Morgunblaðið - 15.02.2020, Blaðsíða 22

22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 15. FEBRÚAR 2020
Sótthreinsi-
þrif
Kleppsmýrarvegur 8 | 104 Reykjavík | 581 4000 | solarehf.is | solarehf@solarehf.is
Hafðu samband og við gerum fyrir þig
þarfagreiningu og tilboð í þjónustu
án allra skuldbindinga.
Fyrirbyggjandi aðgerðir
gegn inflúensusmiti
15. febrúar 2020
Gengi Kaup Sala Mið
Dollari 126.42 127.02 126.72
Sterlingspund 164.13 164.93 164.53
Kanadadalur 95.3 95.86 95.58
Dönsk króna 18.401 18.509 18.455
Norsk króna 13.643 13.723 13.683
Sænsk króna 13.116 13.192 13.154
Svissn. franki 129.35 130.07 129.71
Japanskt jen 1.1518 1.1586 1.1552
SDR 172.98 174.02 173.5
Evra 137.52 138.28 137.9
Meðalgengi/Viðskiptavog þröng 168.6917
Hrávöruverð
Gull 1575.0 ($/únsa)
Ál 1706.5 ($/tonn) LME
Hráolía 55.75 ($/fatið) Brent
● Fasteignafélagið Eik hagnaðist um
2.968 milljónir króna í fyrra. Jókst
hagnaðurinn um 396 milljónir frá
árinu 2018. EBITDA nam 5.562
milljónum og jókst um 344 milljónir
milli ára. Leigutekjur jukust talsvert
og námu 7.393 milljónum, sam-
anborið við 6.765 milljónir ári fyrr.
Rekstrarkostnaður jókst minna
og stóð í 3.094 milljónum, sam-
anborið við 2.890 milljónir árið 2018.
Jákvæðar matsbreytingar fjárfesting-
areigna voru mun meiri í fyrra en ár-
ið 2018. Námu þær 2.170 milljónum
króna, samanborið við 1.501 milljón
ári fyrr.
Segir í ársskýrslu félagsins að
EBITDA hafi reynst nokkuð undir spá.
Það hafi fyrst og fremst skýrst af
lakari afkomu Hótels 1919 vegna
áhrifa af gjaldþroti WOW air og raski
vegna endurbóta á herbergjum hót-
elsins. Fjárfestingareignir Eikar voru
metnar á 95,9 milljarða í árslok og
höfðu aukist um 4,6 milljarða frá
fyrra ári. Heildareignir stóðu í 102,6
milljörðum samanborið við 96,7 millj-
arða ári fyrr. Eigið fé nam 32,6 millj-
örðum og hafði aukist um 1.655
milljónir. Skuldir stóðu í rúmum 70
milljörðum og höfðu aukist um rúma
4 milljarða. Eiginfjárhlutfall var 31,7%
í árslok.
Eik varð fyrir neikvæð-
um áhrifum af WOW air
STUTT
BAKSVIÐ
Þóroddur Bjarnason
tobj@mbl.is
Sala nýrra tengiltvinn- og tvinnbíla
verður bönnuð í Bretlandi frá og
með árinu 2035, til að draga úr sót-
spori landsins. Boris Johnson for-
sætisráðherra tilkynnti þetta á
dögunum, en sagt er frá málinu í
The Daily Telegraph.
Sala nýrra bíla sem brenna jarð-
efnaeldsneyti verður bönnuð í
landinu frá sama tímapunkti.
Ástæðan fyrir því að tvinnbílar eru
nú komnir inn í jöfnuna í Bretlandi
er sú, eins og segir í Telegraph, að
ýmsir hafa haft áhyggjur af því að
slíkir bílar noti rafmagn aðeins
takmarkað í akstri, áður en jarð-
efnaeldsneytið tekur við því hlut-
verki að knýja bílinn áfram.
Bílgreinasambönd í Bretlandi
tala um svik við eigendur tvinnbíla
í landinu, og að ákvörðunin muni
hafa afleiðingar. Segja þeir að tug-
ir þúsunda bíleigenda hafi verið
hvattir til þess að kaupa farartæk-
in í þeirri trú að þau væru
umhverfisvæn, og óttist nú að
endursöluverðið muni falla eftir því
sem árið 2035 færist nær.
Í loftslagsáætlun íslensku ríkis-
stjórnarinnar frá árinu 2018, sem
nú er í endurskoðun, er gert ráð
fyrir að banna sölu nýrra jarðefna-
eldsneytisbíla frá árinu 2030, fimm
árum fyrr en í Bretlandi. Ekki er
þó kveðið sérstaklega á um tvinn-
bíla í áætluninni.
Lína dregin í sandinn
Sigríður Halldórsdóttir,
aðstoðarmaður umhverfisráðherra,
segir í samtali við Morgunblaðið að
með því að tala um bensín- og dís-
ilbíla í áætluninni hafi verið dregin
lína í sandinn, til að stuðla að
minni umhverfisáhrifum bílaflot-
ans. „Nú er verið að útfæra þetta
nánar, og það er von á uppfærðri
áætlun á næstu vikum. Þar verða
ýmsar breytingar kynntar til sög-
unnar.“
Jón Trausti Ólafsson, formaður
Bílgreinasambandsins, segir í sam-
tali við Morgunblaðið að sú áætlun
ríkisstjórnarinnar að banna sölu
nýrra jarðefnaeldsneytisbíla frá
2030 sé hvatning til fólks um að búa
sig undir tímamótin. Hann segir að
þetta megi sjá nú þegar í sölutöl-
um. Það sem af er ári eru „nýorku-
bílar“ að hans sögn 35% seldra
fólksbíla, þ.e.a.s. bíla sem knúnir
eru rafmagni að öllu leyti eða ten-
giltvinnbílar. Tvinnbílar séu þar til
viðbótar rúmlega 15% af heildar-
fjölda seldra fólksbíla. Jón Trausti
hefur trú á að Íslendingar verði
löngu búnir að skipta yfir í um-
hverfisvæna kosti áður en að árinu
2030 kemur. „Bílaheimurinn allur
er að fara mjög hratt í áttina að
umhverfisvænni kostum.“
Jón Trausti segir að drægi raf-
magnsbíla og tengiltvinnbíla auk-
ist með hverri nýrri kynslóð sem
komi á markaðinn. „Drægi
tengiltvinnbíla á rafmagni er t.d.
