Íþróttablaðið - 01.12.1991, Blaðsíða 52

Þegar Magic tilkynnti það á blaða-
mannafundi, þann 7. nóvember síð-
astliðinn, að hann myndi hætta að
spila körfuknattleik brá fólki svo
sannariega í brún. Ástæðan fyrir
þessari ákvörðun hans var þó enn
átakanlegri. Hún var nefnilega sú að
í Ijós hafði komið að hann er haldinn
HIV veirunni, þeirri sem í fyllingu
tímans mun koma til með að þróa
eyðni í líkama þessa ótrúlega körfu-
knattleiksmanns.
Magic mætti á blaðamannafund-
inn, brosandi þessu fræga brosi sínu
eins og venjulega. Þegar hann til-
kynnti um ákvörðun sína fór fréttin
eins og eldur í sinu um allan heim.
Allir fréttatímar útvarps- og sjón-
varpsstöðva Bandaríkjanna höfðu
þessa frétt fyrsta og öll dagblöð
landsins voru með myndiraf Magic á
forsíðunni. Fréttin þótti svo ótrúleg
að fæstir trúðu henni í fyrstu enda
hefur Magic alltaf verið fyrirmynd
milljóna ungmenna í Bandaríkjunum
og víðar. Hvern hefði grunað að þessi
ógnvænlegi sjúkdómur myndi neyða
hann til að hætta? Að vísu hafði fólk
vitað að Magic lifði lífi sem oft ein-
kennir eftirsótta piparsveina, þ.e.
hann var í sambandi við margar kon-
ur. Hann var þó nýbúin að gifta sigen
það gerði hann þann 14. september.
Þá gekk hann að eiga Cookie Kelly.
Kelly þessi er þó ekki smituð og er
Earvin „Magic"
lohnson, einn
stórkostlegasti
körfuknattleiksmaður
heims, er hættur að
keppa því hann er
með HIV veiruna í
blóðinu
Texti: Þórlindur Kjartansson
það ótrúleg heppni þar sem hún er
nefnilega komin þrjá mánuði á leið.
Magic hefur afrekað ýmislegt á ævi
sinni. Hann fæddist þann 14. ágúst
1959 í Lansing, Michigan. Faðir hans
Earvin Sr. gegndi tveimur störfum svo
Earvin yngri lærði fljótt að til þess að
framfleyta sér þyrfti að leggja hart að
sér. Fljótlega var tekið eftir hæfileik-
um Earvins. Hann var hávaxinn,
hafði mjög góða knattmeðferð og
þegar hann var í menntaskóla leiddi
hann lið sitt til sigurs í fylkiskeppni
menntaskóla íMichigan. Það varein-
mitt í menntaskóla sem Earvin fékk
viðurnefnið Magic. íþróttaritari
dagblaðsins í borginni fylgdist með
Earvin skora 36 stig, taka 18 fráköst,
eiga 16 stoðsendingar og stela 20
boltum íeinum leik. Blaðamaðurinn
gekk til unga mannsins eftir leikinn
og sagði að hann þyrfti að fá eitthvert
viðurnefni. Blaðamaðurinn stakk
upp á nafninu Magic sem á íslensku
útlegst sem Galdur. Earvin sagði bara
„já allt í fína" og síðan hefur hann
ekki verið þekktur undir öðru nafni
en Magic af körfuboltaáhugamönn-
um. Það er oft sagt að ein mynd segi
meira en þúsund orð en það orð, sem
Magic hefur sem gælunafn, segir ef-
laust meira en þúsund myndir um
hvernig hann spilar körfuknattleik.
Eftir að Magic hafði lokið námi við
Everett menntaskólann í Lansing
52
GALDRAMAÐURINN