Morgunblaðið - 18.04.2020, Page 29

hans austur á Héraði og nágrann-
ar tóku að koma með útvörp til
hans í viðgerð. Varð hann fljótt
þekktur fyrir hæfni sína í viðgerð-
um. Hann aflaði sér þekkingar á
radíótækni með ýmsu móti og
viðaði m.a. að sér
upplýsingum á erlendum mál-
um. Vera má að þetta hafi eflt
hann í að leita sér frekari mennt-
unar. Hann tók landspróf á Eiðum
en varð að gera hlé á skólagöngu
um sinn vegna veikinda en dreif
sig síðan í menntaskólann. Á þess-
um árum var ekki sjálfgefið að
nemendur ættu útvarp og ekki
ónýtt að hafa aðgang að manni
sem kunni að tengja í hátalara
milli herbergja. Einar var bón-
góður og svaraði gjarnan þegar
einhver óskaði aðstoðar í tækni-
málum: „Ætli sé ekki hægt að fiffa
þetta.“ Af þessu orðatiltæki varð
hann þekktur undir nafninu Einar
fiff. Ekki minnkaði vegur hans í
þeim efnum þegar hann setti á fót
útvarpsstöð á vistinni þegar við
vorum í 5. bekk. Sú framkvæmd
mun ekki hafa valdið fögnuði hjá
Ríkisútvarpinu enda löngu fyrir
umræðu um samkeppni í ljós-
vakamiðlun.
Í samræmi við tækniáhuga
Einars lágu allar raungreinar vel
við honum enda lauk hann há-
skólanámi í þeim og varð kennsla í
eðlisfræði við Tækniskólann ævi-
starf hans. Þar kom jafnlyndi
hans og geðprýði ásamt fræðilegri
og verklegri þekkingu að góðum
notum og þótti hann sérlega lunk-
inn í að skýra flóknustu hluti fyrir
nemendum sínum.
Eins og gjarnan verður þegar
lífsbaráttan og stofnun fjölskyldu
tekur við af skólaárunum þá
fækkaði okkar fundum næstu ára-
tugina. Hittumst þó öðru hvoru á
förnum vegi og spjölluðum en
þegar leið að 50 ára stúdentsaf-
mælinu hafði hann samband og
vildi koma og gleðjast með okkur.
Varð hann samferða nokkrum
bekkjarfélögum norður og átti
með okkur góðar og glaðar
stundir. Í framhaldi þessa bauð
hann nokkrum okkar sumarið eft-
ir í sumarbústað sem hann hafði
eignast uppi á Hólmsheiði. Þar
átti hann gott athvarf við ýmiss
konar bras og „fiff“.
Við í árganginum sendum Sop-
hie, konu hans, og fjölskyldu
hennar innilegar samúðarkveðj-
ur.
Haraldur Finnsson.
Fyrstu kynni mín af Einari
Kristinssyni tókust um miðjan
sjöunda áratug síðustu aldar er
hann sótti tíma í eðlisfræði með
okkur verkfræðinemum. Síðar
lágu leiðir okkar saman í Tækni-
skóla Íslands um miðjan áttunda
áratuginn þegar sá sem þetta rit-
ar var að hefja starfsferil þar, en
Einar hafði kennt við þá stofnun
frá 1966. Samstarf okkar í Tækni-
skóla Íslands, síðar Tækniháskóla
Íslands, stóð fram yfir aldamót en
Einar lét af störfum vegna aldurs
árið 2005 um það leyti sem
Tækniháskóli Íslands rann saman
við Háskólann í Reykjavík.
Einar kenndi alla tíð eðlisfræði
og tók á því viðfangsefni þannig að
honum tókst að útskýra fræðin á
einfaldan og aðgengilegan hátt,
sem hentaði vel þeim nemendum
sem voru, margir hverjir, orðnir
vel fullorðnir, að búa sig undir
nám á háskólastigi. Á starfsferl-
inum samdi Einar mikið af
kennsluefni á flestum sviðum eðl-
isfræðinnar og má þar einkum
nefna aflfræði og rafmagnsfræði.
Einnig útbjó hann mikið af þeim
tækjum sem nota þurfti við verk-
lega kennslu í greininni, enda ekki
hlaupið að því á þeim árum að fá
heimildir til kaupa á þess háttar
búnaði. Við allt þetta nýttist
fræðileg þekking og hagsýni
ásamt lagni við að útbúa þau tæki
og aðstöðu sem til þurfti.