allt að 100 km í dag, sem þýðir að
eigandinn er að keyra kannski
hátt í 80% af sínum akstri á raf-
magni ef hann hleður bílinn
reglulega.“
Spá 10% vexti í bílasölu
Nú eru um 280.000 skráðar bif-
reiðar á Íslandi, að sögn Jóns
Trausta, en nýskráningar hafa
verið um 12-20.000 bílar á ári.
„Stefna ætti að því að hækka til
muna hlutfall rafbíla og annarra
vistvænna ökutækja, þannig að
þeir verði a.m.k. um 100.000 árið
2030. Við gerum ráð fyrir að sala
nýrra bíla aukist um 10% á þessu
ári sem er mjög hófsamur vöxtur
en raunhæfur um leið, þar sem
kaupmáttur er sterkur hér á
landi,“ segir Jón Trausti.
Sala nýrra tvinnbíla verður
bönnuð í Bretlandi frá 2035
Umhverfið
» Nýskráðir hafa verið um
12-20.000 bílar á ári á Ís-
landi.
» Nýorkubílar eru 35%
seldra fólksbíla hér á landi
það sem af er þessu ári.
» Ekki er kveðið sérstaklega
á um tvinnbíla í íslensku
loftslagsáætluninni frá árinu
2018.
» Formaður Bílgreina-
sambandsins hefur trú á að
Íslendingar verði löngu búnir
að skipta yfir í umhverfis-
væna kosti fyrir árið 2030.
 Von á breytingum í uppfærðri loftslagsáætlun íslensku ríkisstjórnarinnar
Rafmagn 8%
Tvinn 9%
Tengiltvinn 10%
Nýorkugjafar og nýskráningar ökutækja 2000-2019
Nýskráningar ökutækja og meðaltalsútblástur 2000-2019 Nýskráð ökutæki 2019, skipting eftir orkugjöfum
30
25
20
15
10
5
0
220
200
180
160
140
120
100
Dísil Bensín
Nýorkugjafar
'00 '01 '02 '03 '04 '05 '06 '07 '08 '09 '10 '11 '12 '13 '14 '15 '16 '17 '18 '19
Þús. nýskráninga Útblástur CO2 Fjöldi nýskráðra ökutækja
Meðaltalsútblástur CO2
nýskráðra ökutækja
Metan 0,5%
Nýorkugjafar
Orkugjafar
30%
42,5%
27,5%
Hagnaður Skeljungs í fyrra eftir
skatta nam 1.409 milljónum króna og
dróst saman um tæp 11% frá fyrra
ári þegar hagnaðurinn nam 1.573
milljónum. Arðsemi eigin fjár var
15$ og lækkaði úr 19% frá fyrra ári.
Félagið skilaði uppgjöri eftir lok-
un markaða á fimmtudag. Bréf fé-
lagsins hækkuðu í viðskiptum gær-
dagsins um 3% í ríflega 340 milljóna
króna viðskiptum.
EBITDA ársins 2019 reyndist
3.422 milljónir og hækkaði um 4,9%
frá fyrra ári. Framlegð ársins nam
8.703 milljónum og hækkaði um
11,4% frá fyrra ári. EBITDA sem
hlutfall af framlegð var 39,3% en var
41,8% árið 2018.
Eigið fé Skeljungs í árslok 2019
var 9.823 milljónir króna. Vaxtaber-
andi skuldir voru 6.022 milljónir og
höfðu lækkað frá fyrra ári um 2.812
milljónir. Eiginfjárhlutfall var 40,2%
og hafði hækkað úr 36,4% 12 mán-
uðum fyrr.
Stjórn félagsins gerir tillögu til að-
alfundar um greiðslu 600 milljóna í
arð. Félagið keypti eigin bréf á liðnu
ári fyrir 550 milljónir króna og er
gerð tillaga til aðalfundar um af-
skráningu þeirra. Árni Pétur Jóns-
son, forstjóri Skeljungs, segir liðið ár
hafa verið félaginu hagfellt, náðst
hafi að draga úr fjárbindingu sam-
stæðunnar og lækka vaxtaberandi
skuldir. Bendir hann einnig á að yf-
irstandandi ár muni verða helgað
orkuskiptum, þróun á smásöluhluta
fyrirtækisins, fasteignum þess og
lóðum, ásamt því að ná betri samlegð
út úr rekstri samstæðunnar.
„Sterk fjárhagsstaða Skeljungs
skapar tækifæri til frekari fjárfest-
inga,“ segir Árni Pétur. ses@mbl.is
Breytingar Árni Pétur segir orku-
skipti eitt af stóru verkefnunum.
Skeljungur hækkar
í kjölfar uppgjörs
 Félagið skilaði
1.409 milljóna
hagnaði í fyrra