Íþróttablaðið - 01.12.1991, Blaðsíða 62

Arndís Ólafsdóttir.
ARNDÍS SKORAR
FYRIR ARSENAL
í leikskrá Arsenal, sem gefin var út
fyrir leik liðsins gegn West Ham 3.
nóvember síðastliðinn, er mynd af
Arndísi Ólafsdóttur, leikmanni KA á
Akureyri. í fyrirsögn segir að Arndísi
hafi notið sín vel þegar stúlkurnar
skoruðu átta mörk. Arndís, sem er
„au pair" í London, skrifaði undir
samning við Arsenal og lék með
varaliði liðsins samkvæmt heimild-
um leikskrárinnar. í leikskránni
stendur: „Nýi liðsmaður Arsenal hóf
ferilinn með nýja liðinu sínu með því
að skora þrjú mörk eða „hat-trick"
fyrir varaliðið. Framkvæmdastjóri
aðal-liðsins fylgdist með leiknum og
hver veit nema Arndís fái brátt tæki-
færi með því liði."
MATTHÁUS SKILINN
Svo virðist sem fleira en það sem
viðkemur knattspyrnu brjótist innra
með þýskum knattspyrnustjörnum
þegar þær flytja sig um set og hefja að
leika með ítölskum knattspyrnulið-
um. Dýrlingur þýskra knattspyrnu-
áhugamanna, Rudi Völler, gerði
mörgum aðdáenda sinna grikk er
hann tilkynnti fyrir nokkru síðan að
hann hefði skilið við konu sína og
hafið sambúð með ungri ítalskri
blómarós. Sparkfræðingarnir þóttust
reyndar merkja konuskiptin á leik
Völlers en hann þverneitaði að það
væri fótur fyrir þeim athugunum.
Fyrir um það bil þremur mánuðum
fylgdi svo Lothar Mattháus, fyrirliði
landsliðsins, í kjölfarið og tilkynnti
skilnað við konuna sem hann hafði
svo stoltur kynnt fyrir heiminum í
miklu verðlaunahófi sjónvarpsstöðv-
ar síðastliðið vor. Sú fékk að fjúka
eftir 10 ára hjónaband og með henni
tvær ungar dætur þeirra. Lothar skipti
yfir í yngri konu og annarskonar að
eigin sögn. Jurgen Klinsmann lifir á
hinn bóginn sínu piparsveinslífi
Lothar Matthaus.
áframefeinhverhefuráhugaen hann
er, samkvæmt fjölmiðlum, alvarlega
þenkjandi ungur maður, umhverfis-
verndarsinni og náttúrudýrkandi.
Klinsmann, fyrst á hann er minnst, er
hættur við að hætta að leika knatt-
spyrnu 1992 eins og hann var búinn
að lýsa yfir. Hann er búinn að gera
samning við Inter Milan til 1996.
„MAGIC" EKKI SÁ
FYRSTI
Það vakti heimsathygli þegar Earv-
in „Magic" Johnson kom fram á
blaðamannafundi og tilkynnti að
hann hefði, við læknisskoðun,
greinst með HIV veiruna í blóðinu.
Fólk hrökk við enda geysilega vin-
sæll íþróttamaður sem hlut átti að
máli — íþróttamaður sem enn var í
fremstu röð. Kjarni málsins hjá John-
son, á áðurnefndum blaðamanna-
fundi, var sá að allir gætu átt það á
hættu að fá þennan illræmda sjúk-
dóm ef ekki væri viðhöfð aðgæsla í
kynferðismálum. Þetta gilti jú vita-
skuld fyrir íþróttafólk eins og aðra
(íþróttafólk er nefnilega fólk eins og
aðrir — með kosti sína og galla).
I umræðunni sem áeftir fylgdi kom
fram að Johnson væri „fyrsti" íþrótta-
maðurinn sem greinst hefði með HIV
veiruna. Þetta er ofmælt en hann er
áreiðanlega sá þekktasti.
Dr. Thomas Waddell sem fyrir um
20 árum var einn fremsti tugþrautar-
maður heims (6. sæti á Ólympíuleik-
unum í Mexíkó 1968) fékk þennan
sjúkdóm og lést úr honum árið 1987.
Eftir að Waddell hætti sjálfur að
keppa beitti hann sér fyrir því að
komið var á sérstökum íþróttaleikj-
um fyrir samkynhneigða (Gay Gam-
es) — sem haldnir hafa verið í Banda-
ríkjunum.
IÞROTTATÆKI
Til notkunar í íþróttahúsum.
Bernharðs Hannessonar s/f.
Suðurlandabraut 12 • sími 91-35810
62