Fyrir hönd samstarfsfólks Ein-
ars við Tækniskóla Íslands sendi
ég aðstandendum Einars innileg-
ustu samúðarkveðjur. Framlag
hans til þess starfs sem þar var
unnið verður seint fullþakkað.
Guðbrandur Steinþórsson
MINNINGAR 29
MORGUNBLAÐIÐ LAUGARDAGUR 18. APRÍL 2020
Einstaka sinnum
á lífsleiðinni hitt-
um við fyrir fólk sem með at-
höfnum og góðmennsku hefur
djúpstæð áhrif á líf manns.
Tryggvi Páll, tengdafaðir minn,
hafði þau áhrif á líf mitt. Hann
tók mér ekki aðeins með opn-
um örmum inn í fjölskylduna
sína heldur varð hann sam-
starfsmaður og viðskiptafélagi
minn í rétt tæpa þrjá áratugi.
Betri félaga og traustari er
ekki hægt að hugsa sér. Hann
hafði ávallt heiðarleika að leið-
arljósi í öllum verkefnum og
hún er ómæld vitneskjan sem
hann hefur komið áfram til mín
og annarra samstarfsmanna
sinna.
Tryggvi hafði óslökkvandi
þorsta fyrir myndlist og drif-
kraftur hans ýtti fjölmörgum
hugmyndum og nýjungum úr
vör. Hann hætti aldrei að
hugsa um hag fyrirtækisins
sem hann byggði upp og sinnti
starfi sínu allt fram til síðasta
dags.
Ef það var eitthvað sem
Tryggvi hugsaði meira um þá
var það fjölskyldan, sem hann
hélt vel utan um, og ferðalög.
Víðförlari mann er erfitt að
finna, hvort sem litið er á
ferðalög hans erlendis eða inn-
anlands. Í samtölum sínum við
samferðarmenn sína átti hann
til að kippa upp landakortinu
og skoða sveitir viðmælenda
sinna. Flest fjöll og dali þekkti
hann, sem oft hefur komið sér
vel þegar landslagsmálverkin
rötuðu inn á borð hans. Hann
gerði sér far um að fara sem
víðast og sjá sem mest og mér
skilst að hann hafi aðeins átt
eftir að keyra einn eða tvo
vegaslóða í dreifbýli á landinu
öllu.
Tryggvi miðlaði ekki aðeins
af visku sinni um landið og
myndlistina. Hann var einkar
handlaginn maður og byggði
sér hús í Kópavoginum og
smíðaði allar innréttingar þar
inn. Þegar við fluttum fyrir-
tækið okkar upp á Rauðarár-
stíg smíðuðum við allar innrétt-
ingar sjálfir og þá kenndi hann
mér að smíða. Þessar smíðar
leiddu síðar til þess að við sett-
um á fót innrömmunarverk-
stæði og það, eins og annað
sem hann kom að, óx og dafn-
aði.
Tryggvi Palli var líka grall-
ari og hafði gaman af því að
gera grín í fólki. Grínið var þó
alltaf góðlátlegt því ekki var að
finna illan þráð í honum og
þannig vil ég minnast hans um
alla tíð.
Góður, heiðarlegur og dug-
legur maður sem bar ávallt hag
annarra fyrir brjósti.
Hvíl í friði, minn kæri félagi.
Jóhann Ágúst Hansen.
Tryggvi Páll
Friðriksson
✝ Tryggvi PállFriðriksson
fæddist 13. mars
1945. Hann lést 7.
apríl 2020.
Kistulagning fór
fram 16. apríl, út-
för verður auglýst
síðar þegar að-
stæður leyfa.
