Fréttablaðið - 19.12.2020, Side 30

VIÐ VORUM EIGINLEGA
BÚIN AÐ GERA RÁÐ FYRIR
ÞVÍ AÐ GETA EKKERT SÝNT
LEIKRITIÐ ÞESSI JÓLIN,
ÞANNIG AÐ VIÐ ERUM
MJÖG ÞAKKLÁT FYRIR AÐ
FÁ TÆKIFÆRI TIL ÞESS.
Álfarnir Þorri og Þura eru leiknir af þeim Agnesi Wild og Sig-rúnu Harðardóttur en þeir urðu til fyrir 13 árum, þegar þær
Agnes og Sigrún voru aðeins 17 ára
og stefndu báðar á leiklistarnám.
„Við vorum þá fengnar til að
skemmta á leikskóla og ákváðum
að búa til nýjar persónur sérstaklega
fyrir það tilefni. Þannig urðu Þorri
og Þura til, og nokkur sönglög urðu
líka til þennan sama dag. Svo vatt
verkefnið upp á sig, persónurnar
þróuðust og fleiri ævintýri urðu til,“
útskýrir Agnes.
Á tímabili lágu álfarnir aðeins
í dvala á meðan Agnes og Sigrún
bjuggu erlendis, Agnes fór til Lond-
on að læra leiklist og Sigrún var í
Þýskalandi og Bandaríkjunum í
tónlistarnámi. Álfarnir dúkkuðu
samt upp af og til og undanfarið
hefur verið mikið að gera hjá Þorra
og Þuru. Haustið 2018 voru frum-
sýndir nýir þættir á RÚV sem heita
Týndu jólin og í vor verður frum-
sýnd önnur þáttaröð á RÚV sem
mun bera nafnið Þorri og Þura: vinir
í raun. Jólaævintýrið í Tjarnarbíói
var svo frumsýnt um síðustu jól og
seldist þá upp á allar sýningarnar og
því stefndu þær stöllur á annað eins
nú þessi jólin.
Semja verkið og tónlistina sjálfar
Agnes og Sigrún ásamt Evu Björgu
Harðardóttur sem hannar leikmynd
og búninga mynda leikhópinn Mið-
nætti sem sérhæfir sig í vönduðu
leikhúsi og sjónvarpsefni fyrir börn.
Meðal verka sem hópurinn hefur
unnið að er brúðuleiksýningin Á
eigin fótum, sem var tilnefnd til
tveggja Grímuverðlauna og hefur
ferðast víða um heim, meðal ann-
ars til Grænlands, Eistlands og Pól-
lands. Um þessar mundir vinnur
hópurinn að nýrri brúðusýningu
í samstarfi við Þjóðleikhúsið en sú
leiksýning heitir Geim-mér-ei og
verður frumsýnd í Þjóðleikhúsinu
í janúar.
Þær Agnes og Sigrún leika ekki
aðeins álfana heldur er Agnes höf-
undur verksins og samdi Sigrún alla
tónlist sýningarinnar. Leikmynd og
búninga hannar svo Eva Björg Harð-
ardóttir og leikstjórn er í höndum
Söru Marti Guðmundsdóttur.
Sýningin fjallar um það þegar
Þorri og Þura fá afa í heimsókn,
en hann biður þau að passa jóla-
kristalinn sem er uppspretta allrar
jólagleði í öllum heiminum. En það
gengur alls ekki nógu vel hjá þeim
og jólakristallinn hættir að lýsa.
Þorri og Þura leggja af stað í ævin-
týraferð til að finna leið til að laga
kristalinn og finna jólagleðina
í hjartanu. Þau lenda í ýmsum
hremmingum, en allt fer þó vel að
lokum. Að sögn Agnesar er um að
ræða hugljúfa sögu sem minnir
okkur á að lítil góðverk geta haft
mikil áhrif og kærleikurinn er
sterkasta aflið í heiminum.
