Íþróttablaðið - 01.09.1948, Blaðsíða 43

ÍÞRÓTTABLAÐIÐ
35
4:58,0 (4 með). Komst Heinrich þar
með fram úr Simmons i stigum og
hreppti annað sætið. 3. riðil vann Eriks-
son með yfirburðum á 4:35,8 mín. og
virtist hafa fært sig upp um nokkur
sæti. (4 kepp.).
Kl. 9,20 lagði 4. riðillinn af stað. Með-
al hinna 6 keppenda var Örn Clausen,
sem hljóp nú þessa vegalengd í fyrsta
sinn á æfinni! Hann fór sér að engu
óðslega og var orðinn næst síðastur
eftir 300 metra. Frakkinn Sprecher hafði
foruztuna og fór mikinn, en næstur
honum kom svo Finninn Makela og varð
brátt alllangt á eftir Frakkanum. Þeg-
ar einn hringur var eftir fór Örn að
herða ögn á sér og jók síðan ferðina alla
leið í mark. Komst hann fram úr þeim
tveim, sem voru milli hans og Finn-
ans. Úrslit: 1. Sprecher 4:34,0; 2. Mak-
ela 4:58,0; 3. Örn Clausen 5:07,0; 4. Stav-
em 5:07,4; 5. Mukhtar 5:08,4; 6. Ascune
5:09,0 mín. Þannig hafði örn lokið tug-
þrautinni, þeirri fyrstu, sem hann hefir
nokkurntíma tekið þátt í! 5. riðilinn vann
Holmvang á bezta tímanum 4:28,6 mín.
og hlaut því líka að hafa hækkað nokk-
uð á stigalistanum. Loks vann Andersson
1. riSill í 1500 m. hlaupinu. Frá v.: Mond-
schein (616), Kistenmacher (J/32) og
A damczyk (445).
6. og síðasta riðilinn á 4:34,0. Mathias
varð annar á 5:11,0 mín. við mikil
fagnaðarlæti, því öllum var ljóst að
þar með var hann orðinn Olympískur
sigurvegari í þrautinni. 3. og síðastur í
riðlinum var Mullins á 5:17,6 og var
þrautin þar með á enda. Mér var litið
á klukkuna, hún var 20 mínútur geng-
in í 11, og hafði þrautin því stað-
ið yfir í 12 tima Þann dag eða sam-
tals 20 og % tíma báða dagana, þvi
nær heilan sólarhring! Mathias var nú
innilega fagnað af móður sinni, sem
hafði ótrauð beðið þess að hinn 17 ára
gamli sonur hennar lyki þrautinni. —
Annars var orðið fátt áhorfenda á vell-
inum um þessar mundir, aðeins nokkur
hundruð þeirra „aláhugasömustu" og svo
vitanlega blaðamenn og fréttaritarar frá
þeim þjóðum sem keppendur áttu í
þrautinni. Eg hafði fyrir nokkru flutt
mig upp í blaðamannastúkuna til þess
að geta fylgzt betur með Erni í spjót-
kastinu, en eins og ég gat um áðan, hafði
enn ekki verið tilkynnt kastlengdin síð-
ari flokksins. Var því allt á huldu um
raunverulegan heildarárangur þeirra, er
keppt höfðu í þeim flokki. Þegar keppni
þrautarinnar var raunverulega lokið
fóru menn að gerast langeygðir eftir
spjótkastsúrslitunum og létu það óspart
í ljósi. Þulurinn varð var við þessar ó-
ánægjuraddir og lofaði í sífellu að nú
kæmi spjótkastsúrslitin, en án árangurs.
Til gamans ætla ég að birta hér glefsu
úr minnisbók minni, er fjallar um þetta
ástand eins og það kom mér fyrir sjónir
þetta kvöld. „Á elleftu stundu biða mörg
hundruð fréttaritarar frá öllum heims-
álfum, jórtrandi og skapvondir, þyrstir
og hungraðir, ragnandi og bölvandi —
eftir því að fá fréttir af árangri 2. fl.
spjótkastsins, því fyrr geta þeir ekki
gengið frá skeytunum. Fróðir menn
telja að miðinn með árangrinum hafi
týnst í meðförum og sé verið að leita
að honum niðri á vellinum í myrkrinu.
Á annað hundrað áhugasamir blaðamenn
hafa stofnað kór nálægt endamarkinu
og syngja nú fullum hálsi — „.Tavelin
group two, please!“ — Ekkert svar —
þögn og drungi hvílir yfir kallaranum.
Allt í einu rifur hann þó þögnina og
tilkynnir heildarstigatölu fjögurra kepp-
enda og var örn meðal þeirra. Síðan
þagnar kallarinn og tekur „kórinn" aftur
Robert B. Mathias, Olympíumeistari í
tugþraut.
við — „Javelin group two, please“! Kall-
arinn svarar: „As soon as we get it.“
Kórinn: „Thank you“ Kallarinn: „Thank
you“. Báðir þegja. Þá tilkynnir kall-
arinn að nú komi árangurinn eftir 2
mínútur og enn líða 5 mínútur. Loks
kemst hreyfing á einhverjar draugaleg-
ar mannverur, sem hímt hafa í myrkrinu
niðri á miðjum vellinum. Skyldi miðinn
hafa fundist? 2 starfsmenn hlaupa með
eitthvað í höndunum í áttina að sendi-
stöðinni. Nú glymur í kallaranum, þar
fékk hann málið. Tilkynnir hann nú
hverjir sex hafa orðið stighæstir í þraut-
inni, minnist ekki á spjótkastið en biður
i stað þess góða nótt. Kórinn tvístrast,
menn eru orðnir vonlausir um að fá
„group two“ og fara því að hipja sig
heim. Klukkan slær ellevu, vallarljósin
slokkna, en olympíueldurinn lifir.“
Robert B. Mathias hinn 17 ára gamli
háskólapiltur frá Kaliforníu er vafa-
laust yngstur þeirra, sem unnið hafa sig-
ur á Oympiuleikum a. m. k. í tugþraut.
Og þó var þetta aðeins hans þriðja tug-
þraut. Er enginn vafi á þvi að hér er á
ferðinni mikið íþróttamannsefni, sem á
eftir að taka miklum framförum. Per-
sónulegt met hans i tugþraut er 7224
stig frá úrtökumóti Bandarikjanna. —