Morgunblaðið - 19.03.2020, Qupperneq 30

BAKSVIÐ
Ágúst Ásgeirsson
skrifar frá Frakklandi
Með innilokun landsmanna á heim-
ilum sínum, lokun verslana annarra
en matvælabúða, stöðvun almanna-
samgangna og takmarkaðri sorp-
hirðu hófst nýr og byltingarkenndur
kafli í lífi Frakka. Elstu menn segja
stemninguna og hamstrið minna
óþyrmilega á stríðsárin 1939-45.
Vegna angistar og kvíða, geðlægð-
ar og vonbrigða er franska þjóðin
ekki að hefja léttvæga æfingu með
innilokun á heimilum sínum. Sálrænn
stuðningur nógu snemma fyrir þá
sem í mestri hættu eru gæti linað
áhrifin. Sérfræðingar segja að forðast
beri að vanmeta áhrif innilokunar-
innar á andlegt heilbrigði þjóð-
arinnar.
Emmanuel Macron forseti sagði í
sjónvarpsávarpi til þjóðarinnar á
mánudagskvöld að Frakkar ættu í
„stríði“. Óvinurinn væri kórónu-
veiran. Greip ríkisstjórn hans til for-
dæmalausra aðgerða og inngripa í
daglegt líf fólks. Fara verður aftur til
seinna heimsstríðsins til að sjá eitt-
hvað sambærilegt. Fyrirskipaði hann
fólki að halda sig heima frá hádegi
síðastliðinn þriðjudag og bað það um
að fara einungis af bæ til að kaupa í
matinn eða til að hitta lækni.
Forsetinn sagði alvarlega hættu
með ófyrirsjáanlegum afleiðingum
blasa við þjóðinni. Hin dökka mynd
sem hann dró upp kallaði fram kvíða,
sér í lagi hjá öldruðum, að sögn heil-
brigðisstarfsfólks. Fólki fannst það
bjargarlaust. Hin mikla umfjöllun
allra fjölmiðla, útvarps, sjónvarps og
dagblaða virkaði eins og olía á
ófriðarbál.
Vegna hinnar formlegu innilok-
unar landsmanna frá því á hádegi á
þriðjudag verður sérhver sá er telur
sig þurfa að bregða sér af bæ frá að
fylla út eyðublað og útskýra þar
hvers vegna hann er utandyra. Eyðu-
blaðið er sótt sem PDF-skjal á
heimasíðu innanríkisráðuneytisins í
París.
„Haldið ykkur heima“
Öflugt eftirlit með því að almenn-
ingur hlýði fyrirmælunum verður
meðfram vegum, stígum og göngu-
götum um land allt. Vegatálmar hafa
verið reistir í þessu skyni og verða
færanlegar eftirlitsstöðvar brúkaðar
einnig. Um 100.000 manna lið borg-
aralegrar lögreglu og herlögreglu
mun vakta þær. Sérhver sá er stöðv-
aður verður og reynist án eyðublaðs-
ins umrædda verður sektaður á
staðnum upp á 38 evrur. Við endur-
tekið útivistarbrot hækkar sektin
hratt í 135 evrur.
Vinnandi fólk getur einnig fram-
vísað vinnustaðaskilríki eða bréfi frá
vinnuveitanda er staðfestir að þess sé
mikil þörf í vinnu.
Innanríkisráðherrann Christophe
Castaner sagði að fyrirmæli til al-
mennings væru skýr: „Haldið ykkur
heima við.“ Markmiðið er ekki að
AFP
Frakkland Kórónuveiran er farin að bíta Frakka með afgerandi hætti. Fólk á að halda sig heima og lögreglumenn sjá til þess að það sé ekki úti að nauðsynjalaustu. Enginn fer upp í Eiffelturninn.
Kvíði og angist meðal Frakka
 Frakkar lokaðir inni heima hjá sér vegna veirunnar  Ástandið minnir á seinni heimsstyrjöldina
 Forsetinn dró upp dökka mynd í fjölmiðlum  Útilokar ekki að gripið verði til útgöngubanns
 SJÁ SÍÐU 32
KÓRÓNUVEIRUFARALDUR30
MORGUNBLAÐIÐ FIMMTUDAGUR 19. MARS 2020
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
Þægilegur
kósýfatnaður
úr bambus og
lífrænni bómull
Vefverslun
rún.is
20%
afsláttur
og
frí póstsending
til 1. apríl