Rit Búvísindadeildar - 01.07.1992, Qupperneq 90

undir flórristunum ólíkt því sem tíðkast erlendis þar sem að flórarnir eru hafðir
opnir með flórsköfum. Flórsköfurnar hafa fyrst og fremst þann kost að hægt er
að færa mykjuna á tiltekinn stað í enda hússins eða út fyrir húsið auk þess er
hægt að loka af hauggeymsluna og fjósiö sjálft þar með útiloka mengun ffá
haughúsi. Flórsköfur hafa þó aldrei náð verulegri útbreiðslu hér á landi, en verið
meira stuðst við þær sem lausn þar sem sérstök vandamál hafa verið fyrir hendi.
Samhliða þessari þróun var upp úr 1960 farið að gera tilraunir með flevti-
flóra. Þessar tilraunir voru fyrst og fremst gerðar hjá bændum og í samvinnu við
bændur og tilgangurinn var sá að finna heppileg stæröarhlutföll þannig að mykjan
rynni eðlilega fram í geymslu. Þessi lausn var fyrst og fremst hugsuð á þeim
stöðum þar sem ekki var hægt að koma haughúsi undir allt fjósiö og þyrfti þá að
fleyta mykjunni hluta af leiðinni í geymslu. Megin niðurstöðurnar af tilraunum
með fleytiflóra voru þær að botn fleytiflórs yrði ávallt að vera láréttur eða halla
örlítið inn á við og að fremst í flórnum þyrfti ef til vill að vera brík eða þrösk-
uldur. Reynslan sýndi þó að slíkt var ekki nauðsynlegt nema í sumum tilvikum.
Einnig kom í ljós að nægilegt var að hafa hliðar fleytiflórsins lóðréttar en ekki
trapisulagaðan eins og upphaflegu hugmyndirnar gerðu ráð fyrir. Ennfremur
verður dýpt flórsins að vera í ákveðnu hlutfalli við lengd til að fleyta mykjunni
fram.
Reynslan hér á landi í sambandi við meneun frá hauggevmslum undir fjósum
er nokkuð samhljóða því sem komið hefur fram erlendis. í megin dráttum er hún
sú að óæskilegar gastegundir úr haughúsum fara sáralítið upp í gripahúsin sé þess
gætt að hafa haughúsin alveg þétt og hreyfa sem minnst við mykjunni. Auk þess
er mikilvægt að loftræstingin í fjósunum sé það öflug að hvergi myndist kyrrstætt
loft í húsunum og að hægt sé að halda lofthraðanum innan þeirra marka sem að
venjulega er ráðlagt við loftræstikerfi.
Tæknl við biöndun búfjáráburðar og losun úr geymslum
Opin haugstæði eru nú nær aflögð bæði af tæknilegum ástæðum og eins
hafa komið til reglugerðarákvæði sem kveða á um lokaðar áburðargeymslur. Þær
kröfur sem gera
verður til áburðargevmslna fyrir búfjáráburð má í stórum dráttum segja að séu
eftirfarandi:
1. Geymslurnar þurfa að vera alveg þéttar.
2. Geymslurnar verða að vera nægilega stórar til að rúma búfjáráburð-
inn fyrir tiltekið tímabil.
3. Geymslurnar þannig hannaðar að hægt sé að koma við tæknibúnaði
til losunar og jafnvel blöndunar.
84