Morgunblaðið - 19.03.2020, Qupperneq 8

8 FRÉTTIRInnlent
MORGUNBLAÐIÐ FIMMTUDAGUR 19. MARS 2020
Glæsilegar danskar
innréttingar í öll
herbergi heimilisins
Fríform ehf.
Askalind 3,
201 Kópavogur.
562–1500
Friform.is
Mán. – Fim. 10–18
Föstudaga. 10–17
Laugardaga. 11–15
Páll Vilhjálmsson minnir á að„Þjóðverjar lokuðu landamær-
um sínum áður en landamærum
Evrópu var lokað gagnvart um-
heiminum. Þjóðverjar vildu ekki
COVID-19 smit frá
Austurríki og Ítal-
íu.
  
Veiran kom úraustri, frá
Kína, það var vitað
um áramótin.
Hvers vegna var landamærum
Evrópu ekki lokað strax í janúar?
Vegna þess að það var ekkert
traust.
  
Íslendingar eru eyþjóð og háðirsamgöngum í austur og vestur.
Það kom ekki til greina að loka
landamærum Íslands vegna þess að
fyrirsjáanlega myndi kórónuveiran
koma hingað fyrr en síðar.
  
Sá kostur var tekinn, í samræmivið íslenska hagsmuni að hafa
landið opið og setja þá landa okkar
í sóttkví sem komu sýktir frá út-
löndum.
  
Evrópa í heild gæti aldrei fariðsömu leið og Ísland, álfan er
of stór og talar of mörg tungumál.
Farsóttin mun drepa þá hug-
myndafræði alþjóðahyggjunnar að
yfirþjóðlegt vald sé betra en stað-
bundið.
  
Þess sjást þegar merki í íslensk-um stjórnmálum. Flokkar al-
þjóðahyggju, Samfylking, Viðreisn
og Píratar, eru eins og úldnir kart-
öflusekkir.
  
Þeir hafa ekkert til málanna aðleggja og híma úti í horni, illa
þefjandi og skömmustulegir. ESB-
guðinn var afhjúpaður sem forn-
eskja og hindurvitni.“
Páll Vilhjálmsson
Veiran afhjúpar
getuleysið
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Brugðist er við athugasemdum og
gagnrýni ríkjahóps Evrópuráðsins
(GRECO) gegn spillingu hvað varð-
ar þingmenn, dómara og saksóknara
í nýjum frumvarpsdrögum félags-
málaráðherra um breytingar á lög-
um um Félagsdóm. Drögin hafa ver-
ið birt á samráðsgátt stjórnvalda.
Í skýrslu GRECO voru m.a. gerð-
ar athugasemdir við hæfisskilyrði
dómara við Félagsdóm og að endur-
skoða þyrfti fyrirkomulag við skipun
dómaranna. Til að koma til móts við
þessar athugasemdir er í frumvarp-
inu gert ráð fyrir auknum hæfisskil-
yrðum dómara sem skipaðir eru í
Félagsdóm, og kveðið er á um aukin
hæfisskilyrði málflytjenda fyrir
dómnum. „Þannig er lagt til að
meirihluti Félagsdóms verði skipað-
ur sitjandi embættisdómurum við
Hæstarétt, Landsrétt eða héraðs-
dómstóla,“ segir í greinargerð.
Lagt er til að ráðherra skipi fimm
dómara í Félagsdóm og þrír dóm-
arar verði skipaðir ótímabundið skv.
tilnefningu Hæstaréttar. Þá er lagt
til að ráðherra skipi tvo dómara og
jafn marga til vara til þriggja ára í
senn samkvæmt tilnefningum Sam-
taka atvinnulífsins og Alþýðusam-
bands Íslands hins vegar.
Sett eru einnig ákvæði sem eiga
að tryggja að dómarar við Fé-
lagsdóm séu sjálfstæðir í dómstörf-
um.
Hægt verði að flýta málarekstri
Í frumvarpinu er líka að finna
ákvæði sem eiga að stuðla að fljót-
virkari úrlausn mála sem borin eru
undir Félagsdóms. Þannig geti for-
seti dómsins t.d. ákveðið stefnufrest
svo sem ef flýta þarf rekstri máls og
um þann tíma sem líða má milli dóm-
töku máls til uppkvaðningar dóms.
„Mál sem höfðuð eru fyrir Fé-
lagsdómi geta oft og tíðum verið
þess eðlis að brýn þörf þykir á
skjótri úrlausn þeirra, svo sem þeg-
ar verkfall eða verkbann er yfirvof-
andi, og þykir mikilvægt að í slíkum
málum geti verið um knappan
stefnufrest að ræða,“ segir í skýr-
ingum. omfr@mbl.is
Brugðist við
gagnrýni GRECO
 Breyta á lögunum um Félagsdóm
Morgunblaðið/Hari
Félagsdómur Breyta á lagareglum.
Fyrirtækið Mannvit var með lægsta
tilboðið í örútboði á óháðri úttekt
sem fram á að fara á fyrirliggjandi
gögnum og rannsóknum Vega-
gerðarinnar á Landeyjahöfn. Fékk
Mannvit einnig flest stig eða 100
samkvæmt matslíkani í útboðinu
samkvæmt upplýsingum sem feng-
ust í samgönguráðuneytinu. Verið er
að fara yfir og meta innsend tilboð.
Fram kemur í opnunarskýrslu
vegna örútboðsins að heildartilboð
Mannvits hljóðaði upp á 8.060.000
kr. VSÓ Ráðgjöf var með næst-
lægsta tilboðið eða 9.390.000 kr. og
fékk 92,92 stig. Verkís bauð
9.919.876 kr. og fékk 90,63 stig í út-
boðinu.
Greint var frá því í Morgunblaðinu
fyrr í þessari viku að samgönguráðu-
neytið hefði skýrt betur örútboð sitt
á vinnu við úttektina á Landeyja-
höfn. Nú hafi verið tekið fram að
vinnan felist í því að fara yfir gögn og
rannsóknir Vegagerðarinnar á höfn-
inni. Gefi niðurstöður rýninnar til-
efni til umfangsmeiri rannsókna á
Landeyjahöfn og umhverfi hennar,
svo að markmiðum þingsályktunar-
innar verði náð, geti svo þurft að fara
í þær sem annað og sjálfstætt verk-
efni. Jafnframt var hámarkskostnaði
breytt og er hann er nú 8 milljónir án
virðisaukaskatts. omfr@mbl.is
Mannvit átti lægsta boð í örútboði
 Tilboð opnuð í samgönguráðuneyti
eftir örútboð á úttekt á Landeyjahöfn
Morgunblaðið/RAX
Landeyjahöfn Örútboð fór fram.