Hann var þéttur
á velli og þéttur í
lund. Tryggvi Páll
var fæddur foringi
og sýndi það í
verki sem for-
maður einnar öfl-
ugustu hjálpar-
sveitar landsins. Í
byrjun áttunda
áratugar síðustu
aldar urðu nokkur
kynslóðaskipti í
hjálparsveitunum, ungt fólk
hópaðist í hjálparsveitir og
flest með traustan bakgrunn í
skátastarfi. Tryggvi var aðal-
hvatamaður að stofnun Lands-
sambands hjálparsveita skáta
og veitti því forystu. Hann
hafði einstakt lag á að fá til
samstarfs gott og drífandi fólk
og átti sinn þátt í að gera sveit-
irnar að því mikla afli sem þær
eru nú. Tryggvi hafði skýra
framtíðarsýn og vann á sinn
hógværa hátt að þeim háleitu
markmiðum að koma á heildar-
skipulagi björgunarmála og að
samræma stjórnun leitar og
björgunar í landinu. Eins ótrú-
legt og það nú er, var við
ramman reip að draga og ekki
auðvelt að hrófla við stöðnuðu
kerfi smákónga sem sumir sátu
fast á sínu. En Tryggvi hafði
þrautseigju sem til þurfti þótt
það tæki áratugi að ná settu
marki. Það var stór áfangi þeg-
ar skrifað var undir samkomu-
lag um stjórnun leitaraðgerða
þar sem landinu var skipt upp í
svæði og skipaðar leitarstjórnir
heimasveita og landsstjórn þeg-
ar leitaraðgerðir tóku til
margra svæða í senn. Tryggvi
var hugsuðurinn á bak við
þetta þótt margir góðir menn
kæmu að starfi með honum.
Svo var með fjölmörg framfara-
mál hjá samtökunum. Það var
einnig stór áfangi þegar haldið
var heillar viku námskeið í
stjórnun leitaraðgerða með er-
lendum leiðbeinendum og þátt-
takendum lykilmanna langt út
fyrir raðir hjálparsveita.
Tryggvi beitti sér fyrir stofnun
nýrra sveita, stofnun Björgun-
arskóla LHS, kom á fjallamara-
þoni og snjóbílavæðingu, virkj-
aði radíóhóp sem kom á
nýjungum í fjarskiptamálum,
t.d. með endurvörpum sem
fleiri en björgunarsveitir gátu
nýtt, kom á nýjungum í fjáröfl-
unum og var óþreytandi að
leiða saman forystumenn hjálp-
arsamtaka sem að lokum leiddi
til sameiningar allra björgunar-
aðila í nýjum og öflugum sam-
tökum. Ég þykist vita að ekki
sé hallað á nokkurn af fjöl-
mörgu samstarfsfólki Tryggva
þegar fullyrt er að hann hafi
átt allar veigamestu hugmynd-
irnar og verið kletturinn í
framkvæmd þeirra. Hjálpar-
sveitarmenn af eldri kynslóð
minnast Tryggva Páls með
hlýjum huga og þökk fyrir gef-
andi samstarf og drengskap um
áratugi. Skólasystur minni El-
ínbjörtu og börnum þeirra
Tryggva Páls sendi ég innileg-
ar samúðarkveðjur.
Bjarni Axelsson.
„Tíminn líður hratt og menn-
irnir með.“ Það var fyrir um
aldarfjórðungi sem undirritað-
ur kom sem snöggvast inn í
Fold sem þá var til húsa í Aust-
urstræti 3. Á vaktinni voru þau
heiðurshjónin Tryggvi Páll og
Elínbjört, heimsóknin var stutt
í það sinn en fræðandi og
skemmtileg. Nokkru síðar flutti
fyrirtækið á Rauðarárstíg 14 í
rúmgott húsnæði sem bauð upp
á mikið sýningarpláss. Kynni af
þeim hjónum urðu nokkur eftir
því sem árin liðu. Það var mikil
upplifun að koma inn, virða fyr-
ir sér listaverkin á veggjunum,
sem þar voru til sýnis.
Tryggvi sat oft inni á skrif-
stofu sinni, hélt vel um alla
tauma og gaf góðar
leiðbeiningar til starfsfólks.
Það voru mikil forréttindi að fá
að sitja á móti Tryggva, ræða
um menn og málefni og þiggja
góð ráð og ábendingar. Oft bar
málefni dagsins í myndlist á
góma en þar var Tryggvi á
heimavelli enda velkunnugur
mörgum listamönnum, landi og
þjóð. Eitt sinn bauð Tryggvi í
bíltúr um nágrenni Reykjavík-
ur, lýsti hann umhverfi og stað-
háttum af mikilli nákvæmni,
enda var hann öllum hnútum
kunnugur frá fyrri tíð í leit-
arstarfi. Eftir því sem árin liðu
vandi ég komur mínar oft í
Fold, stundum bara til að
spjalla við Tryggva. Það var
alltaf eitthvað nýtt að sjá og
endalausar áskoranir frá lista-
gyðjunni. Undirritaður minnist
Tryggva Páls með vegsemd og
virðingu og með þakklæti fyrir
margar liðnar stundir sem ekki
verða tíundaðar í þessum
stuttu minningarorðum. Ekkju
hans Elínbjörtu, börnum,
barnabörnum og tengdabörnum
votta ég mína dýpstu samúð.