Spennt að hitta litlu vini sína
Leikarinn Sveinn Óskar Ásbjörns-
son tekur einnig þátt í sýningunni
og bregður sér í ólík hlutverk; Afa,
búálfsins Huldu, Jólakattarins og
Jóla-Sveins.
Agnes segir það gleðja hópinn
mikið að nýjar reglur heimili aftur
leikhússýningar en auðvitað sé sótt-
varnareglna gætt til hins ítrasta.
„Það er alveg frábært, við vorum
eiginlega búin að gera ráð fyrir því
að geta ekkert sýnt leikritið þessi
jólin, þannig að við erum mjög
þakklát fyrir að fá tækifæri til þess.
Tjarnarbíó er alveg til fyrirmyndar
í öllum sóttvörnum og passar upp á
að öllum reglum sé fylgt. Við erum
líka svo spennt að hitta alla litlu
vini okkar aftur og fá að færa barna-
fjölskyldum smá jól í hjarta,“ segir
Agnes en til stóð að sýna sýninguna
allan desembermánuð svo það er
ekki seinna vænna að færa álfana á
fjalirnar.
Aðeins mega vera 50 gestir yfir 15
ára aldri á hverri sýningu og því eru
tilmæli hópsins að fjölda fullorð-
inna með hverjum hópi sé haldið í
lágmarki.
Reglur um fjarlægðar- og sam-
Færa fjölskyldum sól í hjarta
Jólaævintýri Þorra og Þuru verður sýnt nú um helgina í Tjarnarbíói tvisvar á dag. Sýningin hentar að sögn aðstand-
enda ungum sem öldnum en í ljósi gildandi takmarkana eru börn beðin að takmarka fjölda fullorðinna með sér.
Sveinn Óskar
Ásbjörnsson,
Agnes Wild
og Sigrún
Harðardóttir
í hlutverkum
sínum í verkinu
Jólaævintýri
Þorra og Þuru.
Agnes Wild, eða Þorri, starfar bæði sem leikkona og leikstjóri, Sigrún, eða,
Þura, semur alla tónlist í verkum hópsins en starfar einnig sem fiðluleikari.
Haustið 2018 voru sýndir á RÚV þættirnir Týndu jólin og í vor verður sýnd
ný þáttaröð á RÚV sem mun bera nafnið Þorri og Þura: vinir í raun.
Björk
Eiðsdóttir
bjork@frettabladid.is
komutakmarkanir gilda ekki fyrir
börn 15 ára og yngri.
„Þar sem þetta er fjölskyldusýn-
ing og hátt hlutfall gesta eru börn
verður selt í allar sætaraðir en eitt
autt sæti haft milli ótengdra. Æski-
legt er að ótengdir fullorðnir ein-
staklingar hafi því barn yngra en
15 ára á milli sín við val sæta,“ segir
Agnes.
Hver er stærsta áskorunin við að
skemmta börnum?
„Þau eru svo hreinskilin! Það fer
ekki á milli mála hvort þeim líkar
leikritið eða ekki, þau láta strax vita.
Við erum svo heppin að vera búin
að sýna hundruð leikskólasýninga
í gegnum árin og þar höfum við
komist að þessu, það er mjög dýr-
mætt, þá getum við haldið áfram
að þróa karakterana og sögurnar
okkar þannig að börnum þyki þær
skemmtilegar og spennandi.“
Hvað er skemmtilegast við að
leika fyrir börn?
„Það er svo skemmtilegt hvað börn
leyfa sér að lifa sig inn í leikritið. Þau
eru svo miklir þátttakendur í sýn-
ingunni bara með nærveru sinni.
Þau hika ekki við að syngja með ef
þau kunna lögin, hlæja og brosa. Það
gefur okkur svo mikið.“
Fyrir hvaða aldur er sýningin helst
ætluð?
„Fyrir stóra sem smáa! En flestir
gestirnir okkar eru á aldrinum 2 til 8
ára ásamt fjölskyldum sínum.“
1 9 . D E S E M B E R 2 0 2 0 L A U G A R D A G U R30 H E L G I N ∙ F R É T T A B L A Ð I Ð
HELGIN