Rit Búvísindadeildar - 01.07.1992, Qupperneq 14

Búfræðingurinn kom út til ársins 1954 alls 17 árgangar. Ekki verður af
síðusta árgangi ritsins ráðið hvað valdið hefur því að ritið hætti að koma út. Ef
til vill það að aðstæður forvígismannana höfðu breyst og aðrir ekki tilbúnir að
koma til liðs. Allt um það var mikill skaði að því að Búfræðingurinn skildi hætta
að koma út því ritið er eitt merkasta búnaðarrit sem út hefur komið hér á landi
og framtakið mikill sómi forvígismönnunum.
Önnur störf
Þó hér að framan hafi verið getið meginþátta í starfi Guðmundar á árun-
um sem hann var kennari á Hvanneyri fór ekki hjá því að önnur verkefni hlæðust
á hann. Eitt þessara verkefna var formennska í Verkfæranefnd. Verkfæranefnd
var upphaflega sett á laggimar skömmu fyrir 1930 og hlutverk hennar að sjá um
útvegun á verkfærum og tilraunir með verkfæri hér á landi. Verkfæranefhd hefur
alveg frá upphafi verið tengd Hvanneyri en Halldór Vilhjálmsson sat í fyrstu
verkfæranefndinni. Frá 1940 var það ákvæði í lögum að verkfæratilraunir skyldu
fara fram á Hvanneyri og skyldi formaður nefndarinnr vera einn af kennurum
skólans. Guðmudur var formaður verkfæranefndar frá 1946 til 1965 er nefndin
var lögð niður með lögum um Rannsóknir í þágu atvinnuveganna og Bútæknideild
leysti fyrra fyrirkomulag af hólmi. Vekfæranefnd starfaði án starfsmanna og við
þröngan íjárhag þar til að árið 1954 að ráðinn var starfsmaður og verkfæratil-
raunir fengu varanlegan sess í íslenskri tilraunastarfsemi.
Árið 1943 var Guðmundur skipaður í hina fyrstu sexmannanefnd sem einn
fulltrúa bænda. Nefndinni var ætlað að rannsaka gmndvöll afurðaverðsins til
bænda og var sérstaklega vitnað til ákvörðunar "kjötverðlagsnefndar" frá árinu
áður um verðlagninu kindakjöts en nefndin hafði tvöfaldað verð þess frá því er
áður var. Við mat á hæfilegu afurðaverði vom búreikningar lagðir til grundvallar
og var það í fyrsta sinn sem svo var gert. Nefndin varð sammála og taldi verð-
ákvörðun frá árinu áður síst og háa. Nýsköpunarstjómin setti bráðabirgðalöggjöf
um verðiagningu landbúnaðarafurða árið 1945 sem staðfest vom á Alþingi árið
1946. Lögin fólu m.a. í sér skipan s.n. Búnaðarráðs sem var 25 manna nefnd
skipuð bændum eða mönnum sem á einn eða annan hátt störfuðu í þágu land-
búnaðarins. Búnaðarráðið var skipað án tilnefninga. Guðmundur Jónsson var
skipaður formaður ráðsins. Búnaðarráð kaus 4 manna verðlagsnefnd en fimmti
maður þess var formaður ráðsins og var hann jafnframt formaður nefndarinnar.
Verðlagsnefnd Búnaðarráðs ákvað afurðaverð haustin 1945 og 1946. Búnaðarráð
náði ekki þeim áhrifum sem því vom ætluð og mætti andstöðu ýmsra aðila bæði
innan Alþingis og meðal bænda. Ingólfur Jónsson, þá þingmaður Rangæinga og
8