Morgunblaðið - 06.06.2020, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 6. JÚNÍ 2020
Töfrar eldamennskunnar
byrja með Eirvík
Eldhúsið er ekki bara
herbergi, heldur upplifun
Við hjá Eirvík trúum því að eldhúsið sé hjarta heimilisins.
Innanhússarkítektar og sérfræðingar í heimilistækjum
keppast við að hanna hágæða eldhús sem standast
tímans tönn, með virkni, gæði og sveigjanleika að
leiðarljósi. Eldhúsið er fjárfesting til framtíðar
– tryggðu þér raunveruleg gæði á hagstæðu verði.
Eirvík Suðurlandsbraut 20, Reykjavík, sími 588 0200, eirvik.is.
Opnunartími mánudaga - föstudaga 10-18, laugardaga 11-15
Margrét Þóra Þórsdóttir
Akureyri
„Við reynum hvað við getum að
koma peningunum út og erum mjög
opin og sveiganleg varðandi það á
hvern hátt þeir eru notaðir,“ segir
Ellert Örn Erlingsson, forstöðu-
maður íþróttamála hjá Akureyrar-
bæ. Hvert barn á Akureyri hefur
kost á að nýta sér frístundastyrk
sem í ár er að upphæð 40 þúsund
krónur. Í fyrra voru greiddar út ríf-
lega 86,5 milljónir króna í frístunda-
styrki og runnu þeir til 2.615 barna.
Mismunur er einhver á milli ein-
stakra hverfa hver nýting styrkj-
anna er. Börn í sumum hverfum nýta
styrkinn í meira mæli en börn í öðr-
um. Almennt segir Ellert Örn þó að
menn séu ánægðir með nýtinguna
sem var tæp 80% árið 2019. Lang-
mest er hún í hópi 10 til 12 ára barna,
en eftir því sem þau eldast hrað-
minnkar nýtingin. Verkefnið er þó
alltaf að auka nýtinguna, sérstaklega
hjá elstu hópunum, að sögn Ellerts.
Flestir hjá stóru
íþróttafélögunum
Um 85% barna í sveitarfélginu eru
með skráningu hjá aðildarfélögum
Íþróttabandalags Akureyrar. Lang-
flestir æfa íþróttir hjá stóru íþrótta-
félögunum KA og Þór og fengu þessi
félög samtals um 38% af heildar-
frístundastyrkjum í fyrra. Margir
nýta styrkinn til listnáms af ein-
hverju tagi. Annars runnu styrkir til
ótal mismunandi íþróttafélaga eða
aðila sem bjóða upp á listnám, tón-
list, myndlist, dans, leiklist eða aðrar
tómstundir.
Ellert segir að ýmsar skýringar
fáist hjá þeim sem ekki nýta frí-
stundastyrkinn. Algengast sé að fólk
hreinlega gleymi að nota hann þegar
gengið er frá skráningu barnsins. Þá
nefndir hann einnig að þó svo að 40
þúsund krónur séu dágóð upphæð
dugi hún í sumum tilfellum ekki að
fullu fyrir æfingagjöldum yfir árið
og þeir séu til sem ekki hafi ráð á að
greiða það sem á vantar. Loks nefna
sumir að þeir finni ekki neitt við sitt
hæfi og þyki framboðið ekki nægi-
legt.
Sveigjanlegt og opið
„Það eru dæmi um að börn og
ungmenni hafi ekki áhuga fyrir því
sem boðið er upp á. Þau prófa
kannski en finna sig ekki,“ segir Ell-
ert. Sveitarfélagið fer að hans sögn
aðra leið en mörg önnur í þessum
efnum og sé mun sveigjanlegra þeg-
ar kemur að því að heimila nýtingu.
Þannig geta notendur nýtt styrkinn
upp í kort á skíðasvæðið í Hlíðar-
fjalli, í sundlaugar eða líkams-
ræktarstöðvar. Engar kvaðir eru á
að æfingar skuli stundaðar í ákveð-
inn tíma eða undir leiðsögn, finni
krakkarnir sig best t.d. í sundi eða á
skíðum sé ekkert því til fyrirstöðu að
nýta styrkinn á þann hátt. „En vissu-
lega þurfa þeir sem bjóða upp á
þjónustu við börn og unglinga að
uppfylla ákveðin skilyrði,“ segir
hann.
„Okkar markmið er að koma þess-
um peningum út og við erum því
mjög opin fyrir tillögum um nýtingu
þeirra. Við reynum af fremsta megni
að koma til móts við þarfir krakk-
anna, áhugamál þeirra eru misjöfn,“
segir Ellert Örn. „Við leggjum
áherslu á að allir geti fundið sér eitt-
hvað við að vera. Þessi sjónarmið
ásamt því að upphæðin hefur hækk-
að með árunum hafa orðið til þess að
nýting hefur aukist frá árinu 2016
um 7,5%.“
Rúmlega 2.600 börn á Akureyri
nýttu frístundastyrk í fyrra
Morgunblaðið/Margrét Þóra
Frístundastyrkir Ellert Örn Erlingsson, deildarstjóri íþróttadeildar Akureyrarbæjar. Í fyrra voru greiddar út ríf-
lega 86,5 milljónir króna í frístundastyrki og runnu þeir til 3.486 barna en hver styrkur er 40 þúsund krónur.