Íþróttablaðið - 01.12.1991, Blaðsíða 31
sóttar og rætt við starfsmenn um fjöl-
þætt starf sambandsins.
Hver ástæðan er fyrir því að
spjótkast stendur svo upp úr varðandi
stöðugleika er hins vegar erfitt að
skýra og alls ekki einvörðungu með
áðurgreindum velvilja og stuðningi
almennings og yfirvalda.
Eins og líkindi eru til er sífellt
reiknað með finnskum spjótköstur-
um í fremstu röð á stórmótum, þ.e.
Ólympíuleikum, Evrópumeistara-
mótum og Heimsmeistaramótum og
ótrúlega oft hafa þeir staðið undir
væntingum.
Hér á eftir munu talin upp nöfn í
tímaröð og árangur helstu verðlauna-
hafa Finna.
Áður skal þess þó getið að eini
sanngjarni samanburðurinn er sá að
bera viðkomandi íþróttamenn saman
við samtíðarmenn og keppinauta en
bera ekki saman t.d. árangur frá 1930
og 1990. Einnig verður að hafa í huga
þróun spjótsins með tilliti til svif-
hæfni. Nú síðast á þingi IAAF (Al-
þjóða frjálsíþróttasambandsins) er
var haldið í Tokyo í ágúst, var sam-
þykkt að banna þau spjót sem verið
hafa í notkun síðustu misserin og
m.a. var keppt með í Tokyo. Mun
bannið taka gildi frá og með 21. sept-
ember og kastlengd i r styttast væntan-
lega eitthvað í kjölfarið.
Allar þessar tilfærslur hafa þó ekki
breytt einni staðreynd varðandi
spjótkastið - Finnarnir eru alltaf í
fremstu röð.
* JULIUS „JUHO" SAARISTO (f.
1891 d. 1969) sigurvegari í spjótkasti
beggja handa á Ólympíuleikunum í
Stokkhólmi 1912, aðeins 21 árs að
aldri, með 61.00 + 48.42 (vinstri h.) =
109.42 m. Þetta var í eina skiptið sem
keppt var í spjótkasti beggja handa.
Um vorið 1912 varð hann fyrstur til
að kasta spjóti yfir 60 m, eða 61.45
m, en það fékkst aldrei staðfest vegna
„meðvinds", svo fáránlegt sem það
kann að virðast í dag. Besti árangur
hans var 62.39 m.
* JONNI MYYRA (f. 1892 d. 1955)
sigraði tvisvar á Ólympíuleikum,
1920 og 1924, og í sögu nútíma Ól-
ympíuleika hafa aðeins tveir menn
unnið þetta afrek í spjótkastinu. Sví-
inn Erik Lemming sigraði 1908 og
1912. Myyra kastaði 65.78 m á Ól-
ympíuleikunum 1920 í Antwerpen
og 62.96 m á Ólympíuleikunum í
París 1924, þá meiddur. Myyra setti
fyrst heimsmet árið 1919 með því að
kasta 66.10 m. Árið 1925 flutti hann
til Bandaríkjanna og kastaði þar sitt
lengsta kast í Richmond, 68.55 m, en
það fékkst aldrei staðfest sem heims-
met.
* EINA PENTTILLA (f. 1906 d.
1982) setti heimsmet árið 1927 með
69.88 m kasti. VarmeidduráÓlymp-
íuárinu 1928 en náði bronsverðlaun-
um á Ólympíuleikunum í Los Angel-
es 1932. Náði sínum besta árangri
það ár með 70.64 m.
* MATTI JÁRVINEN (f. 1909 d.
1985) af mörgum talinn „konungur"
spjótkastaranna. Járvinen var fæddur
inn íeinhverja mestu frjálsíþróttafjöl-
skyldu sem um getur í Finnlandi.
Faðir hans, Verner, var fyrsti Ólymp-
íusigurvegari Finna, sigraði íkringlu-
kasti (grískri aðferð) árið 1906. Eldri
bræður Járvinens voru í fremstu röð í
heiminum í sínum greinum. Yrjö í
spjótkasti, Kalleátti um tíma Evrópu-
metið í kúluvarpi og Akilles var í
fremstu röð í tugþraut og hlaut verð-
laun bæði á Ólympíuleikunum í Am-
sterdam 1928 og Los Angeles 1932.
Matti Járvinen setti tíu sinnum
heimsmet á ferlinum, bætti metið úr
71.57 m árið 1930 upp í 77.23 m árið
1936. Matti sigraði á Ölympíuleikun-
um 1932 með 72.71 m en Finnarnir
Matti Sippala (silfur) og Eino Penttilla
(brons) fylgdu á eftir. Matti varð
Evrópumeistari 1934 og 1938 en á
Ólympíuleikunum í Berlín 1936 varð
hann að sætta sig við 5. sæti, þá plag-
aður af meiðslum. Matti kastaði
fimmtíu og sjö sinnum lengra en 73
m í keppni og árið 1951, þá 42 ára
gamall, kastaði hann 63.84 m. Þess
má geta að hann var ágætur lang-
stökkvari, náði best 7.26 m.
* YRJÖ NIKKANEN (f. 1914 d.
1985) kastaði 71.30 m tvítugur, eftir
skamman æfingarundirbúning. Hans
besta keppnisár var 1938, þar sem
honum tókst á sex mótum að kasta
lengra en 75 m. Þar af tvisvar heims-
met, fyrst 77.87 m í ágúst og síðan
78.70 m í október en það met stóð í
15 ár. Ekkert heimsmet í spjótkasti
hefur staðið jafn lengi. Nikkanen
varð að gera sér silfurverðlaun að
góðu á þeim stórmótum sem hann
tók þátt í, þ.e. Ólympíuleikunum
1936 í Berlín og Evrópumeistaramót-
um árin 1938 og 1946.
* TAPIO RAUTAVARA (f. 1915 d.
1979) Ólympíusigurvegari á Ólymp-
íuleikunum í London árið 1948. Átti í
æsku við ýmis veikindi að stríða,
þ.á.m. beinkröm, en tókst með harð-
31