Morgunblaðið - 15.02.2020, Blaðsíða 27

UMRÆÐAN 27
MORGUNBLAÐIÐ LAUGARDAGUR 15. FEBRÚAR 2020
H a m r a b o r g 1 2 • 2 0 0 K ó p a v o g u r • 4 1 6 0 5 0 0
Villi tekur
á móti gestum
á Eignaborg eins og hann
hefur gert síðastliðin 40 ár.
Hringdu eða kíktu við í kaffi.
Við erum alltaf á sama stað
í Hamraborg 12.
Óskar Bergsson, löggiltur fasteignasali, sími 893 2499 og oskar@eignaborg.is
Bestu kveðjur, Villi
sími 864 1190, villi@eignaborg.is
Guðmundur Kjartanssonog Dagur Ragnarssoneru jafnir í efsta sætiþegar ein umferð er eftir
í A-flokki Skákhátíðar MótX sem
staðið hefur yfir frá janúarbyrjun
en teflt hefur verið einu sinni í viku
í Stúkunni á Kópavogsvelli. Þeir
hafa báðir hlotið 5 vinninga af sex
mögulegum og eru vinningi á und-
an næstu mönnum sem eru Hjörv-
ar Steinn Grétarsson, Ingvar Þ. Jó-
hannesson, Halldór G. Einarsson
og Davíð Kjartansson sem eru allir
með 4 vinninga.
Í síðustu umferð sem fer fram
næsta þriðjudagskvöld hefur Dag-
ur svart gegn Ingvari Þ. Jóhann-
essyni en Guðmundur teflir við
Halldór G. Einarsson einnig með
svart. Báðir efstu menn eru þessa
dagana að keppa að ákveðnu marki,
Guðmund vantar lítið upp á til að
verða stórmeistari og Dagur stefn-
ir að titli alþjóðlegs meistara.
Í B-riðli komust Pétur Pálmi
Harðarson og Guðni Pétursson í
efsta sætið með sigri sl. þriðjudag
og eru báðir með 5 vinninga af sex
mögulegum. Arnar Milutin og Jó-
hanna Björg Jóhannsdóttir koma
næst með 4½ vinning.
Hannes Hlífar byrjar í Prag
Hannes Hlífar Stefánsson vann
skák sína í fyrstu umferð í áskor-
endaflokki Skákhátíðarinnar í Prag
sem hófst á miðvikudaginn. Í
flokknum tefla tíu skákmenn allir
við alla og þar sem Hannes var sá
eini sem náði að vinna í fyrstu um-
ferð er hann einn í efsta sæti.
Sigurvegarinn í áskorendaflokkn-
um öðlast rétt til að tefla í efsta
flokki að ári. Þar hófu leikinn á
miðvikudag kappar á borð við Ír-
anann Firouzja, Tékkann Navara,
Indverjann Vidit, Svíann Grande-
lius og Bandaríkjamanninn Shank-
land svo nokkrir séu nefndir.
Sigur Hannesar Hlífars í fyrstu
umferð var sannfærandi en
skemmtilegir biskupsleikir hans í
miðtaflinu virtust slá andstæðing-
inn út af laginu. Úrvinnsla Hann-
esar eftir að hann vann peð var
fumlaus:
Skákhátíðin í Prag; 1. umferð:
Hannes Hlífar Stefánsson – Ta-
deas Kriebel (Tékkland)
Sikileyjarvörn
1.e4 c5 2. Rf3 e6 3. d4 cxd4 4.
Rxd4 Rc6 5. Rc3 Dc7 6. Be2 Rf6 7.
0-0 Be7 8. Be3 0-0 9. f4 d6 10. Kh1
Rxd4 11. Dxd4 e5 12. Dd3 b6 13.
Had1 Bb7 14. Bf3 Had8 15. f5 Hfe8
16. Bf2 Dc8
Svartur hefur lagt mikið upp úr
því að sleppa „skylduleiknum“ a7-
a6 og þarna er ástæðan komin
fram. Hann vill skjóta biskupnum
til a6 en það er raunar ekki merki-
lega hótun.
17. Hfe1 Ba6 18. Dd2 d5!
Best. Svartur væri mjög að-
þrengdur án þessa leiks.
