Íslenskar landbúnaðarrannsóknir - 01.09.1974, Side 25

Íslenskar landbúnaðarrannsóknir - 01.09.1974, Side 25
ÍSL. LANDBÚN. J. AGR. RES. ICEL. 1974 6, 1-2: 23-36 Vorhiti og vaxtarskilyrði nytjajurta Bjarni Guðmundsson Bœndaskólanum, Hvanneyri YFIRLIT Gerð var athugun á hitafari um vaxtartíma nytjajurta hérlendis. Athugunin var byggð á tölum frá tæplega 40 veðurstöðvum um árabilið 1931—1960. Líkur voru leiddar að því, að vorgróður byrjaði um það leyti, er meðalhiti fer fyrst yfir 4,0°C, reiknað samkvæmt mánaðameðaltölum. Á grundvelli þessarar ályktunar virðist mega skipta landinu í fjögur svæði eftir því, hvenær vorgróður byrjar. Byrjun vorgróðurs á tilteknum stað, eins og hún er skilgreind hér, má meta allnákvæmlega með hliðsjón af norðlægri breidd staðarins og hæð hans yfir sjó. Komu gróandans seinkar um tæplega 9 daga við hverja gráðu, sem norðar dregur, og um 3 daga við hverja 100 m, sem land hækkar. Rædd- ar eru orsakir frávika ýmissa staða frá þessari reglu. Síðasti frostdagur að vori (sumri) fylgir einnig legu lands og hæð náið. Þannig seinkar síðasta frost- degi um tæplega 10 daga við hverja gráðu norðlægrar breiddar og um tæplega 8 daga við 100 m hækkun lands. Að síðustu er fjallað um samband fjölda frostlausra daga að sumri og legu lands, en þar kemur fram, að frostlausum dögum fækkar um 17 við hverja gráðu, er norðar dregur. Þeim fækkar um 18 daga við hverja 100 m, er ofar kemur á land. Rætt er gildi þessara niðurstaðna við mat á gróðurskilyrðum, og áætlaður er sprettutími fyrir græn- fóður á áðurnefndum ræktunarsvæðum. INNGANGUR Það er alkunn staðreynd, að hérlendis ræður hitafarið því fyrst og fremst, hvaða nytja- jurtir unnt er að rækta og hver árangur ræktunarinnar verður. Þótt landið okkar sé ekki stórt, er talsverður munur á vaxtarskil- yrðum gróðurs milli landshluta, héraða og jafnvel innan héraða. Nauðsynlegt er að kanna gróðurskilyrðin ýtarlega, þannig að skipta megi landinu í ræktunarsvæði eftir gróðurskilyrðum og unnt verði að ráðleggja ræktun sömu nytjajurta og sömu rækmnartækni innan ákveðins ræktun- arsvæðis. Hagkvæm nýting lands, vinnuafls, áburðar, véla, búfjár og fleiri framleiðslu- fanga byggist á því, að fóðurframleiðslan sé byggð á þeim tegundum nytjajurta, er mest- um arði skila á hverjum rækmnarstað. Það hefur verið venja að miða skiptingu landsins í rækmnarsvæði við landsfjórðunga, þótt al- þekkt sé, að innan landsfjórðunga séu svæði, er víkja verulega frá grannsvæðum, hvað gróðurskilyrðin varðar. Nægir þar að nefna Fljótsdal sem dæmi, Með grein þeirri, sem birtist hér, er ekki ætlunin að skipta landinu í gróðursvæði, heidur að skýra frá dálítilli athugun á hita-

x

Íslenskar landbúnaðarrannsóknir

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Íslenskar landbúnaðarrannsóknir
https://timarit.is/publication/1499

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.