Bragi Guðlaugsson.
Veist þú hvert eignir þínar renna eftir þinn dag?
Kynntu þér málið á heimasíðu okkar, www.útför.is.
Þar getur þú m.a. sett inn þínar forsendur
í reiknivél. Við aðstoðum þig við gerð
erfðaskrár, kaupmála og við dánarbússkipti.
Katla Þorsteinsdóttir,
lögfræðingur
Við erum til staðar
þegar þú þarft á
okkur að halda
Útfararþjónusta
& lögfræðiþjónusta
Með kærleik og virðingu
Útfararstofa Kirkjugarðanna
Vesturhlíð 2, Fossvogi | Sími 551 1266 | útför.is
Móðir mín, tengdamóðir, amma, langamma
og systir,
GUÐRÚN JÓNSDÓTTIR
frá Deildartungu,
Birkigrund 63,
lést á Hrafnistu við Sléttuveg aðfaranótt
mánudagsins 13. apríl.
Útför hennar mun fara fram í kyrrþey, en minningarathöfn verður
haldin síðar.
Jón Finnbjörnsson Erla S. Árnadóttir
Guðrún Hrönn Jónsdóttir
Birna S. Jónsdóttir
barnabarnabörn
Ragnheiður Jónsdóttir
Ástkær móðir okkar, tengdamóðir, amma
og vinkona,
ARNHEIÐUR RAGNARSDÓTTIR,
lést mánudaginn 6. apríl.
Jarðarför hefur farið fram í kyrrþey.
Sigríður R. Sigurþórsdóttir Sigurður Ólafsson
Guðbjörg Ósk Sigurþórsdóttir
barnabörn
Eiginkona mín, móðir okkar og
tengdamóðir,
RAGNHEIÐUR GUNNARSDÓTTIR,
lést á hjúkrunarheimilinu Mörk annan
páskadag, 13. apríl.
Bragi Hannesson
Ragnheiður Bragadóttir Bjarni Kristjánsson
Ásdís Bragadóttir Grétar Halldórsson
Bryndís Bragadóttir Ólafur Hallgrímsson
Elskulegur eiginmaður, faðir, tengdafaðir,
afi og langafi,
INGVI B. GUÐMUNDSSON
járnsmiður og slökkviliðsmaður,
til heimils á Suðurlandsbraut 58,
lést þriðjudaginn 14. apríl á Vífilsstöðum.
Útförin fer fram í kyrrþey.
Starfsfólki Fríðuhúss þökkum við sérstaklega hlýju og alúð við
umönnun hans síðustu ár. Einnig þökkum við starfsfólki
Vífilsstaða fyrir góða umönnun síðustu vikurnar í lífi hans.
Agnes Kjartansdóttir
Dadda Guðrún Ingvadóttir Sveinn Óskarsson
Benedikt Ingvason Áshildur Jónsdóttir
Sigrún Björg Ingvadóttir Halldór Þórvaldsson
barnabörn og barnabarnabörn
Ástkær móðir okkar, tengdamóðir, amma
og langamma,
ÞORGERÐUR KOLBEINSDÓTTIR
frá Stóra-Ási,
lést á hjúkrunarheimilinu Hrafnistu í
Reykjavík þann 11. apríl.
Útförin fer fram í kyrrþey mánudaginn 20. apríl vegna aðstæðna
í þjóðfélaginu. Minningarathöfn verður haldin síðar.
Guðrún Helga Andrésdóttir Gunnar Emilsson
Heiðveig Andrésdóttir Pétur H. Guðmundsson
Kristján Andrésson Rósa Marinósdóttir
Kolbeinn Andrésson Snjólaug Arnardóttir
Hallveig Andrésdóttir Einar Sigurmundsson
barnabörn og barnabarnabörn