet: 50,6 sek. G. Hardin, USA 1934■
Olymysmet: 52,0 sek. G. Hardin USA 1932
1. Roy Cohran, USA . . 51,1 sek.
2. D. White, Ceylon, .... 51,8 sek.
3. R. Larsson, Svíþjóð . . 52,2 sek.
4. Rich. Ault, USA .... 52,4 sek.
5. Y. Cros, Frakklandi. . 53,3 sek.
6. O. Missoni, Italíu .... 54,0 sek.
Það var Roy Cochran, sem fyrst sleit
snúruna á Olympiuleikunum 1948, því
að hann vann fyrsta riðilinn í fyrstu und-
anrásum leikanna — 400 m. grindahlaupi
— sem hófust 35 mín. of seint fyrsta
keppnisdag leikanna — 30. júlí. Var þessi
óstundvísi mikið umtöluð, enda var hún
gersamlega óþörf, orsökin var sú að það
hafði gleymst að merkja fyrir grindunum
þar til hlaupið átti að hefjast.
Keppendur voru 25 og hlupu í 6 riðl-
um, en þaðan fóru 2 fyrstu úr hverjum
riðli í 2 milliriðla og loks 3 fyrstu úr
hvorum í úrslit. Var þetta því alveg sama
fyrirkomulag og í styttra grindahlaupinu.
1 svona erfiðu hlaupi eins og 400 m.
grindahlaupi var hinum betri og reynd-
ari hlaupurum vitanlega ekkert kapps-
mál að taka á fullu í undanrásunum
Kom það því í hlut „miðlungsmannanna“
að spreyta sig til þess að ná í 2. sætið.
Eins og áður er sagt vann Cohran 1.
riðilinn á 53,9 (André, Frakkl. 2. á 54,5).
Whittle Bretlandi vann 2. riðil á 56,9
(sama tíma og Arifon Frakklandi) 3. riðil
vann Holland, Nýja Sjálandi á 54,6 (sama
tíma og Storskrubb) 4. riðil vann Missoni
á 53,9 (Larsson næstur á 54,5). Ault vann
5. riðil á 54,7 (Cros annar á 55,7) og loks
vann óþekktur Ceylonbúi, White, 6. og
síðasta riðilinn á bezta tíma dagsins 53,6
(Kirk, USA var næstur á 54,3). Kom
White alveg á óvart og sýndi það síðar í
milliriðli og úrslitum, að hann var ekkert
lamb að leika sér við.
2 tímum seinna fóru milliriðlarnir fram
og hafði nú tekist svo illa til að 5 „sigur-
vonir“ höfðu lent í fyrri riðlinum, en
varla nema 2 í þeim síðari. Kom það líka
á daginn því 5. maður í fyrri riðli fékk
betri tíma en 2. í þeim síðara. Úrslit urðu
Þessi: 1. milliriðill: 1. Larsson, 51,9 sek.;
2. Ault 52,1 sek. 3. White 52,1 sek.; 4.
Arifon 52,3 sek.; 5. Kirk 52,4 sek.; 6.
André langt á eftir.
Tími Larssons er nýtt Olympsmet, en
ann&rs voru 5 þeir fyrstu svo jafnir að
það var ekki fyrr en á síðustu metrunum,
sem úrslit fengust. Tima úrskurðurinn
gefur ekki alveg rétta mynd af hlaupinu
því að Ault var t. d. mitt á milli Larssons
og White og hefði því frekar átt að fá
52,0. Arifon (á yztu braut) og Kirk voru
„slegnir út“ þótt þeir hlypu á betri tíma
en síðasti Olympsmeistarinn en áttu báð-
ir frekar heima í úrslitunum en t. d.
Cros og Missoni úr síðari riðlinum. —
2. milliriðill: 1. Cochran 51,9 sek.; 2.