19. Rxd5 Rxd5 20. exd5 Dxf5 21.
He4 Bd6 22. Bh4 Hc8 23. Hde1
Dd7 24. Bh5?!
Þessi leikur er í raun fremur
vafasamur ef svartur bregst rétt
við.
24. … Hf8?
Hann gat leikið 24. … g6! og
möguleikar svarts eru betri því að
hvorki 25. Dh6 eða 25. Bf6 er
hættulegir leikir.
25. Bf6!
Bráðsnjallt og byggist á einfaldri
hugmynd: 25. … gxf6 26. Hg4+
Kh8 27. Dh6 og vinnur.
25. … Df5 26. Bxe5 Hcd8?
Eftir þennan leik er eftirleik-
urinn auðveldur. Hann varð að
leika 26. … Bxe5 27. Hxe5 Dxc2 og
svartur getur varist. Nú er hann
peði undir og hefur engar bætur.
27. Bf3 Bxe5 28. Hxe5 Df6 29.
b3 Dd6 30. He7 Bc8 31. Hxa7 Bd7
32. Df2 f5 33. Hb7 Hf6 34. c4 Hh6
35. h3 Hf8 36. De3 Hhf6 37. He2
Bc8 38. He7 Dg3 39. Df2 Dd6 40.
Dh4 Bd7 41. H2e5 h6 42. b4 Ba4
43. a3 Bc2 44. H5e6 Dd8 45. Dg3
H6f7 46. De5 Be4 47. hxf7 Kxf7
48. Bh5+
– og svartur gafst upp.
Skák
Helgi Ólafsson
helol@simnet.is
Sigsteinn Pálsson fæddist í
Tungu í Fáskrúðsfirði 16. febr-
úar 1905. Hann var sonur
hjónanna Elínborgar Stefáns-
dóttur og Páls Þorsteinssonar,
bónda og hreppstjóra í Tungu.
Eiginkona Sigsteins var Helga
Magnúsdóttir, f. 1906, d. 1999.
Þau eignuðust tvö börn.
Sigsteinn og Helga hófu bú-
skap á Melavöllum í Reykjavík
árið 1940. Tveimur árum síðar
tóku þau við búskap á stórbýl-
inu Blikastöðum í Mosfellssveit
þegar faðir Helgu lést. Þar
ráku þau eitt stærsta og glæsi-
legasta kúabú landsins í þrjá
áratugi. Árið 1973 hættu þau
kúabúskap en bjuggu áfram á
Blikastöðum til ársins 1992, en
fluttu þá til Reykjavíkur.
Sigsteinn var alla tíð sjálf-
stæðismaður. Hann tók virkan
þátt í félagsmálum, bæði fé-
lagsmálum bænda og í Mos-
fellssveit. Hann var hreppstjóri
Mosfellshrepps í tvo áratugi og
um skeið formaður sóknar-
nefndar Lágafellssóknar og-
formaður Veiðifélags Úlfarsár í
mörg ár. Hann var einn af
stofnfélögum Lionsklúbbs
Mosfellsbæjar 1965 og var
heiðursfélagi karlakórsins
Stefnis.
Sigsteinn lést 4. febrúar 2010
og vantaði þá 12 daga til að ná
105 ára aldri.
Merkir Íslendingar
Sigsteinn
Pálsson
Guðmundur og Dagur
efstir fyrir lokaumferð
Skákhátíðar MótX
Morgunblaðið/Helgi Ólafsson
Teflandi skákdómari Halldór G.
Einarsson (t.v.) hefur haft í ýmsu að
snúast á Skákhátíð MótX. Hann tefl-
ir og er jafnframt skákstjóri. Með
honum á myndinni er aldursforseti
mótsins, Benedikt Jónasson.
Veistu um góðan
rafvirkja?
FINNA.is
Landsbanki Íslands,
„banki allra lands-
manna“ byggir nú veg-
legt hús yfir höfuð-
stöðvar sínar á dýrusta
lóðinni í Reykjavík.
Helstu rök forráða-
manna bankans eru
þau að höfuðstöðvar
banka eigi að vera í
miðju borgar og mikill
sparnaður sé fólginn í
því að sameina alla starfsemi bank-
ans á einum stað. Þessi röksemda-
færsla er í samræmi við það sem al-
mennt var talið framundir lok
síðustu aldar. Ekki þótti annað hæfa
en að virðulegir bankar gætu boðið
helstu viðskiptavinum sínum til
funda í stórum sölum í glæsilegum
húsum þar sem næsta nágrenni
ljómaði af virðulegum og gjarnan
aldagömlum húsum sem voru tákn
fyrir forna frægð viðkomandi lands.
Allt þetta heyrir nú sögunni til. Nú
vilja viðskiptavinir fá skjóta og góða
þjónustu á hóflegu verði, án alls
óþarfa íburðar. Bankamenn, og ekki
síður viðskiptamenn banka, telja nú
litlu skipta hvar höfuðstöðvar banka
eru staðsettar, flestar þeirra eru ut-
an við miðju borga og bæja þar sem
húsnæðiskostnaður er miklu lægri
en í miðborgum og aðgengi auðveld-
ara fyrir starfsmenn og viðskiptavini
(þ.e. þá fáu sem þurfa að mæta í
bankann í eigin persónu).
Lengi fram eftir 20. öldinni áttu
viðskiptavinir banka erindi í bank-
ann til þess að sinna erindum sínum.
Nú fara fæstir þeirra lengur í bank-
ann, heldur sinna þeir nær öllum
bankaviðskiptum rafrænt heiman frá
sér. Sama máli gildir um samskipti
starfsmanna milli deilda í banka, þær
fara flestar fram rafrænt. Viður-
kenna skal þó að stöku fundi starfs-
manna innbyrðis eða starfsmanna og
viðskiptavina getur verið heppilegt
að halda með beinu sambandi þar
sem menn hittast. Það hentar hins
vegar alls ekki að stefna fund-
argestum niður í miðborg, miklu
heppilegra er að fundir fari fram á
hentugum stað utan borgarmiðju
jafnvel í næsta byggðarlagi þangað
sem auðvelt er að kom-
ast og finna næg ódýr
bílastæði.
Alvarlegast varðandi
byggingu þessa glæsi-
húss er þó að banka-
stjórn Landsbanka Ís-
lands freistar þess að
telja þjóðinni, eigendum
bankans, trú um að með
þessum hætti sparist
stórar fjárhæðir. Það
þarf ekki mikla snilli til
að sjá að það getur ekki
kostað minna að hýsa banka í dýr-
asta húsinu á langdýrustu lóðinni í
Reykjavík en að nýta mun ódýrara
húsnæði á miklu ódýrari lóðum fjær
miðborginni. Svo virðist þó sem
stjórn Landsbankans haldi enn fram
þeirri skoðun að verið sé að gera eig-
endum bankans, íslensku þjóðinni,
stóran greiða. Ekki aðeins muni
þjóðin eignast einn glæsilegasta
banka heims, heldur muni kostnaður
af rekstri bankans dragast svo mjög
saman að hagnaður stóraukist. Um-
sjónarmenn bankans, Bankasýsla og
ríkisstjórn hafa valið þann kost að
trúa fullyrðingum bankastjórn-
arinnar og láta málið afskiptalaust.
Undirritaður telur fullvíst að allar
fullyrðingar stjórnar Landsbankans
um hagkvæmni glæsibyggingar við
Reykjavíkurhöfn reynist víðs fjarri
öllum raunveruleika. Þjóðin muni
sitja uppi með umtalsverðan auka-
kostnað af ævintýrinu en enginn
mun telja sig bera ábyrgðina. Banka-
stjórnin mun viðhafa þá afsökun að
áætlanir hafi ekki reynst réttar,
Bankasýslan og ríkisstjórn treystu
bankastjórninni! Sömu menn munu
halda áfram á sömu braut og málið
gleymist áður en nýr dagur rís.
Banki á dýrustu lóðinni
– nauðsyn eða bruðl?
Eftir Halldór S.
Magnússon
Halldór S. Magnússon
» Alvarlegast er þó að
bankastjórn Lands-
banka Íslands freistar
þess að telja þjóðinni
trú um að með þessum
hætti sparist stórar
fjárhæðir.
Höfundur er fv. bankamaður.